Simón Bolívar

Simón Bolívar
1. presidente de Bolivia
Presidente de Perú
presidente Gran Colombia
Presidente de Venezuela
Presidente de Venezuela
Vida
Nacimientu	Caraques, 24 de xunetu de 1783
Nacionalidá	España 1811); Bolivia 29 avientu 1825); Ecuador 1827); Venezuela 1819); Gran Colombia 1830)
Residencia	Casa del Vínculo y del Retorno (es) ; Ingenio Bolívar (es)
Llingua materna	castellanu
Muerte	Quinta de San Pedro Alejandrino (es) , 17 d'avientu de 1830 (47 años)
Sepultura	Catedral Basílica de Santa Marta (es) ; Catedral Metropolitana de Santa Ana (es) ; Panteón Nacional de Venezuela (es)
Causa de la muerte	tuberculosis; Fiebre tifoideo
Familia
Padre	Juan Vicente Bolívar y Ponte
Madre	María de la Concepción Palacios y Blanco
Casáu con	María Teresa del Toro y Alayza (1802 – m. 1803)
Pareyes	Manuela Sáenz
Fíos/es	0
Hermanos/es	María Antonia Bolívar Palacios; Juana Bolívar Palacios; Juan Vicente Bolívar Palacios
Familia	ver Hipólita Bolívar (madre tutelar (es) ); Carlos Palacios y Blanco (tíu maternu); Esteban Palacios y Blanco (tíu maternu); Fernando Bolívar (fíu del hermanu); Guillermo Palacios Bolívar (sobrino sororal (es) );
Estudios
Llingües falaes	castellanu; francés
Alumnu de	Simón Rodríguez; Andrés Bello
Oficiu	políticu, oficial
	Participante Campaña Admirable (es) ;
Premios	ver Gran Cruz de la Orde El Sol del Perú ; doctor honoris causa de la Universidá Nacional Mayor de San Marcos ; Libertador de Venezuela (14 ochobre 1813) ;
Serviciu militar
Graduación	xeneral
Lluchó en	guerres d'independencia hispanoamericanes
Creencies
Relixón	Masonería regular (es)

Simón José Antonio de la Santísima Trinidad Bolívar y Ponte Palacios y Blanco (24 de xunetu de 1783, Caraques – 17 d'avientu de 1830, Quinta de San Pedro Alejandrino ^(es) ) foi un cabezaleru políticu d'América Llatina. Lluchó pola independencia de los territorios baxo dominiu español que güei formen Venezuela, Colombia, Ecuador, Perú, Panamá y Bolivia. Reverenciado anguaño como héroe nestos países y en bona parte del restu d'América Llatina.

Primeros años de vida

Bolívar naz en Caraques (güei capital de Venezuela) nuna familia aristocrática, educáu por dellos tutores, ente los que destaca Simón Rodríguez, qu'inflúi muncho nes sos idees.

A la muerte los sos pas, cola pa España en 1799 pa completar la so educación. N'España cásase con María Teresa Rodríguez del Toro y Alaysa en 1802, quien, nuna breve visita a Venezuela, muerre de fiebre mariello en 1803. Bolívar regresa pa Europa en 1804 onde s'axunta al séquitu de Napoleón Bonaparte.

El llibertador

Bolívar torna pa Venezuela en 1807. Cuando Napoleón convierte a Xosé en rei d'España y de les sos colonies en 1808, Bolívar pasa a participar nes xuntes de resistencia d'América. La xunta de Caraques declara la independencia en 1810, y Bolívar marcha pa Inglaterra nuna misión diplomática.

Vuelve a Venezuela en 1811. En xunetu de 1812, el cabezaleru de la xunta, Francisco de Miranda ríndese, y Bolívar tien que fuxir pa Cartagena de Indias. Ye ehí au Bolívar escribe'l Manifiesto de Cartagena.

En 1813 lidera la invasión de Venezuela. Entra en Mérida'l 23 de mayu, siendo proclamáu El Libertador ("el llibertador"), algama Caraques el 6 d'agostu y proclama la Segunda República Venezolana. Pasa, entós, a comandar les fuercies nacionalistes de Colombia, capturando Bogotá en 1814. Mentantu, depués de dalgún contratiempu militar, Bolívar vese obligáu a fuxir, en 1815, pa Xamaica onde pide aida al cabezaleru haitianu Alexandre Sabès «Pétion».

En 1816, concedida esa aida, Bolívar regresa al combate, desembarcando en Venezuela y capturando Angostura (güei, Ciudad Bolívar).

El Integrador

En 1826, Bolívar intenta promover la integración continental al convocar el Congresu de Panamá. Aconceyen representantes de Colombia, Guatemala, Méxicu, Perú y d'Estaos Xuníos. Yera l'entamu de les Conferencies Panamericanes.

Bolívar tuvo munches dificultaes p'alministrar la nomada Gran Colombia. Pel añu 1826 delles revueltes asocediéronse en Venezuela, y, a pesar de l'amnistía y del arraigu del gobiernu cola participación de los rebeldes, xorreció la disidencia política na rexón de Nueva Granada.

Bolívar proclamóse dictador en 1828, a pesar de creyer que sería una midida provisional. Sufrió una tentativa d'asesinatu en setiembre de 1828 y, magar que frustráu, esti acontecemiento afectó-y el restu de la so vida.

Bolívar renunció a la presidencia'l 27 d'abril de 1830. Nesti mesmu añu, morrió de tuberculosis en Santa Marta, Colombia.

Referencies

↑ Afirmao en: Gran Enciclopedia Soviética (1969–1978). Sección, versículu o párrafu: Боливар Симон. Editorial: Большая Российская энциклопедия. Llingua de la obra o nome: rusu. Data d'espublización: 1969.
↑ ^2,0 ^2,1 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.

[140b42e3c33b9e13906e1d160479c399b331f54a-1] Afirmao en: Gran Enciclopedia Soviética (1969–1978). Sección, versículu o párrafu: Боливар Симон. Editorial: Большая Российская энциклопедия. Llingua de la obra o nome: rusu. Data d'espublización: 1969.

[abc9457dcf728dd069b8ed5b2e1a86035cf2b679-2] 2,0 ^2,1 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.

[af00c1e6bd0cb67897912ed438e40c6358162672-3] Biblioteca Nacional de Francia. «autoridaes BNF» (francés). Consultáu'l 10 ochobre 2015.

[1]

[2]

[3]