Mick Jagger

De Wikipedia
Mick Jagger
Voz
Vida
Nacimientu Dartford[1]26 de xunetu de 1943[2] (80 años)
Nacionalidá Bandera del Reinu Xuníu Reinu Xuníu [3]
Familia
Padre Joe Jagger
Madre Eva Ensley Mary Scutts
Casáu con Bianca Jagger (1971 – div. 1978)[4]
Jerry Hall (1990 – nul. 1999)[5]
Pareyes Cleo Sylvestre
Chrissie Shrimpton
Marianne Faithfull
Marsha Hunt
Jerry Hall
L'Wren Scott
Melanie Hamrick
P. P. Arnold
Claudia Lennear
Anita Pallenberg
Ava Cherry
Bebe Buell
Carla Bruni
Vanessa Neumann
Luciana Gimenez
Sophie Dahl
Noor Alfallah (en) Traducir
Fíos/es
Hermanos/es Chris Jagger
Estudios
Estudios London School of Economics
Dartford Grammar School (en) Traducir
Wentworth Primary School (en) Traducir
Llingües falaes inglés[6]
Oficiu actor, cantautor, guitarrista, compositor, cantante, productor de cine, poeta, productor musicalproductor
Premios
Nominaciones
Miembru de Little Boy Blue & The Blue Boys (en) Traducir
The Rolling Stones[7]
Xéneru artísticu rock
blues
rock and roll
Rhythm and blues
Mena de voz Barítonu
Instrumentu musical guitarra
Harmónica
pianu
voz
piano vertical (es) Traducir
Discográfica Virgin Records
ABKCO Records
Universal Music Group
Rolling Stones Records
IMDb nm0001396
mickjagger.com
Cambiar los datos en Wikidata

Michael Philip "Mick" Jagger (26 de xunetu de 1943Dartford) ye un músicu de rock británicu conocíu, sobremanera, por ser el vocalista, compositor y cofundador del grupu The Rolling Stones. Tamién trabayó como productor musical y cinematográficu, actor y empresariu. Amás, el grupu ganó dos Grammy y él, en solitariu, un Globu d'Oru.

Primeros años[editar | editar la fonte]

Nacíu'l 26 de xunetu de 1943 en Dartford (condáu de Kent, Inglaterra), Mick ye fíu del profesor d'Educación física Basil Joseph Jagger —conocíu, amás, por ser quien introdució'l baloncestu na isla[ensin referencies] y por conducir un programa de televisión nel que Chris, l'hermanu pequeñu de Mick, foi unu de los sos modelos— y de l'ama de casa australiana Eva Scutt. Dende pequeñu siempres s'interesó pola música —inclinándose escontra'l R&B— y con 18 años empezó cola harmónica.

Estudió na Maypole Primary y na Wentworth Country Primary School, onde unu de los sos compañeros foi Keith Richards. La secundaria estudiar nel Dartford Grammar School y gracies a les bones notes que sacó llogró una beca pa estudiar na London School of Economics, onde camudó'l Mike por Mick. Nunca terminó la universidá.

Carrera con The Rolling Stones[editar | editar la fonte]

Carrera como solista[editar | editar la fonte]

A mediaos de los 80, Jagger decidió estremase de The Rolling Stones y empecipiar una carrera cómo solista. En 1984 participó, cómo artista invitáu, nel senciellu "State of shock", de The Jacksons (banda de Michael Jackson y los sos hermanos, posterior a The Jackson Five), y un añu más tarde actuó, xunto a Tina Turner, en Live Aid y participó nel videoclip de "Dancing in the Street" de David Bowie. Tres el discu Undercover, de The Rolling Stones, Mick decidió debutar en solitariu. Reclutó a músicos cómo Pete Townshend, Herbie Hancock, Jeff Beck y Carlos Alomar, y los productores Bill Laswell y Nile Rodgers pa grabar She's the boss (1985).

"Just another night" foi'l senciellu más esitosu de la so carrera en solitariu —llegó al númberu 12 del Billboard Hot 100[ensin referencies]— y del qu'acabó renegando: «Tien esi arrastre de les téuniques de grabación que s'usaben entós. Esi gran ecu de fondu... Yeren los primeros tiempos de los samples y les máquines de ritmu, qu'agora se consideren tan malos», díxo-y el cantante a la revista Rolling Stone.[ensin referencies]

El segundu álbum foi Primitive Cool (1987), producíu por Jimmy Rip. Un añu más tarde presentó a The Beatles nel so ingresu nel Salón de la Fama del Rock and Roll y actuó xunto a Bruce Springsteen y George Harrison. Pa escuchar los cantares del tercer discu, Wandering Spirit, hubo qu'esperar hasta 1993, onde l'artista invitáu foi Lenny Kravitz y producíu, de nuevu, por Rip.

En 2001 llegó Goddess in the Doorway, destacando la tema que graba a dúu xunto a Bono, d'U2. Jagger viaxó a Alemaña pa grabar les voces de la tema titulada "Joy".[8] Bono venía de dar un conciertu en Colonia la nueche anterior y práuticamente nun podía cantar.[9] El cantar trata sobre la busca espiritual —y l'alcuentru— d'un estáu interior de gracia.[10]

En 2007 sale'l quintu, y hasta'l momentu, últimu discu en solitariu: The Very Best of Mick Jagger, que'l so senciellu foi "Charmed life".

En 2011 grabó un senciellu con Will.I.Am, llamáu "T.H.Y. (The Hardest Ever)", tamién con Jennifer Lopez.[ensin referencies]

En 2011 formó una banda (SuperHeavy) xunto col cantante Damian Marley (fíu de Bob Marley), Joss Stone, Dave Stewart y A.R. Rahman, siendo una banda d'estilu que va dende'l rock al reggae, amestando tamién enclinos indios, famosa pola so single Miracle Worker.

En xunetu del 2011 la banda Maroon 5 y Christina Aguilera fixeron homenaxe a los bailles y xestos habituales de Mick nes sos actuaciones, col cantar Moves Like Jagger ("Muévese como Jagger"), qu'algamó notable ésitu.

Carrera cinematográfica[editar | editar la fonte]

La so primer apaición nel cine foi como protagonista en Perfomance (1968). Dos años más tarde protagonizó Ned Kelly. En 1992 llegó Freejack. Nueve años más tarde foi'l xefe d'una axencia de gigolós en The man from Elyssian fields xunto a Andy García. Y esi mesmu añu, en 1992, fundó la so propia compañía cinematográfica: Jagged Films. El primer proyeutu foi'l drama ambientáu na Segunda Guerra Mundial Enigma. En 2008, coprodujo y foi guionista d'una película protagonizada por The Rolling Stones y empobinada por Martin Scorsese: Shine a light.

Vida personal[editar | editar la fonte]

Jagger tuvo casáu dos vegaes. La so primer esposa foi una moza nicaragüense, que'l so nome de soltera yera Bianca Pérez-Mora Macias, cola que se casó'l 12 de mayu de 1971 en Saint-Tropez (Francia). El 21 d'ochobre d'esi mesmu añu nació la so segunda fía Jade Sheena Jezebel Jagger —la primera ye Karis Hunt Jagger, fía de l'actriz Marsha Hunt— y 9 años más tarde la pareya divorcióse. Bianca llegó a dicir sobre esta rellación que remató'l día de la so boda.[11] El matrimoniu tuvo arrodiáu siempres de rumores sobre adulteriu per parte d'él: un añu enantes de divorciase empecipió una rellación cola que sería la so segunda muyer, Jerry Hall.[12] Tres años de novialgu, casáronse'l 21 de payares de 1990 en Bali (Indonesia) pol ritu hindú. Nueve años más tarde sería-y concedida l'anulación. Dende'l 2001 empezó a salir cola diseñadora de moda L'Wren Scott, que'l 17 de marzu de 2014 foi atopada colgada pol pescuezu d'una bufanda nel so apartamentu del barriu neoyorquín de Chelsea,[13] la noticia foi espublizada en delles partes del mundu como la muerte de la novia de Mick Jagger, entá cuando ella mesma espresó en vida que nun-y gustaba que se-y conociera como la novia de naide.[14]

En 2003 foi nomáu Caballeru de la Orde del Imperiu Británicu y foi Embaxador de la Candidatura olímpica de Londres 2012.

Discografía en solitariu[editar | editar la fonte]

Álbumes[editar | editar la fonte]

Bandes sonores[editar | editar la fonte]

Senciellos[editar | editar la fonte]

  • Don't Look Back (con Peter Tosh, setiembre 1978)
  • State of Shock (xunu 1984))
  • Just Another Night (febreru 1985)
  • Lucky in Love (abril 1985)
  • Lonely at the Top (abril 1985)
  • Dancing In the Street (con David Bowie, agostu 1985)
  • Ruthless People (xunetu 1986)
  • Let's Work (setiembre 1987)
  • Throwaway (payares 1987)
  • Say You Will (avientu 1987)
  • Sweet Thing (xineru 1993)
  • Wired All Night (marzu 1993)
  • Don't Tear Me Up (abril 1993)
  • Out of Focus (xunetu 1993)
  • God Gave Me Everything (ochobre 2001)
  • Visions of Paradise (marzu 2002)
  • Old Habits Die Hard (con Dave Stewart, ochobre 2004)
  • Charmed Life (xineru 2008)
  • T.H.Y. (The Hardest Ever) Will.I.Am ft. Mick Jagger and Jennifer Lopez 20-11-11

Filmografía[editar | editar la fonte]

Jagger apaeció nes siguientes películes:

Premios[editar | editar la fonte]

Globu d'Oru[editar | editar la fonte]

Añu Categoría Película Resultáu
2005 Globu d'Oru al meyor cantar orixinal Alfie Ganador

Referencies[editar | editar la fonte]

  1. Afirmao en: Gemeinsame Normdatei. Data de consulta: 11 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. Afirmao en: Gemeinsame Normdatei. Data de consulta: 26 abril 2014. Llingua de la obra o nome: alemán. Autor: Biblioteca Nacional d'Alemaña.
  3. «LIBRIS» (26 marzu 2018). Consultáu'l 24 agostu 2018.
  4. Afirmao en: Parachute Women: Marianne Faithfull, Marsha Hunt, Bianca Jagger, Anita Pallenberg, and the Women Behind the Rolling Stones. Llingua de la obra o nome: inglés.
  5. URL de la referencia: https://web.archive.org/web/20021028053921/http://news.bbc.co.uk/2/hi/uk_news/419374.stm.
  6. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  7. 7,0 7,1 Afirmao en: Chambers Concise Biographical Dictionary. Autor: Una McGovern. Editorial: Chambers Harrap. Data d'espublización: 2003.
  8. Noticies MTV
  9. Foi noticia: Bono grabando con Mick Jagger el cantar Joy (inclúi videu de la grabación).
  10. Like a song: Joy (by Mick Jagger, with Bono) (n'inglés).
  11. "GREATEST HITS OF THE CELEBRITY 'EX' FILES"
  12. "Limited Engagement. Rolling Stone Mick Jagger took his first futile stab at marital satisfaction 30 years ago"
  13. "L'Universal: 17 de marzu de 2014"
  14. "El Mundo: 17 de marzu de 2014"

Ver tamién[editar | editar la fonte]