David Villa

David Villa
Vida
Nacimientu	Tiuya, 3  d'avientu de 1981 (40 años)
Nacionalidá	España
Estudios
Llingües falaes	castellanu asturianu
Oficiu
Oficiu	futbolista
Trayeutoria   Equipu 2019–2020 Vissel Kobe 28 (13) 2014–2018 New York City Football Club 124 (80) 2014–2014 →cesión a  Melbourne City Football Club (es) 4 (2) 2013–2014 Club Atlético de Madrid 36 (13) 2010–2013 Futbol Club Barcelona 77 (33) 2005–2010 Valencia Club de Fútbol 166 (107) 2003–2005 Real Zaragoza 73 (32) 2001–2003 Real Sporting de Xixón 80 (38) 2000–2001 Real Sporting de Xixón "B" 36 (14)   Seleición nacional 2005–2014   seleición masculina de fútbol d'España 98 (67) 2002–2003   seleición masculina de fútbol sub-21 d'España 7 (0) 2001–2002   seleición masculina de fútbol d'Asturies 32 (27)
Participante Copa Mundial de Fútbol de 2014 Copa Mundial de Fútbol de 2010 Copa Mundial de Fútbol de 2006 Copa FIFA Confederación 2009 Eurocopa 2008
Posición o especialidá	delanteru
Pesu	69 kg
Altor	175 cm
Premios	ver Medaya d'Oru de la Real Orde del Méritu Deportivu
Seudónimu/os	El Guaje
IMDb	nm2300567
davidvilla7.es

David Villa Sánchez (El Guaḥe), ye un futbolista Asturianu nacíu en Tiuya, (Llangréu) el 3 d'avientu de 1981. Anguaño xuega de delanteru nel equipu de fútbol del New York City Football Club.

Alcuñu

El Guaḥe esti nomatu vien de la pallabra asturiana guaḥe ello quier dicir persona xoven , entamando esti nes categories inferiores del UP Langreo onde entamó esti alcuñu pola so estatura, dellos años dempués castellanizada pola prensa española na pallabra "Guaje".

Biografía

Entamó nel UP Langreo,xugando con el jugador que'y dio la fama, Marco Pérez Bada, residente de Llanes onde tuvo xugando hasta los diecisiete años. Ceo llamó la atención de los principales clubes asturianos, pero el Real Uviéu descartó incorporalu a El Requexón debíu a que'l cuerpu téunicu nun creyó que tuviese suficiente potencial, siendo la principal hipótesis el descarte pol so altor. Esto dexo-y el camín llibre al Sporting, que lu incorporó a la escuela de Mareo, primeru nel División d'Honor xuvenil y posteriormente nel Sporting B pa que debutase na campaña 1999/2000.

Real Sporting

Tres dellos años finando de formase na Escuela de fútbol de Mareo, na temporada 2001/2002 ascendió al primer equipu del Sporting, club col que xugó dos temporaes completes na segunda división.

Real Zaragoza

Algamó l'atención de los equipos de primer división marcando 39 goles nos 78 partíos xugaos, y el Real Zaragoza ficholu na temporada 2003/2004 por unos 3 millones d'euros y la cesión del delanteru croata Mate Bilić. Demientres so etapa nel Zaragoza xugó 73 partíos y marcó 32 tantos nes dos temporaes que tuvo, algamando el títulu de Campeón de Copa ante'l Real Madrid. Lo que-y fexu debutar na seleición española de fútbol.

Valencia CF

Na temporada 2005/2006 llegó al Valencia CF, anguaño el so equipu, que pa algamar contratu col xugaor pagó lo estipulau na cláusula de rescisión del so contratu: 12 millones de euros. Na so primera temporada nel club valencianista cumplió coles espeutatives xeneraes yá que anotó 25 goles, quedando segundu nel trofeu Pichichi a solu un gol d'Eto'o. La gran temporada realizada llevolu a ser ún de los convocaos por Luis Aragonés pa participar nel Mundial d'Alemaña cola seleición española.

Na temporada 2006-2007, David Villa llegó a ser de nuevu el mayor goleaor de la lliga española, algamando asina el segundu trofeo Zarra, que-y da el diariu deportivu Marca cá añu dende'l 2006.

FC Barcelona

En 2010 llega al FC Barcelona, ganando con esti equipu la Lliga española y la Lliga de Campeones de la UEFA na temporada 2010/2011.

Atlético de Madrid

Nel branu de 2013 ye traspasáu al Atlético de Madrid, ganando con esti equipu la Lliga española y quedando segundo de la Lliga de Campeones de la UEFA na temporada 2013/2014.

New York City Football Club

Nel branu de 2014, en rematando'l so contratu col Atlético de Madrid, robló col New York City Football Club, nuevu equipu de la Major League Soccer de los Estaos Xuníos.

Clubes

Club	País	añu
Real Sporting de Xixón	España	2001-2003
Real Zaragoza	España	2003-2005
Valencia CF	España	2005-2010
FC Barcelona	España	2010-2013
Atlético de Madrid	España	2013-2014
New York City Football Club	Estaos Xuníos d'América	2014-

Seleición Española

El so debut prodúxose'l 9 de febreru de 2005, n'Almería. Disputábase un partíu de clasificación pal Mundial d'Alemaña 2006, que'l so resultáu foi España 5-0 San Marín. Nel primer partíu d'España nel Mundial d'Alemaña 2006 escontra Ucraína, Villa marcó dos goles. El primeru nun llibre direutu, y el segundu de penalti.

Na Eurocopa 2008 convirtióse nel máximu goliador con un total de 4 goles. El día 10 de xunu del 2008, nel partíu de debut de la seleición española escontra'l combináu rusu, Villa fizo un hat-trick. El resultáu final foi 4-1 a favor d'España. Nel segundu partíu d'España, xugáu'l 14 de xunu escontra Suecia, Villa marcó'l gol de la victoria por 2-1 nel últimu minutu del partíu y mete a España en cuartos de final como 1ª de grupu.

Palmarés

Campeonatos nacionales

Títulu	Club	País	Añu
Copa del Rei	Real Zaragoza	España	2004
Supercopa d'España	Real Zaragoza	España	2004
Copa del Rei	Valencia CF	España	2008
Supercopa d'España	FC Barcelona	España	2010
Liga española	FC Barcelona	España	2011
Supercopa d'España	FC Barcelona	España	2011
Copa del Rei	FC Barcelona	España	2012
Liga española	FC Barcelona	España	2013
Liga española	Atlético de Madrid	España	2014

Campeonatos internacionales

Títulu	Club	País	Añu
Eurocopa	Selección española	Austria y Suiza	2008
Copa Mundial de Fútbol	Selección española	Sudáfrica	2010
Lliga de Campeones	FC Barcelona	Reinu Xuníu	2011
Supercopa d'Europa	FC Barcelona	España	2011
Copa Mundial de Clubes de la FIFA	FC Barcelona	España	2011

Defensa de l'asturianu

David Villa participando na campaña.

En 2008 Villa participó na campaña Doi la cara pola oficialidá que defendía la oficialidá de la llingua asturiana.

Enllaces esternos

• Wikimedia Commons acueye conteníu multimedia sobre David Villa.

• Datos: Q83006
• Multimedia: David Villa
• Cites famoses: David Villa