Tiuya (parroquia)

Tiuya
Alministración
País	España
Autonomía	Principáu d'Asturies
Provincia	provincia d'Asturies
Conceyu	Llangréu
Partíu xudicial	Llangréu
Tipu d'entidá	parroquia d'Asturies
Nome oficial	Tiuya / Tuilla (mul)
Xeografía
Coordenaes	43°19′43″N 5°38′58″W / 43.32852°N 5.6494°O
	Tiuya Tiuya (Asturies)
Altitú	301 m
Llenda con	La Felguera, Valdesoto, El Cuto, Carbayín, San Andrés de Llinares y Cocañín
Demografía
Población	1019 hab. (2020)
Porcentaxe	2.68% de Llangréu; 0.1% de provincia d'Asturies; 0.1% de Principáu d'Asturies; 0% de España
Más información
Estaya horaria	UTC+01:00

Tiuya^[3] ye una parroquia del conceyu asturianu de Llangréu. Asitiada na fastera más oriental del mesmu, nel valle del Candín, llenda col conceyu de Siero al norte, col de Samartín del Rei Aurelio al este y el sur y cola parroquia llangreana de La Felguera, na que taba integrada hasta finales del sieglu XIX, al oeste. Tien una estensión de 9,62 km² y una población de 1.429 habitantes (INE, 2010). 805 d'ellos viven nel llugar homónimu, y el restu repártense ente los llugares d'Antuña, Baeres, La Braña, La Braña'l Río, El Camonal, La Caperal, El Carboyu, La Casa'l Contu, El Monte, La Casanueva, La Casona, El Ciacal, La Coroña, La Cotariella, El Coz, El Cuitu, La Espinera, Gargantá, La Güelga, La Güeria, El Molín del Coz, El Molín del Rozóu, La Moral, La Mudrera, La Mudrerina, Otero, Les Peñes, Refozones, El Reguerín, Ricarión, El Rozóu, La Tornera, La Baldre, La Vallina, Campanal, El Molín de la Maña, La Re Miguel, El Reguerón, El Vallucu, La Gallina, L'Azorera, El Fondaque, La Navaliega, Roíles, El Terrerón y El Trechuru.

La zona ye rica en carbón, que s'esplota dende 1787. En rellación colos trabayos mineros fízose, en 1952, la barriada de Tiuya, con 282 viviendes pa mineros que colaron pa elles dende les aldees de la rodiada. Nella hai estación de tren, campu fútbol (ú xuega'l Club Deportivo Tuilla), ambulatoriu, bolera y dellos comercios que la convierten nel centru de l'actividá de la parroquia.