Luis Sepúlveda

De Wikipedia
Saltar a navegación Saltar a la gueta
10-03-2020 20:51
Luis SepúlvedaPicto infobox auteur.png
Luis Sepúlveda 2014.jpg
Vida
Nome completu Luis Sepúlveda Calfucura
Nacimientu Ovalle4  d'ochobre de 1949
Nacionalidá Bandera de Chile Chile
Residencia Chile
Europa
Fallecimientu

Uviéu16  d'abril de 2020

(70 años)
Causa de la muerte COVID-19
Familia
Casáu/ada con Carmen Yáñez
Estudios
Estudios Universidá de Chile
Llingües castellanu
inglés
francés
Italianu
alemán
Oficiu
Oficiu escritor, periodista, guionistadireutor de cine
Trabayos destacaos Un vieyu que lleía noveles d'amor
Premios
IMDb nm0784720
Cambiar los datos en Wikidata

Luis Sepúlveda Calfucura (4  d'ochobre de 1949Ovalle - 16  d'abril de 2020Uviéu) foi un escritor, periodista y cineasta chilenu, autor de cuentos y noveles. Fizo teatru con Víctor Jara, y trabayó como guardaespaldes de Salvador Allende. Tres el golpe militar foi deteníu y torturáu, vivió nel exiliu vivió colos indios shuar na Amazonia y participó na Revolución Sandinista. Ye autor de la novela «Un vieyu que lleía noveles d'amor» traducida a más de 60 llingües, ente elles l'asturianu[1]. Residió en Xixón les caberes décaes de so vida.

Primeros años[editar | editar la fonte]

Nació nel Hotel Chile de Ovalle, mientres «la fuga d'amor baxo mandatu de captura», porque, como esplica la so madre, «yera menor d'edá y escaparen porque'l padre d'ella, que denunciara al mozu por raptu, oponíase al romance».[2] So padre, Luis Sepúlveda, militante del Partíu Comunista, yera dueñu d'un restorán y la so madre, Irma Calfucura, enfermera d'orixe mapuche.

Creció nel barriu San Miguel de Santiago y estudió nel Institutu Nacional, onde empezó a escribir inspiráu por una profesora d'Hestoria.[3]

Estudios y militancia política[editar | editar la fonte]

Manifiesta nacer «rojo, profundamente rojo»: a los quince años ingresó na Jota, les Mocedaes Comunistes de Chile (Juventudes Comunistas de Chile), pero foi espulsáu en 1968 y dempués militó nuna fraición del Partíu Socialista llamada Exércitu de Lliberación Nacional.[4]Fizo los estudios primarios na escuela Francisco Andrés Olea (Santiago) y los secundarios nel Institutu Nacional. Dempués ingresó na Escuela de Teatru de la Universidá de Chile na que titulóse como direutor. Años dempués estudió una llicenciatura en Ciencies de la Comunicación na Universidá de Heidelberg, Alemaña.

Actividá profesional y exiliu[editar | editar la fonte]

A los diecisiete años publicó'l so primer llibru, un poemariu, y un periodista que frecuentaba'l restorán paternu consiguió-y trabayu como redautor policial nel diariu Clarín. A los venti años yá tenía bastantes rellatos, que «un bon amigu» ordenó, dando entamu a la so primer escoyeta de cuentos: «Crónicas de Pedro Nadie».[5]

Reconoz la gran influyencia que tuvo Francisco Coloane nos sos primeros cuentos.[6] Dempués de lleer a esti escritor, Sepúlveda llegó a emplegase como pinche de cocina nun barcu balleneru.

Considera que los sos años más felices fueron los de la «Unidad Popular». En 1971 casó con Carmen Yáñez, a quien conociera cuatro años antes; en 1973 nació'l so fíu Carlos Lenin, pero'l matrimoniu separtóse llueu. Realcontráronse venti años dempués n'Alemaña y volvieron formar pareya.

Dempués del golpe militar encabezáu por Augusto Pinochet, Sepúlveda tuvo deteníu nel Reximientu Tucapel de Temuco.

En 1977 abandonó Chile, tuvo en Buenos Aires, depués pasó a Montevidéu y dempués a Brasil. Más tarde crució a Paraguái, Bolivia, Perú y Ecuador, onde trabayó un tiempu y conoció a los indios shuar. Nesi país ingresó na Brigada Internacional Simón Bolivar, cola que partió a Nicaragua a principios de 1979 pa participar na Revolución Sandinista.

Pocu dempués del trunfu de la revolución, marchó p'Alemaña ya instalóse n'Hamburgu. Ellí vivió catorce años, casó con Margarita Seven, con quien tuvo trés fíos, incorporóse al movimientu ecoloxista, y, como corresponsal de Greenpeace, travesó los mares del mundu ente 1983 y 1988.[7]

Como escritor, saltó a la fama internacional dempués d'espublizar, en 1989, la so novela inspirada pola so esperiencia de convivencia colos shuar «Un viejo que leía novelas de amor», que se convirtió nun superventes con numberoses ediciones. De magar, l'éxitu acompaña los sos llibros —noveles, de cuentos, viaxes, artículos—, que foron traducíos a munchos idiomes y recibieron numberosos premios.

Vive dende 1997 en Xixón onde foi fundador y direutor del Salón del Llibru Iberoamericanu de Xixón, que se celebra tolos años na segunda selmana de mayu.

El 29 de febreru de 2020 ye declaráu como primer paciente de coronavirus COVID-19 n'Asturies, en volviendo d'una visita al festival lliterariu Correntes d'Escritas en Póvoa de Varzim, Portugal, y el segundu chilenu contaxáu con esta enfermedá.[8][9]

Sepúlveda y el cine[editar | editar la fonte]

L'italianu Enzo D'Alò filmó «Historia de una gaviota y del gato que le enseñó a volar», película d'animación basada na obra homónima y estrenada en 1998.[10] En 2001 el direutor australianu Rolf de Herr dirixó l'adautación cinematográfica de la so novela «Un viejo que leía novelas de amor».[11]

El so rellatu Café foi oxetu d'adautaciones pa curtiumetraxes en Grecia, Italia y Francia, y «Cuando no tengas un lugar donde llorar» foi llevada a la pantalla grande pola Escuela de Cine de Londres en 2010.

Sepúlveda escribió'l guión y dirixó'l llargumetraxe Nowhere, premiu del públicu nel Festival de Marsella 2002, y del curtiumetraxe «Corazón verde», gallardoniáu como'l meyor documental nel Festival de Venecia 2003.[12][13] Ye autor xuntu a Tonino Guerra y Miguel Littín del guión de «Tierra del Fuego», película dirixida por Littín.

En 2011 Sylvie Deluele filmó pa la televisión francoalemana Arte una película d'aproximadamente una hora sobre la so vida y obra titulada «Luis Sepúlveda, el escritor del fin del mundo.[14]

Muerte[editar | editar la fonte]

Diagnosticaron-y el COVID-19 el 1 de marzu de 2020 nel Hospital Universitariu Central d'Asturies (HUCA). [15] La so situación foi empiorando col pasu'l tiempu y, el 11 de marzu, quedó en coma[16] hasta que'l 16 d'abril de 2020 s'anuncia la so muerte pol COVID-19.[17]

Obres[editar | editar la fonte]

  • Crónica de Pedro Nadie (1969)
  • Los miedos, las vidas, las muertes y otras alucinaciones
  • Cuaderno de viaje (1986)
  • Boykott
  • Un viejo que leía novelas de amor (1988)
  • Patagonia Express (1995)
  • Komplot: Primera parte de una antología irresponsable (Editorial Joaquín Mortiz, México D.F., 1995)
  • Nombre de torero (novela, Tusquets, Barcelona, 1994)
  • Mundo del fin del mundo (Tusquets, Barcelona, 1996)
  • Historia de una gaviota y del gato que le enseñó a volar (Tusquets, Barcelona, 1996)
  • Desencuentros (Tusquets, Barcelona, 1997)
  • El juego de la intriga, (con Martín Casariego, Javier García Sánchez y Paco Ignacio Taibo II, Espasa, 1997)
  • Diario de un killer sentimental & Yacaré (Tusquets, Barcelona, 1998)
  • Historias marginales (Seix Barral, Barcelona, 2000)
  • Hot Line (Ediciones B, Barcelona, 2002)
  • La locura de Pinochet (20 artículos, Aún Creemos en los Sueños, Santiago de Chile, 2002)
  • Salud, profesor Gálvez! y otras historias (Ediciones de la Banda Oriental, Montevideo, 2004)
  • Los peores cuentos de los Hermanos Grimm (novela en coautoría col escritor uruguayu Mario Delgado Aparaín, Roca Editorial, Barcelona, 2004 y Seix Barral, Buenos Aires, 2004)
  • Narrar es resistir, conversaciones con Bruno Arpaia
  • Moleskine, apuntes y reflexiones (artículos, Ediciones B, Barcelona, 2004)
  • El poder de los sueños (artículos, Aún Creemos en los Sueños, Santiago de Chile, 2004)
  • Los calzoncillos de Carolina Huechuraba (17 crónicas, Aún Creemos en los Sueños, Santiago de Chile, 2006)
  • Vida, pasión y muerte del Gordo y el Flaco (guión radiofónicu, 2007)
  • La lámpara de Aladino (Tusquets, Barcelona, 2008)
  • La sombra de lo que fuimos (Espasa, 2009)
  • Historias de aquí y de allá (Belacqva, 2010)
  • Últimas noticias del Sur (llibru de viaxes; con semeyes de Daniel Mordzinski, Espasa, Barcelona, 2011; La Banda Oriental, Montevideo, 2011; Ediciones de La Flor, Buenos Aires, 2011)
  • Historia de Max, de Mix y de Mex (rellatu con ilustraciones de Noemí Villamuza; Espasa, Barcelona, 2012)
  • Historias Marginales II
  • Una Idea de la Felicidad (xunto a Carlo Petrini, Guanda, Italia 2014)
  • Una Historia que debo contar (artículos, Editorial Aún Creemos en los Sueños, Chile, 2014)
  • Tutti i Racconti. (Cuentos completos compilaos por Bruno Arpaia, Guanda, Italia 2014)
  • " El Uzbeko Mudo "
  • " Historia de un Perro llamado Leal" (Tusquets Editores, 2016)
  • "El Fin de la Historia" (Tusquets, 2017)
  • "Historia de un caracol que descubrió la importancia de la lentitud" (Tusquets Editores, 2018)
  • "Historia de una ballena blanca" (Tusquets Editores, 2019)

Premios y distinciones[editar | editar la fonte]

  • 1976, Premiu Gabriela Mistral de Poesía.
  • 1985, Premiu Ciudá Alcalá de Henares por Cuaderno de viaje.
  • 1988, Premiu Tigre Juan, por Un viejo que leía novelas de amor.
  • 1992, Premiu France Culture Etrangêre, por Un viejo que leía novelas de amor.
  • 1992, Premiu Relais H d'Roman de Evasion, por Un viejo que leía novelas de amor.
  • 1994, Premiu Internacional Ennio Flaiano.
  • 1996, Premiu Internacional Grinzane Cavour.
  • 1996, Premiu Internacional Ovidio.
  • 1997, Premiu Terra.
  • 2001, Premiu de la Crítica, Chile.
  • 2009, Premio Primavera de Novela
  • 2013, Premiu Nordsud Pescarabruzzo.
  • 2013, Premio Pegasu d'Oru. Florencia, Italia.
  • 2014, Premiu Taormina for Literary Excellence.
  • 2014, Premiu Vigevano a la carrera lliteraria.
  • 2014, Premiu Chiara a la Carrera Lliteraria. Italia.
  • 2016, Premiu Eduardo Lourenzo.
  • Caballeru de Les Artes y les Lletres de la República Francesa.
  • Doctor Honoris Causa pola Universidá de Toulon. Francia.
  • Doctor Honoris Causa pola Universidá d'Urbino. Italia.

Referencies[editar | editar la fonte]

  1. http://www.araz.net/escritores/fidalgop.htm Un vieyu que lleía noveles d'amor ISBN 84-88660-62-6
  2. Marcia Scantlebury. Luis Sepúlveda: "No soy un mitómano"
  3. Marcia Scantlebury. Luis Sepúlveda: "No soy un mitómano"
  4. Marcia Scantlebury. Luis Sepúlveda: "No soy un mitómano"
    • Archiváu el 11 de marzu de 2016 na Wayback Machine., El Sábado, setiembre de 2002; reproducido en el archivo Letras.s5; acceso 14.07.2012
  5. Josefina Ribalta y Fernando Cross. Luis Sepúlveda: El 'viejo' que escribe novelas de amor
  6. Josefina Ribalta y Fernando Cross. Luis Sepúlveda: El 'viejo' que escribe novelas de amor
    • Archiváu el 4 de marzu de 2016 na Wayback Machine., revista A Propósito, entrevista realizada en febreru de 1995 en ocasión de la visita de Luis Sepúlveda a Puerto Rico; acceso 14.07.2012
  7. Marcia Scantlebury. Luis Sepúlveda: "No soy un mitómano"
  8. «El escritor chileno Luis Sepúlveda, primer afectado por coronavirus en Asturias». El País (1 de marzu de 2020). Consultáu'l 2 de marzu de 2020.
  9. «Escritor chileno Luis Sepúlveda es hospitalizado con coronavirus y enciende alarmas en Portugal». Bio-Bio Chile (1 de marzu de 2020). Consultáu'l 3 de marzu de 2020.
  10. Historia de una gaviota y del gato que le enseñó a volar en IMDb; acceso 16.09.2012
  11. Un viejo que leía novelas de amor en IMDb; acceso 16.09.2012
  12. Nowhere en IMDb
  13. Biografía en Casa América; acceso 14.07.2012
  14. Ficha de la película en francés
  15. El escritor chileno Luis Sepúlveda, primer afectado por coronavirus en Asturias https://elpais.com/sociedad/2020-03-01/el-escritor-chileno-luis-sepulveda-primer-afectado-por-coronavirus-en-asturias.html
  16. El escritor chileno Luis Sepúlveda está en coma con respiración asistida por el coronavirus https://actualidad.rt.com/actualidad/345696-luis-sepulveda-coma-respiracion-asistida-coronavirus
  17. El escritor chileno Luis Sepúlveda muere por coronavirus https://www.elcomercio.es/sociedad/muere-luis-sepulveda-coronavirus-asturias-escritor-chileno-primer-caso-20200416000719-ntvo.html

Enllaces esternos[editar | editar la fonte]