Michigan

Coordenaes: 44°20′N 85°35′W / 44.34°N 85.58°O / 44.34; -85.58
De Wikipedia
Michigan
bandera de Michigan
Alministración
PaísBandera de Estaos Xuníos d'América Estaos Xuníos d'América
ISO 3166-2 US-MI
Tipu d'entidá Estaos d'Estaos Xuníos
Capital Lansing
Gobernadora de Michigan Gretchen Whitmer
Nome llocal State of Michigan (en)
Llingües oficiales ensin valor
División
Xeografía
Coordenaes 44°20′N 85°35′W / 44.34°N 85.58°O / 44.34; -85.58
Superficie 250493 km²
Llenda con Wisconsin, Ohio, Indiana, Ontario, Minnesota, Illinois, Alto Canadá (es) Traducir y Provincia Unida de Canadá (es) Traducir
Puntu más altu Monte Arvon (es) Traducir
Puntu más baxu Llagu Erie
Altitú media 275 m
Demografía
Población 10 077 331 hab. (1r abril 2020)
Densidá 40,23 hab/km²
Viviendes 3 980 408 (31 avientu 2020)
Más información
Estaya horaria Horariu del este de Norteamérica, Hora Estándar Central, America/New_York (es) Traducir y UTC−05:00
Fundación 26 xineru 1837
michigan.gov
Cambiar los datos en Wikidata

Michigan ye un estáu de los Estaos Xuníos d'América, asitiáu na rexón del Mediu Oeste y perteneciente tamién a la rexón tresnacional de los Grandes Llagos. El nome vien-y de la pallabra llingua ojibwe|ojibwe mishigamaa, que significa "llagu grande" y facía referencia al llagu Michigan[1][2]. Ye'l decimuprimer estáu más estensu de los Estaos Xuníos y el décimu con más población. La so capital ye Lansing, y Detroit la so ciudá más grande.

Michigan ye l'únicu estáu con un territoriu formáu por dos penínsules. La Península Inferior (Lower Peninsula), a la que se-y aplicaba orixinalmente'l nome de Michigan, tien forma de manopla. La Península Superior (Upper Peninsula) ta separtada de l'anterior polos estrechos de Mackinac, una canal de 8 km d'anchor que xune'l llagu Hurón y el llagu Michigan. Les dos penínsules tán coneutaes ente elles pela ponte Mackinac. L'estáu ye la sodivisión política del mundu que tien la mayor llinia de costa d'agua dulce, una y bones llenda con cuatro de los cinco Grandes Llagos, amás de col llagu Saint Clair[3]. De resultes d'ello ye ún de los estaos del país nos que la navegación de recréu ye más popular[4].

Michigan tien, arriendes d'ello, 64.980 llagos y llagunes interiores[5], lo que fai que dengún llugar del estáu tea más alloñáu de 9,7 km d'una fonte d'agua dulce ni a más de 137 km de la costa de dalgún de los Grandes Llagos[6].

L'área, habitada por tribus de nativos americanos, foi colonizada por esploradores franceses nel sieglu XVII, y convertida en parte de la colonia de Nueva Francia. Tres de la derrota francesa na Guerra franco-india en 1762 la rexón pasó a dominiu británicu, siendo cedida a los recién nacíos Estaos Xuníos tres de la derrota británica na Guerra d'Independencia de los Estaos Xuníos. L'área formaba parte del nomáu Territoriu del Noroeste hasta 1800, cuando la fastera occidental de Michigan foi incluyida nel Territoriu d'Indiana. En 1805 formose'l Territoriu de Michigan, que foi almitíu na xunión, como'l so 26ᵘ estáu, en 1837. Bien ceo convirtióse nún importante centru industrial y comercial de la rexón de los Grandes Llagos, y un destinu perpopular pa los inmigrantes.

Magar que la so economía ye bien diversa, l'estáu ye famosu por ser el centru de la industria de la automoción d'Estaos Xuníos. Les trés grandes compañíes fabricantes de coches del país, les nomaes Big Three (General Motors, Ford y Chrysler), tienen la so sé principal nel área metropolitana de Detroit. Na Península Superior, poco poblada, l'abondanza de recursos naturales fai que'l turismu seya una industria próspera, mentantu que la Península Inferior ye un centru manufactureru, de servicios y d'industries d'alta teunoloxía.

Races[editar | editar la fonte]

Según el censu de 2000 la distribución racial en Michigan ye:

  • 80,2% - Blancos.
  • 14,2% - Negros.
  • 1,8% - Asiáticos.
  • 0,6% - Nativos americanos.
  • 1,9% - Mulatos.

Relixón[editar | editar la fonte]

Mapa de Michigan, incluyendo les sos agües territoriales

La población de Michigan confiésase seguidora de les siguientes relixones:

Referencies[editar | editar la fonte]

  1. «Michigan in Brief: Information About the State of Michigan». Department of History, Arts and Libraries. Consultáu'l 4 d'abril de 2018.
  2. «Freelang Ojibwe Dictionary». Freelang.net.
  3. «My State: Michigan». NOAA Office of Ocean and Coastal Resource Management. Consultáu'l 4 d'abril de 2018.
  4. «Michigan Life Insurance». InsuranceSalesman.com. Archiváu dende l'orixinal, el 22 de marzu de 2011. Consultáu'l 4 d'abril de 2018.
  5. «Compilation of Databases on Michigan Lakes». Michigan Department of Natural Resources. Consultáu'l 4 d'abril de 2018.
  6. «Michigan Tourism Facts». Michigan Economic Development Corporation. Archiváu dende l'orixinal, el 15 d'ochobre de 2016. Consultáu'l 4 d'abril de 2018.

Enllaces esternos[editar | editar la fonte]

Bandera de los Estaos Xuníos Los 50 estaos d'Estaos Xuníos d'América Bandera de los Estaos Xuníos

Alabama · Alaska · Arizona · Arkansas · California · Carolina del Norte · Carolina del Sur · Colorado · Connecticut · Dakota del Norte · Dakota del Sur · Delaware · Florida · Georgia · Ḥawai · Idaho · Illinois · Indiana · Iowa · Kansas · Kentucky · Louisiana · Maine · Maryland · Massachusetts · Michigan · Minnesota · Mississippi · Missouri · Montana · Nebraska · Nevada · New Hampshire · Nueva Jersey · Nueva York · Nuevu Méxicu · Ohio · Oklahoma · Oregón · Pennsylvania · Rhode Island · Tennessee · Texas · Utah · Vermont · Virxinia · Virxinia Occidental · Washington · Wisconsin · Wyoming