Gonzalo Suárez

De Wikipedia
Saltar a navegación Saltar a la gueta
Gonzalo Suárez35mm film frames.svg
GonzaloSuarez-8.jpg
Vida
Nacimientu

Uviéu30  de xunetu de 1934

(85 años)
Nacionalidá Bandera d'España España
Familia
Hermanos/es
Estudios
Llingües castellanu
Oficiu
Oficiu direutor de cine, escritor, guionista, actor y productor de cine
Premios
IMDb nm0840779
Cambiar los datos en Wikidata

Gonzalo Suárez Morilla (30  de xunetu de 1934Uviéu), ye un escritor y direutor de cine asturianu.

Biografía[editar | editar la fonte]

Gonzalo Suárez ñaz n'Uviéu nos alboreceres de la revolución minera de 1934. Nel añu 1936 la guerra civil sospriénde-y en Madrid,u'l so padre, Gonzalo Suárez Gómez, catedráticu de francés, fora presidir unos exámenes. Hasta los diez años nun va al colexu. Ye'l so padre quien s'ocupa del so deprendimientu. Nel 1951 empecipia los sos estudios de Filosofía y Lletres en Madrid, escribe obres de teatru y protagoniza, ente otres, El momentu de la to vida de Saroyan, Medea d'Eurípides y La torbonada de Shakespeare. Influyíu pola vida y obra de los impresionistes dadícase con obsesivu entusiasmu a la pintura. Abandona los estudios y marcha a París u realiza trabayos eventuales.

En 1958 llega cola so muyer a Barcelona, u prautica'l periodismu col seudónimu de Martin Girard[1]. A pesar del so medrante ésitu, dexa'l periodismu y publica los sos primeros llibros, que suponen una rotura col naturalismu en boga. Dalgunos de los sos relatos son afechos al cine y asina en 1966 empecipia la so obra cinematográfica. A partir d'esi momentu, va alternar ininterrumpidamente llibros y películes.

Ye padre d'Anne-Hélène Suárez y Gonzo Suárez y hermanu del direutor de fotografía Carlos Suárez.

Julio Cortázar[editar | editar la fonte]

Julio Cortázar dixo d'elli: "Para daquién qu'aprecie los xuegos sigilosos d'una intelixencia irónica, y la marxinalidá apostada ellí onde la gran mayoría trabaya a full time, la obra resbaliza y casi inasible de Suárez dibuxa nel panorama español contemporaneu daqué análogu a lo que pudo dibuxar en Francia la obra de Boris Vian. Cuando los espera nuna pantalla de cine o nun escenariu, sumen sópito p'amosase detrás de les tapes d'un llibru o d'un solu de trompeta; quien-yos dieren cita nuna mesa redonda, van comprobar ablayaos el furacu de la so ausencia a la mesma hora en qu'una ama de casa varada va afayar qu'un güéspede d'atenta sorrisa ocupa una siella a la que naide lo convidó. De dalguna manera que'l so secretu namái elli conoz, Gonzalo Suárez transita dende va años polos rexistros más variaos de la vida intelectual española, pero esa actitú tresfuga y casi de pantasma esmuel ya inclusive enoxa a los críticos amigos del orde, los xéneros y les etiquetes.

"¿Escritor que fai cine, cineasta que torna a la Lliteratura? De xemes en cuandu hai camparines que se nieguen a dexase clavar nel cartón de les bibliografíes y los catálogos, dacuando, tamién, hai llectores o espectadores que siguen prefiriendo les camparines vives a les que duermen el so murniu suañu nes caxes de cristal".

Obra[editar | editar la fonte]

Filmografía[editar | editar la fonte]

Películes empobinaes por Gonzalo Suárez:[2]

Añu Película Principales actores
2007 Oviedo Express Bárbara Goenaga, Carmelo Gómez, Najwa Nimri, Jorge Sanz, Maribel Verdú,
2005 El genio tranquilo Manuel Medina, Pepín el Nuestru, Aitana Sánchez-Gijón, Ayanta Barilli
2000 El portero Maribel Verdú, Carmelo Gómez, Antonio Resines, Elvira Mínguez, Roberto Álvarez
1997 Tindaya - Chillida: un proceso de creación Eduardo Chillida,
1995 Mi nombre es sombra François-Eric Gendron, Amparo Larrañaga,
1994 El detective y la muerte María de Medeiros, Javier Bardem, Carmelo Gómez, Héctor Alterio, Charo López, Mapi Galán
1992 La reina anónima Carmen Maura, Marisa Paredes, Juanjo Puigcorbé
1991 Don Juan en los infiernos Fernando Guillén, Mario Pardo, Charo López, Héctor Alterio, Olegar Fedoro
1990 El lado oscuro Héctor Alterio, Hugo Gorban
1988 Remando al viento Virginia Mataix, José Luis Gómez, Hugh Grant, Valentine Pelka, Lizzy McInnerny, Elizabeth Hurley
1985 Los pazos de Ulloa. Serie de televisión Omero Antonutti, José Luis Gómez, Victoria Abril, Charo López
1984 Epílogo Francisco Rabal, José Sacristán, Charo López, Sonia Martínez, Chus Lampreave
1982 La mujer fría Episodiu de La mujer de tu vida El Gran Wyoming, Ana Obregón,
1980 Una leyenda asturiana curtiumetraxe Oscar Ladoire, Rogelio
1979 Cuentos para una escapada: episodiu "Miniman y Superlobo" José Luis Borau, Chus Lampreave, Carmen Santonja
1977 Reina Zanahoria Fernando Fernán Gómez
1977 Parranda José Sacristán, Antonio Ferrandis, Fernando Fernán Gómez, José Luis Gómez
1976 Beatriz Jorge Rivero, José Sacristán, Carmen Sevilla, Nadiuska, José Ruiz Lifante
1974 La Regenta Emma Penella, Keith Baxter, Nigel Davenport, Adolfo Marsillach, Charo López, Agustín González
1973 La loba y la paloma Carmen Sevilla, Donald Pleasence, Michael Dunn, Muriel Català
1972 Al diablo con amor Ana Belén, Víctor Manuel, Luis Ciges
1971 Morbo Ana Belén, Víctor Manuel, Michael J. Pollard, María Vico
1970 Aoom Lex Barker, Teresa Gimpera, Romy, Bill Dyckes
1969 El extraño caso del doctor Fausto Gonzalo Suárez, Alberto Puig Palau, Olga Vidal, Teresa Gimpera,
1969 Ditirambo Gonzalo Suárez, Charo López, Lou Bennett, Ángel Carmona, Francesc Català Roca, Bill Dyckes
1967 Ditirambo vela por nosotros Gonzalo Suárez, Marianne Bennett, Bill Dyckes, Silvia Suárez
1966 El horrible ser nunca visto Francisco Balcells, Silvia Suárez

Teatru[editar | editar la fonte]

Obres de teatru dirixíes por Gonzalo Suárez: Añu 2000, adautación y direición.[3]

Llibros[editar | editar la fonte]

Guiones[editar | editar la fonte]

Traducciones[editar | editar la fonte]

  • Los once y uno. Espublizáu en: eslovacu por Editions Sport.
  • Trece veces trece. Espublizáu en: eslovacu por Tatran y polaco por Iskry [2 cuentos].
  • El roedor de Fortimbrás. Espublizáu en: polacu por Czytelnik.
  • Rocabruno bate a Ditirambo. Espublizáu en: polacu por Czytelnik.
  • Operación Doble Dos. Espublizáu en: francés por Gallimard.

Adautaciones de la obra de Gonzalo Suárez[editar | editar la fonte]

Teatru[editar | editar la fonte]

2001 "Palabras en penumbra", adautación teatral de testos de Gonzalo Suárez dirixida por Carles Alberola, Albena Teatre. Premiu de les Artes Escéniques de la Generalitat Valenciana a la meyor direición y premiu de la crítica de Valencia a la meyor direición escénica.[4]

Ópera[editar | editar la fonte]

2004 "La nochey la pallabra" con música de José Manuel López, llibretu de Gonzalo Suárez ya imáxenes escéniques de José Manuel Broto. Estrenada en Madrid, 2004, Teatru de l'Abadía. Representóse, tamién, na Bienal de Venecia (2005).

Nesta ópera, José Manuel López crea un frescu de gran potencia dramática a partir de testos preparaos pol direutor cinematográficu ya escritor asturianu Gonzalo Suárez, estrayíos de los memoriales que recuerden la traxedia del alcuentru entre Moctezuma y Hernán Cortés y afechos por el mesmu compositor y Andrés Lima, responsable, pela so parte, de la direición escénica. Amás del tirante clima musical y teatral minuciosamente consiguíos, nesta ópera destaquen les imáxenes creaes pol pintor Broto, qu'asitia nel centru de la escena una pantalla pola que les sos estilizadas astracciones cobren vida al traviés d'un tratamientu informáticu que suxure con rotundidá'l llaberintu mental de los personaxes y el viaxe al traviés d'una viesca de colores y signos de sorprendente plasticidá. (Jorge Fernández Guerra, El País, 4-06-2005).

Premios y distinciones[editar | editar la fonte]

Referencies[editar | editar la fonte]

  1. Martin Girard
  2. www.gonzalo-suarez.com ya Internet Movie Database, datos consultaos el 29 de payares de 2009.
  3. Arsénicu por favor
  4. [1]
  5. «Premios del CEC a la producción española de 1990». CEC. Consultáu'l 16 d'ochobre de 2016.
  6. Hemeroteca El País
  7. Boletín Oficial del Estáu

Enllaces esternos[editar | editar la fonte]