Frank Sinatra

De Wikipedia
Saltar a navegación Saltar a la gueta
Frank Sinatra
Frank Sinatra laughing.jpg
Vida
Nome completu Francis Albert Sinatra
Nacimientu Hoboken Traducir12  d'avientu de 1915
Nacionalidá Bandera de Estaos Xuníos d'América Estaos Xuníos
Residencia Hoboken Traducir
Grupu étnicu Inmigración italiana n'Estaos Xuníos
Fallecimientu

Los Ángeles14  de mayu de 1998

(82 años)
Sepultura Desert Memorial Park Traducir
Causa de la muerte infartu de miocardiu
Familia
Padre Anthony Martin Sinatra
Madre Dolly Sinatra
Casáu/ada con Nancy Sinatra Traducir  (4 febreru 1939 -  1951)
Ava Gardner  (7 payares 1951 -  5 xunetu 1957)
Mia Farrow  (19 xunetu 1966 -  16 agostu 1968)
Barbara Sinatra Traducir  (11 xunetu 1976 -  14 mayu 1998)
Fíos/es
Estudios
Llingües inglés
Oficiu
Oficiu actor de televisión, actor de cine, actor, cantante, actor de voz, músicu de jazz y compositor de cantares
Premios
Nominaciones
Influyencies Bing Crosby
Xéneru artísticu jazz vocal Traducir
Big Band Traducir
Blues
Jazz
música pop tradicional Traducir
swing Traducir
Mena de voz Barítonu
Instrumentu musical ukelele Traducir
triángulo Traducir
castañuelas Traducir
Zambomba Traducir
Discográfica Reprise Records Traducir
Columbia Records
Capitol Records
Warner Bros. Records Traducir
Creencies
Relixón catolicismu
Partíu políticu Partíu Republicanu de los Estaos Xuníos
Partíu Demócrata de los Estaos Xuníos
IMDb nm0000069
www.sinatra.com
Cambiar los datos en Wikidata

Francis Albert Sinatra (Hoboken, 12 d'avientu de 1915 - Los Angeles, 14 de mayu de 1998), más conocíu como Frank Sinatra, foi un prominente cantante y actor norteamericanu.

Carrera[editar | editar la fonte]

Fíu únicu d'un matrimoniu d'inmigrantes italianos (la so madre yera xenovesa y el so padre sicilianu), Sinatra creció nun barriu de clase media de Hoboken, Nueva Jersey.

Moteyáu «La Voz», foi una de les figures más importantes de la música popular del sieglu XX y dexó, al traviés de los sos discos y actuaciones en directu, un legáu canónicu no que fai a la interpretación vocal masculina d'esa música. A pesar de que siempres goció de popularidá, fueron especialmente esitosos los años cuarenta y cincuenta, siendo esta última década, cola so producción discográfica pa la compañía Capitol, la considerada como la so etapa de mayor calidá artística como cantante.

El so repertoriu basóse na obra de los más importantes compositores populares estauxunidenses, como Jimmy Van Heusen, Cole Porter, Sammy Cahn o George Gershwin, y el so estilu sintetizó, yá nos sos oríxenes, quince años d'influencies mutues ente la música d'inspiración jazzística y la música pop qu'empezaba a espublizase al traviés de la radio.

Sinatra construyó'l so estilu sobre la base d'una comprensión natural de la música popular, tal como la entendieren Bing Crosby, Fred Astaire, Benny Goodman y Louis Armstrong, esplotando la idea de qu'esta, en toles sos aguaes, tendría de ser una estensión de la conversación. Técnicamente, caracterizóse pola so cuidada precisión nel fraseo y el so dominiu del control de la respiración; el rangu de la so voz taba próximu al de baxu-barítonu. Tocantes a la so categoría artística, esta anicia na so capacidá interpretativa pa tresmitir les emociones y sentimientos implícitos nes lletres de los cantares.

A Sinatra reconózse-y el ser el primer cantante que fai un usu consciente de los medios d'amplificación del soníu al envís d'asitiar la so voz percima del soníu de la orquesta (dominadora de la música popular estauxunidense de principios del sieglu XX) y p'averala a la intimidá del oyíu del oyente.

Como actor, Sinatra foi un artista de tipu intuitivu, ronciegu a sometese a los ensayos y repeticiones habituales nuna grabación, polo que les sos interpretaciones fueron emocionalmente intenses, de la qu'irregulares. La importancia na so vida del so trabayu actoral foi capital; por casu foi precisamente al traviés del so papel en From Here to Eternity como llogró salir d'un bache personal y artístico nel tránsitu de los años cuarenta a los cincuenta pa empericotiase no más alto de la popularidá, amás de ganar pola so interpretación l'Óscar al meyor actor secundariu.

A lo llargo de la so carrera profesional, Sinatra grabó más de 1.300 temes, y participó en más de cincuenta películes. Recibió ensame de premios y homenaxes, ente los que se cunten diez Grammys, el Premiu de l'Academia d'Artes y Ciencies de la Grabación, y la Medaya de la Llibertá del gobiernu estauxunidense.

Sinatra integró'l llamáu "Rat Pack", un grupu de músicos y actores, que cuntaba con Dean Martin, Sammy Davis Jr., Peter Lawford y Joey Bishop, ente otros. Finó en Los Angeles el 14 de mayu de 1998, a los 82 años.

Discografía[editar | editar la fonte]

Álbumes por cases discográfiques

Columbia

  • 1946: The Voice of Frank Sinatra, con arreglos de Alex Stordahl.
  • 1947: Songs by Sinatra, Volume 1, con arreglos de Alex Stordahl.
  • 1949: Frankly Sentimental, con arreglos de Alex Stordahl.
  • 1950: Dedicated to You, con arreglos de Alex Stordahl.
  • 1950: Swing and Dance with Frank Sinatra, con arreglos de George Siravo.

Capitol

  • 1954: Songs for Young Lovers. Arreglos de Nelson Riddle y George Siravo.
  • 1954: Swing Easy. Arreglos de Nelson Riddle y Heinie Beau.
  • 1955: In the Wee Small Hours. Arreglos de Nelson Riddle.
  • 1956: Songs for Swingin' Lovers. Arreglos de Nelson Riddle.
  • 1957: Close to You. Arreglos de Nelson Riddle.
  • 1957: A Swingin' Affair. Arreglos de Nelson Riddle.
  • 1957: Where Are You?. Arreglos de Gordon Jenkins.
  • 1958: Come Fly with Me. Arreglos de Billy May.
  • 1958: Frank Sinatra Sings for Only the Lonely. Arreglos de Nelson Riddle.
Sinatra con Dean Martin, miembros del "Rat Pack"
  • 1959: Come Dance With Me!. Arreglos de Billy May.
  • 1959: No One Cares. Arreglos de Gordon Jenkins.
  • 1960: Nice 'N' Easy. Direición orquestal y arreglos de Nelson Riddle.
  • 1961: Sinatra's Swingin' Session!!! And More. Direición orquestal y arreglos de Nelson Riddle.
  • 1961: Come Swing with Me. Arreglos de Billy May y Heinie Beau.
  • 1962. Point of No Return. Arreglos de Alex Stordahl y Henie Beau.

Reprise Records

  • 1961: Ring-a-Ding Ding!. Direición orquestal y arreglos de Johnny Mandel, y arreglos de Skip Martin y Dick Reynolds.
  • 1961: Sinatra Swings / Swing Along With Me. Con arreglos de Billy May.
  • 1961: I Remember Tommy. Con arreglos de Sy Oliver.
  • 1962: Sinatra and Strings. Con arreglos de Don Costa.
  • 1962: Sinatra and Swingin' Brass. Con arreglos de Neal Hefti.
  • 1962: Sinatra Sings Great Songs from Great Britain. Con arreglos de Robert Farnon.
  • 1962: Sinatra-Basie. Con arreglos de Neal Hefti.
  • 1962: All Alone. Con arreglos y direición orquestal de Gordon Jenkins.
  • 1963: The Concert Sinatra. Con arreglos y direición orquestal de Nelson Riddle.
  • 1963: Sinatra's Sinatra. Con arreglos de Nelson Riddle.
  • 1964: Frank Sinatra Sings Days of Wine and Roses, Moon River and Other Academy Award Winners. Con arreglos de Nelson Riddle.
  • 1964: It Might As Well Be Swing. Con arreglos de Quincy Jones.
  • 1965: September of My Years. Con arreglos y direición orquestal de Gordon Jenkins.
  • 1965: A Man and His Music.
  • 1966: Moonlight Sinatra. Con arreglos de Nelson Riddle.
  • 1966: Strangers in the Night. Con arreglos de Nelson Riddle y Ernie Freeman.
  • 1966: That's Life. Con arreglos de Ernie Freeman.
  • 1967: Francis Albert Sinatra and Antonio Carlos Jobim. Con arreglos de Claus Ogerman.
  • 1967: The World We Knew.
  • 1968: Francis A. And Edward K. Con arreglos de Billy May.
  • 1968: Cycles. Con arreglos y producción de Don Costa, y direición orquestal de Bill Miller.
  • 1969: My Way. Con arreglos de Don Costa.
  • 1969: A Man Alone. Con arreglos de Don Costa.
  • 1970: Watertown. Con arreglos de Joe Scott y Charles Callelo.
  • 1971: Sinatra and Company. Con arreglos de Eumir Deodato y Don Costa.
  • 1973: Ol' Blue Eyes Is Back. Con arreglos de Gordon Jenkins y Don Costa.
  • 1974: Some Nice Things I've Missed. Con arreglos de Don Costa y Gordon Jenkins, y producción de Don Costa, Jimmy Bowen y Sonny Burke.
  • 1980: Trilogy.
  • 1981: She Shot Me Down.
  • 1984: L.A. Is My Lady.
  • 1993: Duets.
  • 1994: Duets II

Enllaces esternos[editar | editar la fonte]

Referencies[editar | editar la fonte]