Xuan Carlos I d'España

De Wikipedia
Saltar a navegación Saltar a la gueta
Wikipedia:Artículos revisaos
Xuan Carlos I d'España
KingofSpain.jpg
Príncipe de España

22 xunetu 1969 - 22 payares 1975
← ensin valor - ensin valor →
Rei d'España

22 payares 1975 - 19 xunu 2014
Francisco Franco - Felipe de Borbón
Vida
Nacimientu

Roma5 de xineru de 1938

(80 años)
Nacionalidá Bandera d'Italia Italia
Bandera d'España España
Familia
Padre Juan de Borbón
Madre María de les Mercedes de Borbón y Orleans
Casáu/ada con Sofía de Grecia  (14 mayu 1962 -
Pareyes Marta Gayà
Corinna zu Sayn-Wittgenstein
Bárbara Rey
Fíos/es
Hermanos/es
Pueblu Casa de Borbón en España
Estudios
Estudios Instituto San Isidro
Llingües castellán
Oficiu
Oficiu soberanu y políticu
Premios
Miembru de Académie des sciences morales et politiques
Graduación capitán general
Creencies
Relixón Ilesia Católica
catolicismu
IMDb nm0207526
Juan Carlos I of Spain Signature.svg
Cambiar los datos en Wikidata

Xuan Carlos Alfonsu Víctor María de Borbón y de Borbón-Dos Sicilies (5 de xineru de 1938Roma), conocíu simplemente como Xuan Carlos I, foi Rei d'España dende 1975 hasta 2014. Anguaño ye rei eméritu d'España.

Biografía[editar | editar la fonte]

Ñetu d'Alfonsu XIII y fíu de Xuan de Borbón, Conde de Barcelona, nació en Roma, Italia'l 5 de xineru de 1938, onde taba esiliada la so familia dende la so salida d'España tres la proclamación de la II República.

Na entrevista'l 25 d'agostu de 1948 ente Franco y'l Conde de Barcelona alcuérdase que'l Príncipe se tresllade a España pa cursar equí los sos estudios.

Según lo alcordao, cursó en Madrid el bachilleratu. Llueu realizó la so instrucción militar na Academia Xeneral Militar de Zaragoza (1955-1957), na Escuela Naval Militar de Marín en Pontevedra (1957-1958) y finalmente na Academia Xeneral del Aire de San Javier (Murcia) (1958-1959).

En 1962 casó con Sofía de Grecia, que caltenía, cabero col entós príncipe Xuan Carlos, una rellación familiar bona con Franco. Con Sofía de Grecia tuvo tres fíos: Elena y Cristina, infantes d'España (que yá-y dieron cinco nietos); y Felipe, Príncipe d'Asturies y heriedu al tronu.

En virtú de la Llei de Socesión a la Xefatura del Estáu de 26 de xunetu de 1947, Franco propúnxolu como'l so socesor a títulu de Rei, lo cual foi ratificao poles Cortes en xunetu de 1969, énte les cuales xuró su nomamientu y la defensa de les Llei Fundamentales.

Asumió interinamente la Xefatura del Estáu demientres el franquismu (19 de xunetu a 2 de setiembre de 1974 y 30 d'ochobre a 20 de payares de 1975), por malures de Franco. Tres de la muerte d'ésti, proclamáronlu Rei d'España el 22 de payares de 1975.

El 14 de mayu de 1977 el Conde de Barcelona, resignó a los sos drechos dinásticos hestóricos y la xefatura de la Casa Real na persona de Xuan Carlos, una vez que constató'l compromisu d'esti na instauración de la democracia. Con esti arrenunciu reanudábase la dinastía hestórica.

Reináu[editar | editar la fonte]

Demientres el so reináu aprobóse la Constitución Española (28 d'avientu de 1978) que definiendo les funciones del rei, suprime los poderes executivos otorgaos pol franquismu y convierte al rei nun monarca parllamentariu al usu n'Europa Occidental.

D'esta miente, son atribuciones constitucionales del rei: sancionar y promulgar les lleis, disolver les Cortes y convocar eleiciones, proponer y nomar al candidatu a la Presidencia del Gobiernu, exercer la xefatura suprema de les Fuercies Armaes, simbolizar la unidá del Estáu y arbitrar y moderar el furrulamientu de les instituciones.

Ún de los momentos más graves a los que tuvo que facer frente'l rei Xuan Carlos foi l'intentu de güelpe d'estáu de 23 de febreru de 1981, el conocíu como "23-F".

Esi día, demientres la investidura del candidatu a la Presidencia del Gobiernu Leopoldo Calvo Sotelo, prodúxose la toma del Congresu de los Diputaos por parte de fuercies de la Guardia Civil al mandu del Teniente-Coronel Antonio Tejero. Al empar na Capitanía Xeneral de la VI Rexón Millitar (Valencia) el Teniente-Xeneral Jaime Milans del Bosch ocupó les cais de la ciudá con tanques y hubo diversos conatos n'otros puntos, tales comu la toma de los estudios de Televisión Española nel Prado del Rey (Madrid).

La intervención del Rei desautorizando'l güelpe, frenó la insurreición y contribuyó a aumentar el so carisma ente seutores políticos que fasta entós nun yeren mui afines a la forma de gobiernu monárquica.

Abdicación[editar | editar la fonte]

El 2 de xunu de 2014 anunció la so renuncia al tronu [1], dexando'l camín a la socesión al so fíu Felipe. El presidente de Gobiernu Mariano Rajoy anuncia l'aconceyamientu del Conseyu de Ministros nel día 3 de xunu col envís d'aprobar una llei orgánica que permita tramitar l'abdicación.[2]

Referencies[editar | editar la fonte]

Enllaces esternos[editar | editar la fonte]


Predecesor:
Alfonsu XIII
Corona real española.svg
Rei d'España

1975 - 2014
Socesor:
Felipe VI
Predecesor:
Francisco Franco
Xefe d'Estáu d'España
1975 - 2014
Socesor:
Felipe VI
Predecesor:
Xuan de Borbón
Príncipe d'Asturies
1941 - 1975
Socesor:
Felipe VI