Víctor Manuel

De Wikipedia
Saltar a: navegación, buscar
Víctor Manuel
Tanea y Víctor Manuel (2011).jpg
Vida
Nome completu Víctor Manuel San José Sánchez
Nacimientu

Principáu d'Asturies7 de xunetu de 1947

(70 años)
Nacionalidá Bandera d'España España
Familia
Casáu/ada con Ana Belén
Fíos/es
Estudios
Llingües castellán
Oficiu
Oficiu Cantautor y cantante
Xéneru artísticu Pop
Discográfica Sony Music
IMDb nm0544286
www.victormanuel.es/
Cambiar los datos en Wikidata

Víctor Manuel San José Sánchez (7 de xunetu de 1947Principáu d'Asturies), conocíu como Víctor Manuel, ye un cantautor y productor español, consideráu xunto a la so muyer Ana Belén como un de los artistes simbólicos de la Transición Española.

Biografía[editar | editar la fonte]

Oríxenes ya inicios profesionales[editar | editar la fonte]

Víctor Manuel nació'l 7 de xunetu de 1947 en Mieres del Camín, Asturies, nel norte d'España, fiyu de Jesús, ferroviariu, y Felicita, comerciante. Sos güelos Víctor y Ángel, al que nun llega a conocer pues morrió na Guerra Civil, exerceríen una gran influyencia nél. Yá dende la so infancia siente una gran vocación musical que lu lleva a imitar a Joselito y a deprender a tocar l'armónica a los nueve años. Precisamente interpretando'l tema La campanera de Joselito ofrez la so primera actuación escolar. Tiempu depués recibe como regalu de Reis una guitarra y a los doce años escribe'l primer cantar, Tendré tu amor. Demientres estos años d'infancia y xuventú preséntase a diversos concursos llocales de canción llixera.

En 1963 preséntase al Primer Concursu Artísticu de Seronda, celebráu nel Teatru Capitol de Mieres, como cantante ya instrumentista, cola so armónica. Failo col nome artísticu de San José y nel primer apartáu consigue llegar a la final, a la que nun pue presentase debío a un resfriáu. Posteriormente abandona los estudios y pasa a ser el cantante de la orquesta Bossa Nova, trabayu pol que cobra 175 peseta al día. Esti mesmu añu tamién ye seleccionáu pa xugar nel equipu xuvenil de fútbol del Caudal, pero decántase pola música, anque sigue siendo aficionáu a esti deporte.

En 1964 treslládase a Madrid, onde estudia solféu, pianu col mayestru Nicolás y cantu con Abanades. Participa en varios concursos y actúa nel Circo Price nun homenaxe a Antonio Molina y Paquera de Jerez. Participa nel programa de televisión Salto a la fama y mientres un añu y mediu, canta cada domingu nel programa concursu La nueva ola musical, presentáu pol llocutor Bobby Deglané na emisora La Voz de Madrid, ganando una Estrella d'Oru.

En 1965 consigue grabar con Belter los sos primeros cenciellos, que saldríen a la venta un añu dempués. Failo amadrináu pola poetisa Fina Calderón, quien escribió gran parte d'esos cancios, ente elles el tema Un gran hombre, dedicáu a Franco, anque posteriormente tantu la temática de los sos cancios como la so ideoloxía y opinión sobre'l dictador daríen un vuelcu radical. Nestes primeres grabaciones presenta un estilu impersonal y nun tienen nenguna repercusión. Esamínase pa ser miembru de la Sociedad General de Autores de España.

En 1966 concursa con dos cancios d'otros autores nel Festival de Benidorm, ensin ésitu nengún.


Discografía[editar | editar la fonte]

Cenciellos[editar | editar la fonte]

  • Mucho / Tus cosas (Belter, 1966)
  • Un gran hombre / Lejano, lejano (Belter, 1966)
  • Y Sorrento empezó / El pueblo / Mi música eres tú / No te lo crees ni tú (Belter, 1966)
  • Primer disco / Por caridad / Ninette / Y sin embargo (Belter, 1966)
  • El tren de madera / El cobarde (Belter, 1968)
  • El mendigo / La romería (Belter, 1968)
  • El abuelo Víctor / Paxarinos (Belter, 1968)
  • En el portalín de piedra / Ya se escuchan las panderetas (Belter, 1969)

Elepés[editar | editar la fonte]

  • Víctor Manuel (Belter, 1969)
  • Quiero abrazarte tanto (Phillips, 1970)
  • Dame la mano (Phillips, 1971)
  • Al diablo, con amor (Phillips, 1972)
  • Víctor Manuel (editado en Méxicu) (1973)
  • Verde (Phillips, 1973)
  • Todos tenemos un precio (Phillips, 1974)
  • Cómicos (Phillips, 1975)
  • Víctor Manuel en directo (Phillips, 1976)
  • Canto para todos (Phillips, 1977)
  • Spanien (1977)
  • Víctor Manuel 10 (Phillips, 1978)
  • Soy un corazón tendido al sol (CBS, 1979)
  • Luna (CBS, 1980)
  • Ay amor (Sony - CBS, 1981)
  • Por el camino (Sony - CBS, 1983)
  • Víctor y Ana en vivo (Sony - CBS, 1983)
  • El lanzador de cuchillos (Sony - CBS, 1984)
  • En directo (Sony - CBS, 1985)
  • Para la ternura siempre hay tiempo (Sony - Columbia, 1986)
  • Qué te puedo dar (Ion Música / Ariola, 1988)
  • Tiempo de cerezas (Ion Música / Ariola, 1989)
  • El delicado olor de las violetas (Ion Música / Ariola, 1990)
  • A dónde irán los besos (Ion Música / BMG-Ariola, 1993)
  • Sin memoria (Ion Música / BMG-Ariola, 1996)
  • Cada uno es como es (Ion Música / BMG-Ariola, 1999)
  • Vivir para cantarlo (Ion Música / BMG-Ariola, 1999)
  • El hijo del ferroviario (Ion Música / BMG-Ariola, 2001)
  • El perro del garaje (Ion Música / Sony-BMG, 2004)

Otros[editar | editar la fonte]

  • Víctor Manuel. Los Grandes Artistas. Volumen I (Phillips, 1973)
  • Víctor Manuel. Los Grandes Artistas. Volumen III (Phillips, 1973)
  • Cosas de Niños (CBS, 1980)
  • Víctor Manuel. Grandes ésitos (Phillips, 1976)
  • Cándido (TEI) (1977)
  • Año tras año (Phillips, 1982)
  • Víctor Manuel. Grandes ésitos (CBS, 1982)
  • Poetas en Nueva York (CBS, 1986)
  • Mucho más que dos (Ion Música / BMG-Ariola, 1994)
  • En blanco y negro (Ion Música / BMG-Ariola, 1995)
  • El gusto es nuestro (Ion Música / BMG-Ariola, 1996)
  • Dos en la carretera (Ion Música / BMG-Ariola, 2001)
  • Concierto del Día de Asturias (Ion Música / Sony-BMG, 2002)
  • Neruda en el corazón (Ion Música / Sony-BMG, 2004)
  • Una canción me trajo aquí (Ion Música / Sony-BMG, 2005).

Enllaces esternos[editar | editar la fonte]