Sistema Integráu d'Información Taxonómica

De Wikipedia
Sistema Integráu d'Información Taxonómica
Sociedá de negocios, base de datos taxonómica, base de datos global d'especies y base de datos en llinia
Direición Estaos Xuníos
Historia
Fundación1996
Web oficial
Cambiar los datos en Wikidata

El Sistema Integráu d'Información Taxonómica, conocíu davezu poles sos iniciales n'inglés ITIS (Integrated Taxonomic Information System), ye una sociedá designada por que seya la fonte que suministre una información fiable y consistente sobre la taxonomía de les especies biolóxiques.

El ITIS formóse orixinalmente en 1996 como'l Sistema Interaxencies d'Información Taxonómica», un grupu dientro del Gobiernu Federal de los Estaos Xuníos, con implicaciones d'axencies, dende'l Departamentu de Comerciu hasta'l Smithsonian Institution. Anguaño ye un organismu internacional, con axencies participes de los gobiernos canadiense y mexicanu, y collaborando con otres axencies internacionales.

ITIS ayuda a ellaborar una base de datos completa y accesible d'información taxonómica pa caúna de les especies y de los taxones reconocíos, incluyendo tanto'l llugar nel sistema xerárquicu de la clasificación científica , como les referencies a les autoridaes na materia que lu asitiaron na so posición taxonómica. Les sos prioridaes iniciales son nes especies d'América del Norte, pero usa los resultaos de les investigaciones internacionales. La so base de datos puede pescudase dende la páxina oficial n'Internet de la organización.

La taxonomía biolóxica nun ye inamovible, y les opiniones sobre'l correutu estatus del taxón a tolos niveles, y sobre la so correuta situación, son constantemente revisaos, como resultaos de nueves investigaciones, y munchos aspeutos de la clasificación permanecen siempres en tela de xuiciu. La base de datos del ITIS ta puesta al día tanto como ye dable, cuntando coles nueves investigaciones, y l'información que remana ye la más averada pa representar un claru consensu de les opiniones taxonómiques más actualizaes. Esta información nun ye definitiva, y ye probable más fiable pa dellos grupos que pa otros. Tien de constrastase con otres fontes qu'heba disponibles, y cola lliteratura científica primaria en tolo posible.

Referencies[editar | editar la fonte]

  • Pexes William Eschmeyer.
  • Aves Zoonomen .Zoological Nomenclature Resource
  • Plantes, Cronquist, Arthur (1968, 1988): The Evolution and Classification of Flowering Plants, Cronquist, Arthur (1981): An Integrated System of Classification of Flowering Plants.
  • Crustáceos Clasificación anovada de los crustáceos ellaborada nel añu 2001 por Martin and Davis, Martin, J. W. ; Davis, G. Y. (2001). An Updated Classification of the Recent Crustacea. Natural History Museum of Los Angeles County.

Referencies[editar | editar la fonte]

Enllaces esternos[editar | editar la fonte]

  • Páxina oficial del ITIS
  • Páxina oficial del gobiernu de Canadá (SITI) (en francés)
  • Infraestructura Mundial d'información en Biodiversidá, GBIF en EspañaGBIF o "Global Biodiversity Information Facility" (n'inglés)
  • "Species 2000" (n'inglés)