Doi la cara pola oficialidá

De Wikipedia
Saltar a navegación Saltar a la gueta
El futbolista David Villa participando na campaña
La escritora Corín Tellado participando na campaña

Doi la cara pola oficialidá ye una campaña cívica y apartidista entamada pol Conceyu Abiertu pola Oficialidá col envís d'incluyir la oficialidá del asturianu y del gallego-asturianu na reforma del Estatutu d'Autonomía d'Asturies.

La campaña consiste en retratase con un cartel nel que seya visible'l testu Doi la cara pola oficialidá n'asturianu o en cualuquier otru idioma. Nel primer mes de campaña aportóse a les 3.500 semeyes a razón d'una media de más de 750 cada selmana. Magar que les más de les semeyes tean n'asturianu normativu, héboles n'occidental, en Mirandés, en catalán, gallegu, bretón, suecu, rumanu, italianu, vascu o portugués.

Esta iniciativa algamó'l pasáu 28 de payares en La Pola Siero les 10.000 primeres semeyes en poco más d'un añu. Delles de les persones con relevancia social que participen cola so semeya son futbolistes internacionales como David Villa, Santi Cazorla, Enrique Castro "Quini", Secundino Suárez "Cundi"; l'árbitru internacional Mejuto González; ciclistes como Chechu Rubiera, Benjamín Noval, Santi Pérez o Carlos Barredo, amás del medaya d'oru nos Xuegos Olímpicos de Beijín Samuel Sánchez; los pilotos Javier Villa y Alberto Hevia; el tenista Galo Blanco; los piragüistes Manuel Busto, Fran Llera o Javier Hernanz Agüeria; escritores de la talla de la fallecida Corín Tellado, Carmen Gómez Ojea, Xuan Bello o Pablo Texón; presentadores de televisión como Sonia Fidalgo, Ana Vanessa Gutiérrez o Pablo Vaquero; músicos como Víctor Manuel, Jose Ángel Hevia, Alicia Álvarez...

Enllaces esternos[editar | editar la fonte]

Páxina oficial de la campaña Estoyu de semeyes de Doi la Cara