Venecia
.svg)
Venecia[1] (en venecianu Venexia o Venessia, n'italianu Venezia) ye una ciudá del noreste d'Italia, na costa del mar Adriáticu, ente les desembocadures de los ríos Po y Piave. Forma parte de la rexón Véneto, de la que ye capital.
La ciudá tien una superficie de 412 km² y comprende alredor de 12 islles, axuntaes ente sí per aciu de 450 pontes, y que s'estienden per una llaguna pantanosa. La población supera los 260.000 habitantes.
Venecia ye famosa polos sos certámenes internacionales como l'Amuesa de cine o la Bienal de les artes. Estos acontecimientos, a los que convién amestar la celebración del antroxu y un patrimoniu d'una gran riqueza, faen d'esta ciudá ún de los principales destinos turísticos mundiales.
Venecia foi una potencia comercial a partir del sieglu X, disponiendo d'una flota que contaba ente les más importantes d'Europa. Ta considerada por dellos historiadores, como Fernand Braudel la primer capital europea del capitalismu.
Enllaces esternos[editar | editar la fonte]
Wikimedia Commons tien conteníu multimedia tocante a Venecia.- (n'inglés) (n'italianu) Páxina oficial de Venecia
- UNESCO Venice Office
- ↑ El Diccionariu de l'Academia de la Llingua Asturiana tien una definición pa venecianu.