Georgia

De Wikipedia
Saltar a navegación Saltar a la gueta
Georgia
15 18 0030 black rock.jpg
Flag of Georgia (U.S. state).svg
Bandera de Georgia (es) Traducir
,
y
Alministración
PaísBandera de Estaos Xuníos d'América Estaos Xuníos d'América
ISO 3166-2 US-GA
Capital Atlanta
Gobernador de Georgia Brian P. Kemp (GA, Ga.)
Llingües oficiales inglés
División
Xeografía
Coordenaes 33°00′N 83°30′O / 33°N 83.5°O / 33; -83.5Coordenaes: 33°00′N 83°30′O / 33°N 83.5°O / 33; -83.5
Georgia in United States.svg
Superficie 153909 km²
Llenda con Carolina del Sur, Carolina del Norte, Tennessee, Alabama y Florida
Puntu más altu Brasstown Bald (en) Traducir
Puntu más baxu Océanu Atlánticu
Altitú media 180 m
Demografía
Población 10 214 860 hab. (2015)
Densidá 66,37 hab/km²
Más información
Estaya horaria Horariu del este de Norteamérica y America/New_York (en) Traducir
georgia.gov
Cambiar los datos en Wikidata

Georgia ye un estáu del Sur d'Estaos Xuníos, perteneciente a la subrrexón conocida como Sur profundu (Deep South). Llenda al norte con Tennessee y Carolina del Norte, al noreste con Carolina del Sur, al sureste col océanu Atlánticu, al sur con Florida y al oeste con Alabama. Ye'l 24u más estensu del país, con 153.909 km2 de terrenu, y el 8u más pobláu, con 10.617.423 habitantes (estimación del U.S. Census Bureau pa 2019). La so capital y mayor ciudá ye Atlanta, una ciudá global beta +. La so área metropolitana, con una población estimada de más de seis millones d'habitantes, ye la novena mayor del país, y compriende'l 57% de toa la población del estáu.

Fundada como colonia británica en 1733, Georgia foi la última de les Trece Colonies, y la más meridional, en ser fundada. Nomada Georgia n'honor del rei Xurde II de Gran Bretaña, la Colonia de Georgia comprendía'l territoriu británicu asitiáu al sur de Carolina del Sur; llendaba tamién cola Florida Española al sur, y cola Luisiana francesa, de la que la separtaba'l ríu Mississippi, al oeste. Georgia foi el cuartu estáu en ratificar la Constitución de los Estaos Xuníos: fízolo'l 2 de xineru de 1788. De 1802 a 1804 la fastera occidental del territoriu de la colonia foi dixebráu d'ella pa formar el Territoriu de Mississippi, a partir del cuálu formaríense dempués los estaos d'Alabama y Mississippi. Georgia declaró la so secesión de la Xunión el 19 de xineru de 1861, y foi ún de los siete Estaos Confederaos orixinales. Tres de la guerra civil foi el caberu estáu en ser reincorporáu a la Xunión, el 15 de xunetu de 1870. Na era posterior a la Reconstrucción la economía del estáu foi tresformada de la manu d'un grupo de políticos, empresarios y periodistes, dirixíos por Henry W. Grady, siguiendo los principios de la filosofía conocida daquella como Nuevu Sur (New South), basada nos principios de reconciliación, industrialización y supremacía blanca. Nel sieglu XX hebo dellos xeorxanos, ente los que rescampla la figura de Martin Luther King, que foron figures destacaes del movimientu polos derechos civiles. De magar 1945 l'estáu tien esperimentao una importante medría poblacional nel contestu del españíu demográficu del Cinturón del Sol. Asina, 14 de los condaos del estáu taben, en 2007-08, nel ránking de los 100 condaos del país con mayor crecimientu demográficu.

Georgia ye una tierra con bayura de fauna y flora, y con estremaos paisaxes. La fastera más septentrional del estáu forma parte de la cordelera de los montes Blue Ridge, parte del sistema montañosu de los Apalaches. La meseta de Piedmont estiéndese dende'l final d'eses cordeleres, en dirección sur, hasta la Fall Line, un escarpe de la llanura costera que define orográficamente la fastera meridional del estáu. Sacante delles zones de gran altitú de los montes Blue Ridge tol territoriu de Georgia tien un clima subtropical húmidu.

Referencies[editar | editar la fonte]

Enllaces esternos[editar | editar la fonte]



Bandera de los Estaos Xuníos Los 50 estaos d'Estaos Xuníos d'América Bandera de los Estaos Xuníos

Alabama · Alaska · Arizona · Arkansas · California · Carolina del Norte · Carolina del Sur · Colorado · Connecticut · Dakota del Norte · Dakota del Sur · Delaware · Florida · Georgia · Ḥawai · Idaho · Illinois · Indiana · Iowa · Kansas · Kentucky · Louisiana · Maine · Maryland · Massachusetts · Michigan · Minnesota · Mississippi · Missouri · Montana · Nebraska · Nevada · New Hampshire · Nueva Jersey · Nueva York · Nuevu Méxicu · Ohio · Oklahoma · Oregón · Pennsylvania · Rhode Island · Tennessee · Texas · Utah · Vermont · Virxinia · Virxinia Occidental · Washington · Wisconsin · Wyoming