Luscinia megarhynchos

De Wikipedia
Saltar a: navegación, buscar
Luscinia megarhynchos
Les especies d'aves con nome común en llingua asturiana márquense como COA. En casu contrariu, conséñase'l nome científicu o de la SEO.
Commons-emblem-notice.svg
 
Ruiseñor común
Luscinia megarhynchos - 01.jpg
Estáu de caltenimientu
Preocupación menor (LC)
Esmolición menor (IUCN 3.1)[1]
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Muscicapidae
Xéneru: Luscinia
Especie: L. megarhynchos
(Brehm, 1831)
[editar datos en Wikidata]

El ruiseñor común[2] (Luscinia megarhynchos) ye una especie d'ave paseriforme enantes clasificáu como un miembru de la familia Turdidae, pero agora xeneralmente consideráu parte de la familia de Muscicapidae.

Carauterístiques[editar | editar la fonte]

Ye un ave migratoria insectívora que cría nos montes d'Europa y d'Asia. Tien una distribución más meridional qu'el so pariente cercanu'l ruiseñor rusu (Luscinia luscinia). Añera cerca del suelu en parrotales trupos. Pasa l'iviernu boreal nel sur d'África y retorna a Europa na primavera pal apareamiento.

El ruiseñor común ye de tamañu similar al raitán, con una llongura de 15-16,5 cm. L'envés les nales y la cola son de color castañu y el banduyu de color pardu claru. Nun hai muncha diferencia n'aspeutu ente los sexos.

Cantar del machu 1.
Cantar del machu 2.
Güevos de Luscinia megarhynchos

El ruiseñor común machu ye bien conocíu pol so fuerte cantar, con un rexistru de xiblíos, borboteos y otros soníos. Anque tamién canta mientres el día, tien el vezu pocu común de cantar hasta bien entrada la nueche; el so cantar sobresal nesos momentos, pos hai pocos páxaros más que canten a eses hores. Ye por eso polo qu'el so nome en dellos idiomes inclúi la palabra "nueche". Afayóse n'investigaciones recién que canten con entá más fuerza nos ambientes urbanos y suburbanos por que puedan ser escuchaos percima del ruiu ambiental. La traza más típica del so cantar ye un xiblíu crescendo fuerte. El so cantar d'alarma suena como una xaronca.

Les poblaciones orientales tienen partes cimeros más clares y traces faciales más fuertes, como "ceyes" blanques (supercilia).

Subespecies[editar | editar la fonte]

Son reconocíes les siguientes subespecies:[3]

  • Luscinia megarhynchos africana (Fischer & Reichenow, 1884)
  • Luscinia megarhynchos hafizi Severtzov, 1873
  • Luscinia megarhynchos megarhynchos C. L. Brehm, 1831

Símboloxía y presencia na cultura popular[editar | editar la fonte]

El cantar del ruiseñor foi especialmente reconocíu pola so guapura por sobre les demás aves, al estremu de que dalgunos cantantes humanos son llamaos "ruiseñores" en señal d'almiración. El primer diccionariu del castellán, de 1611, definía al ruiseñor a partir de la manera positiva en que yera valoráu, ensin llegar a describilo en realidá:

Cquote1.svg RUISEÑOR: Avecita que col so cantar allégranos y regocija na Primavera, felicidá en llatín Luscinia porque canta a l'alborada...
Sebastián de Covarrubias[4]Cquote2.svg

Daes el so costumes migratories, nes tradiciones populares europees el ruiseñor común anuncia la llegada de la Primavera porque'l so cantar apaez nel mes de Mayu. D'esta miente, forma parte de la simboloxía que tien esa estación nel imaxinariu, esto ye, la guapura, la renacencia, la mocedá y el amor. El siguiente Romance, poema castellanu d'orixe medieval, ilustra estos significaos comúnmente acomuñaos al ruiseñor:

Cquote1.svg ROMANCE DEL PRISIONERU

Que per mayu yera, per mayu, :cuando fai'l

calor, :cuando los trigos encanen

y tán los campos en flor, :cuando canta la calandria
y respuende el ruiseñor, :cuando los

namoraos

van sirvir al amor;
(...)
—Anónimu[5]Cquote2.svg

El condáu de Niza (Francia) caltuvo al so Ruiseñor que vuela[6] nos cantos tradicionales y les rondes de mayu, que'l so tema inspiró a Chaikovski pa la so Humoresque opus 10-2. Ye reconocida la xenial "Oda a un Ruiseñor" del escritor John Keats y el cuentu infantil El ruiseñor y la rosa, de Oscar Wilde.

Referencies[editar | editar la fonte]

Enllaces esternos[editar | editar la fonte]