Enclave y exclave

De Wikipedia
Saltar a navegación Saltar a la gueta
Diagrama esplicativu de les discontinuidaes territoriales: enclaves y exclaves
Los diferentes territorios (estaos, condaos, municipios...) represéntense con diferentes collores y lletres. Les partes estremaes del mesmu territoriu represéntense col mesmu collor y lletra. La parte principal del territoriu identifícase namái cola so lletra, y les partes más pequeñes con esa lletra y un númberu.
  •      A
    • Tien trés exclaves (A1, A2 and A3). Ye imposible dir del territoriu principal de A a dengún d'ellos atravesando namái territoriu d'A. Sicasí...
      • A1 y A2 nun son enclaves, porque dengún d'ellos ta arrodiáu pol territoriu d'un únicu territoriu foriatu;
      • A3 ye un enclave, porque ta completamente arrodiáu por B: it is totally surrounded by B.
    • Tien un enclave (E), una faza de territoriu foriatu arrodiada completamente pol territoriu d'A.
    • Tien dos contraenclaves o enclaves de segundu orde (A4 y A5), territorios que-y pertenecen y que tán incrustaos nel enclave E.
    • Tien un contra-contraenclave o enclave de tercer orde (E1).
  •      B
    • Contién dos enclaves (A3 y D).
  •      C
    • Ye un territoriu continuu, ensin exclaves o enclaves.
  •      D
    • Ye un territoriu enclaváu, con continuidá territorial pero completamente arrodiáu por un únicu territoriu foriatu (B).
  •      E
    • Ye un territoriu enclaváu incrustáu n'A.
    • Contién dos enclaves (A4 y A5), que son contraenclaves d'A.
    • Tien un contraenclave (E1), que ye a la so vegada, un contra-contraenclave incrustáu en A5.

Un enclave ye un territoriu, o parte d'un territoriu, que ta arrodiáu completamente pol territoriu d'otru estáu[1]. Les agües territoriales tienen los mesmos atributos de soberanía qu'el territoriu; poro, pueden esistir tamién enclaves dientro de les agües territoriales[2]. Un exclave ye una parte d'un estáu o un territoriu que ta xeográficamente separtáu del territoriu principal del mesmu por territorios d'otru o otros estaos[3]. Munchos exclaves son, al tiempu, enclaves. El términu enclave ye, delles vegaes, usáu incorrectamente pa dicir qu'un territoriu ta parcialmente rodeáu per otru estáu[1]. La Ciudá del Vaticanu y San Marín, enclavaos por Italia, y Lesotho, enclaváu pola República Sudafricana, son los únicos estaos enclavaos del mundu. A diferencia d'un enclave, un exclave puede tar arrodiáu por territoriu de varios estaos[4] L'exclave azerí de Nakhchivan ye un exemplu d'exclave.

Los semienclaves y semiexclaves son rexones que, de nun ser porque tienen una llende marina non arrodiada por territorios de dengún otru país, sedríen enclaves o exclaves[5]. Los enclaves, como los citaos nel párrafu anterior, y los semienclaves, como Mónaco, Gambia y Brunéi, pueden esistir como estaos independientes, mentantu que los exclaves siempre son namái una parte d'un estáu soberanu[6].

Un penienclave ye una parte del territoriu d'un país a la que namái puede aportarse -especialmente per carretera o ferrocarril- atravesando'l territoriu d'otru estáu[7]. Los penienclaves reciben tamién los nomes d'enclaves funcionales o enclaves prácticos[8]. Pueden ser completamente terrestres, cuando les montañes que lu arrodien faen el territoriu inaccesible dende'l restu del país de nun ser que s'aporte a elli al traviés del territoriu d'otru (como asocede en Kleinwalsertar, un valle austriacu accesible namái dende territoriu alemán), o tener una fastera costera, d'agües territoriales propies, pero con accesu rodáu namái dende otru país (Points Roberts (Washington), nos Estaos Xuníos pero con accesu rodáu dende Canadá).

Galería[editar | editar la fonte]

Referencies[editar | editar la fonte]

  1. 1,0 1,1 Raton, Pierre (1958). «Les enclaves». Annuaire français de droit international.
  2. Melamid, Alexander, Enclaves and Exclaves. International Encyclopedia of the Social Sciences, vol. 5. The Macmillan Company & Free Press, 1968.
  3. Exclave. Webster's Encyclopedic Unabridged Dictionary of the English Language, 1989, p. 497
  4. Rozhkov-Yuryevsky, Yuri. The concepts of enclave and exclave and their use in the political and geographical characteristic of the Kaliningrad region. 2013, Baltic Region (2): 113–123. doi:10.5922/2079-8555-2013-2-11.
  5. Vinokurov, Evgeny. The Theory of Enclaves. Lexington Books, Lanham (Maryland), 2007, p. 12-14.
  6. Rozhkov-Yuryevsky, Yuri. The concepts of enclave and exclave and their use in the political and geographical characteristic of the Kaliningrad region. 2013, Baltic Region (2): 113–123. doi:10.5922/2079-8555-2013-2-11.
  7. «Exclaves». Annals of the Association of American Geographers 49 (3, [Part 1]):  pp. 283–295. September 1959. doi:10.1111/j.1467-8306.1959.tb01614.x. 
  8. Vinokurov, Evgeny. The Theory of Enclaves. Lexington Books, Lanham (Maryland), 2007, p. 31.