Houston

De Wikipedia
Saltar a navegación Saltar a la gueta
Houston
Houston montage.jpg
Flag of Houston, Texas.svg
Alministración
PaísBandera de Estaos Xuníos d'América Estaos Xuníos d'América
EstaosBandera de Texas Texas
CondáuCondado de Harris
Tipu entidá ciudá de los Estaos Xuníos
Sylvester Turner
Códigu postal 77000–77099 y 77200–77299
Xeografía
Coordenaes 29°45′46″N 95°22′59″W / 29.7628°N 95.3831°W / 29.7628; -95.3831Coordenaes: 29°45′46″N 95°22′59″W / 29.7628°N 95.3831°W / 29.7628; -95.3831
Houston is located in los EE.XX.
Houston
Houston
Houston (los EE.XX.)
Superficie 1724.544507 km²
Altitú 13 m
Demografía
Población 2 195 914 hab. (2013)
Porcentaxe 100% de Condado de Harris
Densidá 1273,33 hab/km²
Más información
Fundación agostu 1836
Prefixu telefónicu 281, 832, 713
Estaya horaria Hora estándar del centro
Llocalidaes hermanaes Karachi, El Cairu, Estambul, Irapuato, Huelva, City of Perth, Guayaquil, Tiumén, Luanda, Tampico, Chiba, Méxicu D.F., Abu Dhabi, Taipéi, Leipzig, Bakú, Shenzhen, Stavanger y Aberdeen
www.houstontx.gov/
Cambiar los datos en Wikidata

Houston ye una ciudá del estáu estauxunidense de Texas. Ye, colos sos 2.303.000 habitantes (2016)[1], la más poblada del estáu y la cuarta más poblada de tolos Estaos Xuníos. Asitiada nel sureste de Texas, cerca del golfu de Méxicu, ye la sé del condáu de Harris y la ciudá principal del Gran Houston, que ye la quinta área estadística metropolitana más poblada de los Estaos Xuníos.

Houston foi fundada'l 30 d'agostu de 1836, cerca les orielles del bayou de Buffalo (anguaño conocíu como Allen's Landing[2], y foi incorporada como ciudá el 5 de xunu de 1837. Recibió'l so nome del del xeneral Sam Houston, que fora presidente de la República de Texas y tenía dirixíu l'exércitu texanu na batalla de San Jacinto, qu'ocurrió a unos 40 km al este de la situación de la ciudá. El desarrollu del so puertu y de la industria del ferrocarril, combinada col descubrimientu de petróleu en 1901 y col pasu de Houston a ser el principal puertu de Texas lluéu de que, en 1900, un huracán estrozara la ciudá portuaria de Galveston, ficieron medrar de siguío la so población. A mediaos del sieglu XX Houston convirtiose na sé del Texas Medical Center, la mayor concentración mundial d'instituciones d'asistencia ya investigación sanitaria, y del centru de control de la NASA.

La economía de la ciudá tien una importante base industrial, na que rescamplen los sectores de la enerxía, les manufactures, l'aeronáutica y el tresporte. Ciudá puntera nos sectores sanitariu y de construcción d'equipamientu pa la esplotación de pozos petrolíferos, el so puertu ye'l primeru del país en movimientu internacional de mercancíes, y el segundu en tonelaxe total movíu[3]. Houston, que tien el nomatu de Space City (La ciudá del espaciu), ye una ciudá global, fuerte nos sectores de negocios, comerciu internacional, entretenimientu, cultura, medios de comunicación, moda, ciencia, deportes, teunoloxía, educación, medicina ya investigación. La so población amiesta individuos de procedencia étnica y relixosa perdistinta: ye la ciudá con mayor diversidá étnica de Texas, y dellos autores considérenla la de mayor diversidá étnica y racial de toes les metrópolis estauxunidenses[4]. Ye la sé de munches instituciones culturales y museístiques, de forma qu'el distritu de los museos (Houston Museum District) atrae a más de siete millones de visitantes al añu. Tien tamién un circuitu teatral peractivu, qu'ufre a los espectadores espectáculos escénicos de toa triba demientres tol añu[5].


Referencies[editar | editar la fonte]

  1. «Houston city, Texas». U.S. Census Bureau (1 de xunetu de 2016).
  2. McComb, David G. (19 de xineru de 2008). «Houston, Texas». Handbook of Texas Online. Consultáu'l 9 d'abril de 2018.
  3. «2010 Port Industry Statistics, American Association of Port Authorities».
  4. «The Most Diverse City in the Nation Is». Huffington Post. 5 de marzu de 2012. http://www.huffingtonpost.com/2012/03/05/houston-most-diverse_n_1321089.html. 
  5. Museums and Cultural Arts». Archiváu dende l'orixinal, el 11 de xunetu de 2010. (31.8 KB)", Greater Houston Partnership. Consultáu el 9 d'abril de 2018.

Enllaces esternos[editar | editar la fonte]

(en castellán) Páxina oficial de la ciudá.


Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.