Reforma protestante

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener
Representación de Lutero y dellos protestantes.

Mientres el sieglu XVI, dellos relixosos, pensadores y políticos intentaron provocar un cambéu fondo y xeneralizao nos usos y costumes de la Ilesia Católica na Europa Occidental, especialmente al respective de les pretensiones papales de dominiu sobre tola cristiandá. A esti movimientu relixosu va llamáse-y darréu Reforma Protestante, por ser un intentu de reformar la Ilesia Cristiana buscando la revitalización del cristianismu primitivu y que foi sofitáu políticamente por un importante grupu de príncipes y monarques que "protestaron" contra una decisión del so emperador.

Esti movimientu fundía los sos raigaños n'elementos de la tradición católica medieval, como'l movimientu de la Devoción moderna n'Alemaña y los Países Baxos, que yera una piedá llaica antieclesiástica y centrada en Cristu. Amás, la segunda xeneración del humanismu siguióla en gran midida. Empezó cola predicación del sacerdote católicu agustino Martín Lutero, que revisó les doctrines medievales según el criteriu de la so conformidá a les Sagraes Escritures. En particular, refugó'l complexu sistema sagramental de la Ilesia Católica medieval, que dexaba y xustificaba desaxeraciones como la vienta d'indulxencies", según Lutero, un verdaderu secuestru del Evanxeliu, que tenía de ser pedricáu llibremente, y non vendíu.

La Reforma Protestante dependió del sofitu de delles autoridaes civiles pa poder reformar ilesies cristianes d'ámbitu estatal (darréu ilesies nacionales). Los grandes esponentes de la Reforma Protestante fueron Martín Lutero y Juan Calvino.

El Protestantismu llegó a constituyir la tercera gran rama del cristianismu, con un grupu de fieles qu'anguaño supera los quinientos millones y que s'esparde rápido en América Llatina, Asia y África.

Véase también[editar | editar la fonte]

Enlaces externos[editar | editar la fonte]