La Venta (Llangréu)

De Wikipedia
Saltar a navegación Saltar a la gueta

La Venta ye una parroquia del conceyu asturianu de Llangréu; ye una de les dos del conceyu (la otra ye Tiuya) que nun tien parte urbana integrada na ciudá de Llangréu.

Formóse'l 1 de xunetu de 1887 pola xuntura de dellos pueblos que pertenecíen daquella a Lada y otros que yeren de Riañu. La primera de les parroquies nomaes aportó a la nueva entidá los llugares de El Caburniu, El Carme, Cebosa, El Folguerón, La Raposa, San Tiso y Sarrellana, amás de los de La Viesca, La Vega y Trapa, que yá nun apaecen nel nomenclátor municipal nin nes estadístiques del INE. El restu de los pueblos, esto ye, La Venta, La Cantera, La Casa Medio, La Espina, Espineo, La Güeria, La Llana, Llandoso, Llaneces, Llantamartín, Ribero y El Rucio, pertenecíen, primero d'esa fecha, a la parroquia de Riañu.

Foi nel llugar de La Venta, designáu pola so centralidá nel territoriu como cabeza parroquial, nel que se construyó la ilesia parroquial, consagrada a la Virxe del Carme. El territoriu tien una estensión de 9,10 km² y llenda al norte cola parroquia de Riañu, al este cola de Lada, al sur col conceyu de Mieres y al oeste col d'Uviéu. Nelli viven (INE, 2009) 328 habitantes.

Flag of Asturias (indoor).svg Parroquies de Llangréu Bandera Llangreu 2.svg
Barros | Ciañu | Lada | La Felguera | La Venta | Riañu | Sama | Tiuya



Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.