James Joyce
James Joyce | |
|---|---|
 | |
| Vida | |
| Nome completu | James Augustine Aloysius Joyce |
| Nacimientu |
Rathgar  , 2 de febreru de 1882 |
| Nacionalidá |
 República d'Irlanda |
| Residencia |
avenue Charles-Floquet avenue Charles-Floquet |
| Llingua materna | inglés |
| Fallecimientu |
Zúrich, 13 de xineru de 1941 (58 años) |
| Sepultura |
Cementerio de Fluntern |
| Causa de la muerte |
peritonitis |
| Familia | |
| Padre | John Stanislaus Joyce |
| Casáu/ada con | Nora Barnacle (1931 - 13 xineru 1941) |
| Pareyes | Nora Barnacle |
| Fíos/es | |
| Hermanos/es |
ver
|
| Familia |
ver
|
| Estudios | |
| Estudios |
Belvedere College Clongowes Wood College University College Dublin (1898 - 1902) |
| Llingües |
Italianu llatín francés inglés |
| Profesor/a de | Samuel Beckett |
| Oficiu | |
| Oficiu | poeta, dramaturgu, novelista, profesor, autor, escritor, periodista y críticu lliterariu |
| Altor | 71 pulgada |
| Llugares de trabayu | París, Trieste y Zúrich |
| Trabayos destacaos |
Dublineses Retrato del artista adolescente Ulises Finnegans Wake Poemas manzanas Exiliados Stephen el héroe |
| Mena de voz | tenor |
| Instrumentu musical | voz |
| Creencies | |
| Relixón | catolicismu |
| IMDb | nm0004656 |
 | |
| |
James Augustine Aloysius Joyce, (Rathgar, Irlanda, 2 de febreru de 1882 , Zúrich, Suiza, 13 de xineru de 1941), foi un escritor irlandés. Ye consideráu ún de los autores más relevantes del sieglu XX. Les sos obres más conocíes son el volumen de cuentos Dubliners (1914) y les noveles A Portrait of the Artist as a Young Man (1916), Ulysses (1922) y Finnegans Wake (1939). Joyce ye representante destacáu de la corriente lliteraria de vanguardia denominada modernismu anglosaxón, xunto a autores como T. S. Eliot, Virginia Woolf, Ezra Pound o Wallace Stevens.
Aunque pasó la mayor parte de la so vida adulta fuera d'Irlanda, l'universu lliterariu d'esti autor alcuéntrase fuertemente enraigoñáu na so nativa Dublín, la ciudá que-y apurre a les sos obres de los escenarios, ambientes, personaxes y demás materia narrativa. Más en particular, la so problemática rellación primera cola ilesia católica d'Irlanda refléxase perbien a través de los conflictos interiores qu'atormentan al so álter ego na ficción, representáu pol personaxe de Stephen Dedalus. Asina, Joyce ye conocíu pola so atención minuciosa a un escenariu bien llendáu y pol so prolongáu y autoimpuestu exiliu, pero tamién pola so enorme influencia en tol mundu. Por ello, pese al so rexonalismu, paradóxicamente llegó a ser unu de los escritores más cosmopolitas del so tiempu.
L'editor de l'antoloxía The Cambridge Companion to James Joyce (Guía de Cambridge pa James Joyce) escribe na so introducción: «A Joyce lléenlu munches más persones de les que son conscientes d'ello. L'impautu de la revolución lliteraria qu'entamó foi tal que pocos novelistas posteriores d'importancia, en cualquiera de les llingües del mundu, escaparon a la so influencia, incluso aunque tratasen d'evitar los paradigmas y procedimientos joyceanos. Topamos indirectamente con Joyce, polo tanto, en munches de les nuestres llectures de ficción seria de la última mitá de sieglu, y lo mesmo puede dicise de la ficción non tan seria».[1]
Referencies[editar | editar la fonte]
- ↑ Traducción llibre: «Far more people read Joyce than are aware of it. Such was the impact of his literary revolution that few later novelists of importance in any of the world's languages have escaped its aftershock, even when they attempt to avoid Joycean paradigms and procedures. We are indirectly reading Joyce, therefore, in many of our engagements with the past half century’s serious fiction- and the same is true of some not-so-serious fiction, too». Derek Attridge: "Reading Joyce"
| Control d'autoridaes |
|
|---|
Datos: Q6882
Multimedia: James Joyce
Cites famoses: James Joyce
