El Requexón

De Wikipedia
Saltar a navegación Saltar a la gueta
El Requexón
雷克匈体育城.jpg
Llocalización
PaísBandera d'España España
AutonomíaFlag of Asturias.svg Principáu d'Asturies
Provinciaprovincia d'Asturies
ConceyuUvieu flag.svg Uviéu
Coordenaes 43°25′N 5°49′O / 43.42°N 5.82°O / 43.42; -5.82Coordenaes: 43°25′N 5°49′O / 43.42°N 5.82°O / 43.42; -5.82
El Requexón is located in Asturies
El Requexón
El Requexón
El Requexón (Asturies)
Historia y usu
Apertura1975
Dueñu Real Uviéu
Deporte fútbol
Aforu 3000 Públicus
Arquiteutura
Superficie 80 400 m²
Cambiar los datos en Wikidata

La Ciudá Deportiva El Requexón ye'l centru d'entrenamientos del primer equipu del Real Uviéu y terrén de xuegu para tolos sos equipos inferiores, dende'l filial Vetusta pasando por toles demás categoríes (xuveniles, infantiles, cadetes,...).

Historia[editar | editar la fonte]

Ye propiedá del club azul dende 1969, cuando l'entós presidente Enrique Rubio Sañudo, adquirió los primeros terrenes. La finca allúgase na llende del conceyu d'Uviéu, dixebrada pel Ríu Nora de los conceyos de Llanera y Siero. Nun foi hasta la presidencia de José María Velasco en 1975 cuando se construyó'l primer campu de fútbol para convertilo nel llugar d'entrenamientu del primer equipu. Más tarde, na década de los 80 del sieglu XX construyó un segundu campu de fútbol siendo José Manuel Bango el presidente carbayón. Nos 90, con Eugenio Prieto al cargu de la presidencia del club, realizóse una ampliación de 13.000 metros cuadraos creando un tercer campu de yerba sintético, nuevos vestuarios y otres instalaciones. Yá nel sieglu XXI adquiérense 14.000 metros cuadraos más y faise la última reforma hasta'l momentu: la construcción de dos nuevos campos y una remodelación total por que “El Requexón” respondiera a les necesidaes de tolos equipos de les categoríes inferiores de la entidá.[1]

Instalaciones[editar | editar la fonte]

  • Superficie total: 80.447 metros cuadraos.
  • Cinco campos de fútbol (cuatro de yerba natural y unu de yerba sintético).
  • Zones d'entrenamientu específicu y pistes d'aceleración.
  • Pista finlandesa.
  • Edificiu principal con vestuarios para tolos equipos, ximnasiu, dependencies médiques, almacén y llavandería.
  • Edifico públicu con sala de prensa, sala polivalente, cafetería y otros servicios.
  • Zona d'aparcamientu.

Referencies[editar | editar la fonte]