Constitución española de 1978

De Wikipedia
Infotaula documentConstitución española de 1978
Constitución española de 1978, Constitució espanyola, Constitución española, Konstituzioa Espainiako, Constitució espanyola y Constitució espanyola
Tipu constitución
Estáu España
Llingua orixinal castellanu, catalán, valencianu, gallegu, catalán balear y vascu
Robláu por Xuan Carlos I d'España
Serie
Parte de Transición española
Cambiar los datos en Wikidata

Constitución Española de 1978, la norma principal del ordenamientu xurídicu español, resultancia d'un procesu históricu nomáu "Transición Española" que camudó'l réxime franquista de 1975 nuna Monarquía parllamentaria.

Historia[editar | editar la fonte]

Como parte la Transición Española hasta la democracia, la muerte'l dictador Xeneral Francisco Franco, el 20 de payares de 1975, supuso la proclamación como rei de Xuan Carlos I, y poco dempués (en xunetu de 1976) la formación d'un Gobiernu presidíu por Adolfo Suárez González, y nomáu según la llexislación vixente. El Gobiernu unvió, n' ochobre de 1976, a les Cortes un proyeutu de Llei pa la Reforma política, que foi aprobáu poles Cortes, y, posteriormente, y según tolos requisitos exixíos por les Lleis Fundamentales (señaladamente la Llei de Socesión) sometíu a referendu.

Esta "Llei pa la Reforma política" venía suponer un notable camudamientu de les lleis fundamentales, ensin introducir ella mesma un sistema democráticu-constitucional pero faciendo posible la creación d'ésti. La Llei insertabase formalmente nel ordenamientu xurídicu vixente (la so disposición final definíala espresamente comu «Llei fundamental») pero separtábase dafechu nel so espíritu d'esi ordenamientu, yá que:

  • reconocía los derechos fundamentales de la persona comu inviolables (artículu 1)
  • otorgaba la potestá llexislativa en exclusiva a la representación popular (artículu 2), y
  • preveía un sistema eleutoral inspiráu en principios democráticos y de representación proporcional.

Posteriormente el Real Decretu Llei 20/1977, de 18 de marzu, reguló'l procedimientu pa la eleición de les Cortes, eleición que se llevó a cabu'l 15 de xunu de 1977, nes primeres eleiciones llibres dende febreru de 1936.

Una les xeres prioritaries de les Cortes foi la redaición d'una Constitución. La Llei de Reforma Política ofrecía la posibilidá de que la iniciativa de la reforma constitucional correspundiera al Gobiernu o al Congresu los Diputaos, elixéndose esta cabera opción. La Comisión d'Asuntos Constitucionales y Llibertaes Públices del Congresu los Diputaos nominó una Ponencia de siete diputaos, que iguó un anteproyeutu de Constitución. Estes siete persones, conocíes comu los Padres de la Constitución fueron:

L'anteproyeutu discutióse na Comisión, y, dempués, discutíu y aprobáu pol Congresu los Diputaos. A continuación, procedióse al esame del testu del Congresu pola Comisión Constitucional del Senáu, y el Plenu del mesmu muérganu.

La discrepancia ente'l testu aproáu pol Congresu y l'aprobáu pol Senáu ficieron necesaria la intervención d'una Comisión Mixta Congresu-Senáu, que iguó un testu definitivu. Esti foi votáu y aprobáu por les dos Cámares. Sometíu a referendu, foi ratificáu'l día 6 d'avientu de 1978, sancionáu'l día 27 del mesmo mes pol Rei, y publicáu nel BOE el 29 d'avientu (evitose'l día 28 por coincidir col día los Santos Inocentes). Dende entós, ca 6 d 'avientu ye fiesta nacional n' España, celebrándose'l Día de la Constitución.

Estructura[editar | editar la fonte]

La Constitución ye la Norma Fundamental del Estáu, a la que tán suxetos los poderes públicos y los ciudadanos. Toa disposición u actu contrariu a la Constitución carez de validez y será expulsáu al avíu del ordenamientu xurídicu o sancionáu con arreglu les normes so xusticia constitucional y otres disposiciones constitucionales y llegales.

Siguiendo la llinia de les constituciones modernes, la Constitución Española de 1978 estructúrase en dos partes claramente diferenciaes en cuantu al so conteníu: la parte dogmática y la parte orgánica.

Parte dogmática[editar | editar la fonte]

Nesta parte la norma xurídica faese una declaración de principios que indiquen y atopen los valores imperantes na sociedá que na que se inserta. Na Constitución Española la parte dogmática tá integrada poles siguientes partes:

  • Entamu
  • Títulu preliminar (artículos 1 a 9).
  • Títulu I, nomáu «De los derechos y deberes fundamentales» (artículos 10 a 55).

Parte orgánica[editar | editar la fonte]

Diseñase la estructura del Estáu regulando los muérganos básicos que exercen los poderes estatales. El sistema español conserva'l diseñu tripartitu de división de poderes de Montesquieu, entre Poder executivu, Poder llexislativu y Poder xudicial. Los apartados correspundientes na Constitución Española son los siguientes:

  • Títulu II, «De la Corona» (artículos 56 a 65)
  • Títulu III, «De les Cortes Xenerales» (artículos 66 a 96)
  • Títulu IV, «Del Gobiernu y de la Alministración» (artículos 97 a 107)
  • Títulu V, «De les rellaciones ente'l Gobiernu y les Cortes Xenerales» (artículos 108 a 116)
  • Títulu VI, «Del poder xudicial» (artículos 117 a 127)
  • Títulu VII, «Economía y Facienda» (artículos 128 a 136)
  • Títulu VIII, «De la organización territorial del Estáu» (artículos 137 a 158)
  • Títulu IX, «Del Tribunal Constitucional» (artículos 159 a 165)
  • Títulu X, «De la reforma constitucional» (artículos 166 a 169)

La Constitución finaliza coles Disposiciones Adicionales, Transitoria, derogatoria y final.

Reformes[editar | editar la fonte]

La Constitución española foi modificada una vegada (Artículu 13.2, Títulu I) pa extender a los ciudadanos de la Xunión Europea el drechu a votu (eleutores y elixibles como candidatos, sufraxiu pasivu) nes eleiciones llocales. Esta reforma constitucional entró en vigor el 28 d'agostu de 1992.

Drechos fundamentales[editar | editar la fonte]

Recoyóse una amplia declaración de derechos individuales, ensin restriciones. Incluyéronse derechos sociales (drechu al trabayu, a la vivienda, a la educación, a la sanidá) y económicos.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]