Riañu

De Wikipedia
Saltar a navegación Saltar a la gueta
Blue globe icon.svgRiañu
Palaciu Camposagrado Riañu.jpg
Alministración
PaísBandera d'España España
AutonomíaFlag of Asturias.svg Principáu d'Asturies
Provinciaprovincia d'Asturies
ConceyuBandera Llangreu 2.svg Llangréu
Partíu xudicial Llangréu
Tipu entidá parroquia d'Asturies
Xeografía
Coordenaes 43°20′N 5°43′O / 43.33°N 5.72°O / 43.33; -5.72Coordenaes: 43°20′N 5°43′O / 43.33°N 5.72°O / 43.33; -5.72
Riañu is located in Asturies
Riañu
Riañu
Riañu (Asturies)
Demografía
Población 436 hab. (2010)
Densidá 40,7 hab/km²
Cambiar los datos en Wikidata

Riañu (Riaño en castellanu) ye una parroquia del conceyu asturianu de Llangréu. Asitiada na zona noroccidental del mesmu, llenda col conceyu de Siero al norte, col d'Uviéu al este, cola parroquia llangreana de La Venta al sur y coles de Lada y Barros al este. La so parte urbana conforma'l distritu de Riañu, ún de los seis qu'integren la ciudá de Llangréu, capital del conceyu. Amás del polígonu, del que hemos falar dempués, pertenecen a la parroquia les caseríes de Barripiés, Bovia, La Cabaña, El Campanal, La Riera y L'Azorera; les aldees de Vaoto, Los Campones, Cataldonce, El Corro, La Cuesta'l Viso, La Fernosa, Llodero, La Paerna, La Piñera, La Rionda, Los Sotos, La Tabierna, El Tarroneru, Viesques, El Viso, y Zanceo y los llugares de Candaneo, Frieres, Peñarrubia y Villa. La estensión de la parroquia, que la so ilesia ta dedicada a San Martín, ye de 11,23 km², y la so población, escluyíos los habitantes del distritu urbanu, qu'apaecen nes estadístiques axuntaos a los de los otros distritos, ye de 436 habitantes (INE, 2010).

El polígonu residencial de Riañu entamó a proyectase en 1965 como un polígonu de viviendes obreres que permitieran vivir a la xente nun entornu más llimpiu que La Felguera, daquella enforma contaminada. Magar que la urbanización de la zona fízose d'aquella, l'entamu del declive industrial retrasó la construcción de viviendes hasta 1972. Nos primeros años ficiéronse unes 1.200, y delles más nos años vinientes. La traza del polígonu, el primeru d'Asturies con esa estructura, correspuéndese col modelu conocíu como open planning, con torres individualizaes y bloques abiertos arrodiaos de xardinos, too ello con un planu xeneral radial. Los servicios, inesistentes a lo primero, foron creándose al pasar del tiempu, gracies sobre too a les protestes continues de los vecinos. Nelli ta l'Hospital Valle del Nalón, que da serviciu al área sanitaria VIII, que comprende tolos conceyos de la cuenca alta del Nalón. A la so vera hai tamién tres polígonos industriales, oficialmente conocíos como Riañu I, II y III.

Referencies[editar | editar la fonte]

Flag of Asturias (indoor).svg Parroquies de Llangréu Bandera Llangreu 2.svg
Barros | Ciañu | Lada | La Felguera | La Venta | Riañu | Sama | Tiuya