Club de Roma
| Club de Roma | |
|---|---|
organización ensin ánimu de llucru, think tank (es)  , organización internacional y sociedá científica | |
 | |
| Llocalización | |
| Sede | Winterthur |
| Direición | Suiza |
| Historia | |
| Fundación | 7 abril 1968 |
| Fundador | Aurelio Peccei |
| Orixe del nome | Roma |
| Organigrama | |
| Presidente | Mamphela Ramphele (ochobre 2018) |
| Varios | |
| Premios |
|
| Web oficial | |
 | |
El Clube de Roma ye una organización formada por prominentes personalidaes, que gueta la promoción d'un xorrecimientu estable y sofitáu de la humanidá. El Clube de Roma tien, ente los sos miembros a importantes científicos (dellos Premios Nobel), economistes, políticos, xefes d'estáu, ya inda asociaciones internacionales. L'Asturianu David M. Rivas forma parte del Clube.
Historia[editar | editar la fonte]
En 1968 reunióse en Roma un grupu de 35 científicos, políticos ya investigadores, que proveníen de 30 países estremaos, pa falar de los cambios que se taben produciendo nel planeta por consecuencia d'aiciones humanes. Dos años más sero'l clube de Roma taría creáu ya llegalizáu embaxo la llexislación suiza.
Trenta años depués, el Club de Roma cuntara ente les sos files con más de 100 especialistes de 52 países, asoleyara mas de 21 informes de sumu interés ambiental y caltuviera una posición importante, nel ámbitu ambiental, reconocida internacionalmente. Ye necesario destacar que depués de la espublización del Informe sobro los llímites del crecimientu por Dennis Meadows en 1972, desatóse l'aniciu d'un movimientu que sería conocíu como ecoloxía político y otres corrientes político-filosófiques derivaes tales como'l ecofeminismu o l'ambientalismu.
Oxetivos[editar | editar la fonte]
El clube de Roma asoleyará de contino dellos proyeutos ya informes de temes de tanto interés como:
- deterioru del medioambiente físicu,
- crís de les instituciones,
- burocratización,
- enayenadura de la mocedá,
- violencia,
- educación inadecuada,
- brecha creciente ente países probes ya industrializaos,
- xorrecimientu urbanu incontroláu,
- inseguridá nel emplegu,
- satisfaición decreciente obtenida nel trabayu,
- impugnación de los valores de la sociedá,
- indiferencia énte la llei y l'orde,
- inflacción y disrupción monetaria y
- brecha creciente nos países ente ricos y probes
Ver tamién[editar | editar la fonte]
Enllaces esternos[editar | editar la fonte]
- (n'inglés) Páxina oficial
