Comunidá Valenciana

De Wikipedia
Saltar a: navegación, buscar
Comunidá Valenciana
Comunidad Valenciana
Comunitat Valenciana
Bandera de_Comunidá Valenciana Escudu de_Comunidá Valenciana
(En detalle) (En detalle)
Localització del País Valencià.png
País Bandera d'España. España
Capital Valencia
Población (2008)
 -Habitantes
 -Densidá
 -% d'España
Puestu: 4
5.029.601 habitantes
216,28 hab/km²
10,9 %
Superficie
 -Total
 -% d'España
Puestu: 8
23.255 km²
4,6 %
Xentiliciu valencianu, -a, -o
Llingües oficiales Castellanu y valencianu
Estatutu d'Autonomía 10 de xunetu de 1982
ISO 3166-2 VC
Representación parlamentaria
 -Congresu
 -Senáu

32 escaños
5 escaños
Presidente Ximo Puig Ferrer (PSPV)
http://www.gva.es/

La Comunidá Valenciana (en valencianu: Comunitat Valenciana) ye una comunidá autónoma na costa mediterránea d'España.

Delles vegaes tamién denomínase País Valencianu (País Valencià), un términu apaecíu al entamu del sieglu XX, y utilizáu nel actual Estatutu d'Autonomía. Sicasí, nun tien reconocencia oficial fuera d'esti.

El so orixe históricu remóntase al Reinu de Valencia, entidá política, xurídica y alministrativa fundada el 1239 y con vixencia hasta el 1707.

Xeográficamente estiéndes dende el ríu Senia hasta Pilar de la Foradada más allá de la desembocadura del ríu Segura. A más, les islles mediterránees de Nova Tabarca y les Columbretes son tamién parte de l'alministración valenciana, como el Rincón de Ademuz, enclave valencianu rodiáu por municipios aragoneses y manchegos. Ta compuesta poles provincies d'Alacant, Castelló y València y 33 comarques.

Hestoria[editar | editar la fonte]

Edá antigua[editar | editar la fonte]

De la prehistoria constátase la primera presencia humana nes tierres valencianes al rodíu del sieglu XL e.C. con restos neandertales na Cova Negra (Xàtiva), les coves de Salt (Alcoi) y del Cochino (Villena). De la dómina antigua, la Comunidá Valenciana considérase una parte mui importante de la civilización íbera, esti pueblu (o meyor dicho, conxuntu de pueblos) tien el so orixe nes poblaciones indíxenes de la edá del bronce que caltuvieron unos intensos intercambios comerciales y culturales con tartessos, griegos y fenicios y el so esplendor finaría al rodíu del sieglu V e.C. como amuesa la so producción artística, que tien como más importante expresión la Dama d'Elx.

Les guerres entre cartaxineses y romanos qu'acabaron por someter tola mariña valenciana a l'autoridá de Roma a principios del sieglu III e.C., nun eliminaron la cultura ibérica, porque tovía atopamos importantes manifestaciones artístiques autóctones, por exemplu les figures pintaes con motivos figurativos o narrativos hasta'l sieglu I d.C.

L'aculturación, poro, foi progresiva. L'orixe de la vertebración de la Comunidá Valenciana surde mientres la romanización, al rodíu de la fundación de la colonia de Valentia Edetanorum (València) l'añu 158 e.C. y de la Colonia Julia Illici Augusta (Elx) nel sieglu I e.C.

Edá media[editar | editar la fonte]

Penó de la conquista conserváu nel archivu municipal de la ciudá València

Depués de la desintegración del Imperiu romanu dende principios del sieglu VII hasta anicios del VIII, gran parte del territoriu tuvo suxetu al Reinu visigodu de Toledo, y la otra parte, dende Dénia hasta Cartagena, tuvo baxo dominación de Bizanciu primero y del Reinu de Tudmir depués, con centru'n Oriola. El pactu d'Abd al-Aziz con Tudmir nel añu 713 permitió la entrada de los árabes a la península, cuando comienza una de les etapes más importantes del país, la dómina d'Al-Andalus. Pesie a qu'esta dómina inda nun tá estudiada abondo y constitúi ún de los periodos más escuros de la historia de Valencia, ye xeneralmente aceptada la importancia de la influencia de la so cultura y la so llingua sobre la cultura valenciana actual, que ficieron del Xarq al-Andalus uno de los requexos más cultos d'Europa.[1]

Sicasí, l'orixe directu y más remotu del País Valencianu d'anguaño ta principalmente venceyáu a la fundación del Reinu de Valencia, de carácter feudal. Nel añu 1233 el rei Xaime I el Conquistador entama la conquista de los territorios marcaos por trés sieglos de presencia serraína: los reinos de taifa de Balansiya, Dénia y Murcia. Según se fundó'l reinu, magar la presencia de población tagarina, inicialmente mayoritaria, fixéronse repoblaciones con colonos cristianos d'orixe catalán y aragonés, fundamentalmente. Estos cristianos reestructuraron la economía y organizaron el territoriu al rodíu de les villes con representación nes Cortes valencianes.[2]. L'añu 1304 el reinu estiéndese hasta Oriola pola sentencia de Torrelles y yá tenía un estatus políticamente independiente colos Fueros de València dende l'añu 1261, y la sociedá valenciana desendolca la so identidá privativa, pesie a compartir rei, cultura y llingua colos territorios hispánicos de la Corona d'Aragón.

Edá moderna[editar | editar la fonte]

Depués del prestixu económicu, social y cultural mientres el sieglu d'oru valencianu porpiciáu pola expansión mediterranea de la Corona d'Aragón nel sieglu XIV, y depués de diversos conflictos sociales, el país finalmente cedió colos Decretos de Nueva Planta nel 1707, cuando se desmantela'l reinu y deróguense los fueros; pasa a fomrar parte del Reinu d'España, asimilándose a la llexislación castellana y queda priváu d'autonomía, llingua y cultura propies.[3]

Edá contemporania y actualidá[editar | editar la fonte]

Mientres el sieglu XIX, Valencia amplia les arees d'agricultura, sobremanera relacionaes cola collecha d'uva, arroz, naranxa y almendra. El pasu a la industria asitiarálu nel cuartu puestu del estau español hasta l'actualidá. A principios del sieglu XX, la sociedá valenciana vindica l'autogobiernu del País Valencianu y, depués d'un primer intentu cuando la Segunda República Española y depués d'un periodu de totalitarismu del 1939 al 1975, finalmente algama l'autonomia en 1977 mientres la Transición española. Na segunda metá d'esti sieglu, surde un nuevu sector económicu que practicamente sustitúi l'espaciu de l'agricultura en cuanto a nivel d'ingresos económicos; el turismu. Cola aprobación del estatutu en 1982, recupera el so gobiernu propiu y la Generalitat Valenciana, qu'asegura la so alministración. [4]

División alministrativa[editar | editar la fonte]

Provincies[editar | editar la fonte]

Na primera división provincial de la España baxo dominiu napoleónicu nel sieglu XIX, l'alminsitración española dividió'l territoriu ente la prefectura d'Alacant y la de València, que llendaba cola prefectura de Tarragona na llínia que xunía Vistabella y Peníscola.[5]

En 1822, plantegáronse per primer vez unes provincies asemeyaes a les actuales, xebrándose0l país, de norte a sur, nes provincies de Castelló, València, Xàtiva y Alacant. Finalmente en 1833 cola división propuesta por Javier de Burgos, finalmente'l númberu de provincies queda en trés, suprimiendo Xàtiva.

En 1851 améstense al País Valencianu los territorios históricamente castellanos de Villena a la provincia d'Alacant y Requena a la provincia de València. D'otra miente, la localidá históricamente valenciana de Cabdet, xunto a la localidá d'Almansa, pesie a solicitar sin éxitu en 1861 l'anexión a la provincia d'Alacant, nun volvieron a formar parte territorialmente del País Valencianu dende 1707 y queden na actualidá vinculaes al territoriu castellanu, na provincia d'Albacete.

Comarques[editar | editar la fonte]

D'otra miente, el País Valencianu tien una arraigada tradición de comarcalismu, si bien la división comarcal actual, basada na propuesta de Joan Soler i Riber en 1970, difier d ela división comarcal tradicional descrita por Emili Beüt en 1937.

Sicasí, l'agrupación de les comarque esn cuatro rexones propuesta por Joan Soler nun recibió sofitu políticu na creación de la comunidá autónoma valenciana l'añu 1982 y axustóse a la división provincial española preexistente. Estes rexones tratábense d'agrupaciones comarcales segun criterios históricos, llingüísticos y socioeconómicos. [6]

Finalmente, nel añu 1999, créase el consorciu de les Comarques Centrals del País Valencià, col oxetivu d'algamar una cuarta provincia española.

La Comunidá Valenciana tien 33 comarques, distribuíes asina:

Les rexones del País Valencianu son:

Llingua[editar | editar la fonte]

Na Comunidá hai declaraos oficialmente dos predominios llingüísticos territorialmente, el del castellanu, que s'asitia nel interior y al este, y el del valencianu (nome que se-y da al catalán na comunidá), que s'asitia a lo llargo de tola fastera costera. Anguaño'l conocimientu del valencianu xorreció abondo dende'l 1982, con un 4% d'alfabetizaos, hasta'l 84% según el censu del CIS del añu 1998.

Fiestes[editar | editar la fonte]

En delles ciudaes celébrase la fiesta de los moros y cristianos. Tamién celébrense en munches poblaciones les fiestes de falles (marzu), principalmente en València. N'Alacant les Fogueres de San Xuan (xunu), en Castellón la Madalena y n'Elx el Misteri d'Elx (agostu).

Xeografía[editar | editar la fonte]

Relieve[editar | editar la fonte]

Ta configuráu polos montes del norte, que pertenecen al Sistema Ibéricu, les sierres meridionales del Sistema Béticu y les sierres, altiplanos y llanos centrales. Nel Maestrat asitíase'l monte más emblemáticu del país, la Penyagolosa, de 1813 m. d'altor, considerada popularmente como la más elevada, anque enrealidá esa ye Calderón, nel Rincón de Ademuz, qu'algama los 1839 m.

La mariña tien la sierra d'Irta, de Vila Joiosa o la serra Gelada, l'albufera d'Oropesa, de València y d'Elx, les llagunes de Torrevella y la Mata, que se convirtieron en salines y grandes sableres dende Benicàssim hasta Almenara o dende Puçol hasta la Marina, incluyendo importantes formaciones de dunes como nel Saler en València o les de Guardamar.

Clima[editar | editar la fonte]

El País Valencianu ta bañáu pol Mar Mediterraneu y tien un clima mediterráneu que, cuanto más al interior, más suave ye. D'esti xeitu, hai tres tipos de climes mediterráneos nel territoriu:

  • Típicu: estiéndese pela mariña norte y central del territoriu con un iviernu non demasiao fríos por mor de l'acción suavizadora que fai el mar y con branos enforma secos y calurosos, les precipitaciones concéntrense en primavera y tamién na seronda, pero con riesgos de gota fría. Les localidaes más representatives d'esti clima pueden ser Alzira, Castelló, Gandia, Torrent, Sagunt o València.
  • Continental: ye un clima de transición ente'l mediterraneu típicu y el continental, propiu de la península ibérica. Los iviernos son fríos, los branos más cálidos que nel típicu y les precipitaciones nun son abondoses, pero tán meyor distribuyíes nel añu y en forma de ñeve n'iviernu. Localidaes: Requena, Villena, Alcoi o Ibi.
  • Secu: tien llugar dende la Marina Alta hasta'l Baix Segura con unes temperatures enforma cálides nel branu y un iviernu suave con poques precipitaciones. Cuanto más al sur, más áridu ye'l clima con un iviernu tovía más suave y branos bien llargos, secos y calurosos. Les precipitaciones tienen llugar de manera ocasional nes estaciones de transición, esto ye, seronda y primavera. Localidaes: Alacant, Benidorm, Elx, Oriola y Torrevella.
  • Montaña: tien llugar en zones més altes del territoriu al rodíu de l'área del Mediterraneu continental. El clima de montaña ta rexíu pola altor, factor qu'inflúi na temperatura y les precipitaciones, que davezu son más abundantes y enforma de ñeve n'iviernu. Localidaes: Ademuz, Morella.

Enllaces esternos[editar | editar la fonte]

Referencies[editar | editar la fonte]

  1. Martínez, Francesc A. y Laguna, Antonio (2007): «De nómadas a ciudadanos», en La Gran Historia de la Comunitat Valenciana. València: Editorial Prensa Valenciana, S.A., 2007. ISBN 978-84-87502-90-3
  2. Simó Santonja, Vicent Lluïs (1997): "Les Corts Valencianes". València, Corts Valencianes.
  3. «Derogación de los fueros de Aragón y Valencia; y su reduccion á las leyes y gobierno de Castilla». A: Novisima recopilación de las Leyes de España (inglés), 1805.
  4. Bodoque Arribas, Anselm. La política lingüística dels governs valencians (1983-2008). Universitat de València, 2011, p. 33. ISBN 8437083699.
  5. Prontuario de las leyes y decretos del Rey Nuestro Señor Don José Napoleon I (castellán). Imprenta Real, 1810, p. 125.
  6. Membrado i Tena, Joan Carles; Piqueras Haba, Juan. «La política territorial de la Generalitat Valenciana: La comarcalització pendent» (en valencià). Cuadernos de Geografía. Facultat de Geografia i Història de la Universitat de València [València], Núm. 58, 1995, pàg. 337-365. ISSN: 0210-086X.
Autonomíes d’España
Comunidaes autónomes Bandera de Andalucía.svg Andalucía · Flag of Aragon.svg Aragón · Flag of Asturias.svg Principáu d'Asturies · Flag of the Balearic Islands.svg Islles Baleares · Flag of the Canary Islands.svg Canaries · Flag of Cantabria.svg Cantabria · Bandera Castilla-La Mancha.svg Castiella-La Mancha · Flag of Castile and León.svg Castiella y Llión · Flag of Catalonia.svg Cataluña · Flag of the Land of Valencia (official).svg Comunidá Valenciana · Flag of Extremadura (with coat of arms).svg Estremadura · Flag of Galicia.svg Galicia · Flag of the Community of Madrid.svg Comunidá de Madrid · Flag of the Region of Murcia.svg Rexón de Murcia · Bandera de Navarra.svg Comunidá Foral de Navarra · Flag of the Basque Country.svg País Vascu · Flag of La Rioja (with coat of arms).svg La Rioxa
Ciudaes autónomes Flag Ceuta.svg Ceuta · Flag of Melilla.svg Melilla
España · Europa