Copa Confederaciones de la FIFA

De Uiquipedia
Saltar a: navegación, buscar
Wiki letter w.svg

Esti artículu necesita ser wikificáu. Pues visitar la llista d'artículos pa wikificar. Contribúi camudando lo que seya necesario o poniendo na páxina d'alderique lo que nun conozas pa que l'autor faga los camudamientos. Nun elimines esti avisu hasta que tea fináu tol trabayu.


La Copa Confederaciones de la FIFA ye un tornéu de fútbol pa seleiciones nacionales entamáu pola FIFA cada cuatro años. Nél participen los vixentes campeones de caúna de les confederaciones de la FIFA: la UEFA n'Europa; la CONMEBOL en Sudamérica; la CONCACAF n'America del Norte, Centroamérica y el Caribe; la CAF n'África; l'AFC n'Asia y la OFC n'Oceanía. Amás participen tamién el vixente campeón de la Copa del Mundu de la FIFA y la seleición del país onde se xuegue'l tornéu, fasta algamar el númberu d'ocho equipos.

Dende 2005 el tornéu organízase nel mesmu país que la Copa del Mundu de la FIFA del añu siguiente, sirviendo d'ensayu pa esta última. Asina, la Copa Confederaciones de la FIFA de 2013 va xugase en Brasil ente'l 15 y el 30 de xunu.

Historia y detalles[editar | editar la fonte]

Les primeres ediciones del tornéu (les de 1992 y 1995) foron organizaes y xugáronse n'Arabia Saudita baxo'l nome de Copa del Rei Fahd. Daquella participaba la seleción d'Arabia Saudita y dellos campeones continentales, pero non toos. A partir de 1997 la FIFA entamó a encargase de la organización, renomándose'l tornéu, que dende entós ye la Copa de Confederaciones de la FIFA.

Dende 1997 y fasta 2005, la Copa Confederaciones de la FIFA xugóse cada tres años, y dende entós entamó a facese cada cuatro años, l'añu antes de la Copa del Mundu de la FIFA. Davezu úsense la mitá de los estadios nos que va xugase l'añu siguiente, poro considérase la competición un ensayu d'esi tornéu. Amás, la Copa Confederaciones de la FIFA sírve-y a la seleición del país organizador (clasificáu automáticamente pa les dos competiciones) de preparación escontra seleiciones nacionales de gran nivel. Al mesmu tiempu, la participación de los campeones sudamericanos y europeos ye voluntaria.

Normalmente participen nel tornéu la seleición organizadora, la seleición campeona del mundu y les seleiciones campeones de los torneos continentales. Si una mesma seleición ta clasificada de más d'una manera, invítase a participar a otru equipu (normalmente al finalista de la competición que-y da a esa seleición el puestu estra).

Tres veces hebo una seleición que renunciara a xugar el tornéu:

  • Alemaña, campeona de la Eurocopa de 1996, nun xugó la Copa Confederaciones de 1997. Nel so llugar participó la República Checa, como finalista de la mesma Eurocopa.
  • Francia, ganadora del Mundial de 1998, refugó xugar la Copa Confederaciones de 1999 y Brasil, que yera'l finalista del mesmu Mundial, ocupó la so plaza. Como Brasil yera a la vez campeona de la Copa América de 1997, Bolivia ocupó la plaza sudamericana.
  • Italia (finalista de la Eurocopa de 2000), Alemaña (finalista del Mundial de 2002) y España (daquella, segunda na clasificación de la FIFA) nun quixeron participar la Copa Confederaciones de 2003. Al final la plaza foi ocupada por Turquía, clasificada nel tercer puestu del Mundial de 2002.

Esisten dellos torneos a los que s'invitaba a antiguos campeones mundiales, como'l Mundialito de 1980 (o Copa d'Oro) col que se celebró'l 50 aniversariu de la primera Copa del Mundu de la FIFA y el Troféu Artemio Franchi, qu'ente 1985 y 1993 enfrentó a los campeones de la Copa América y la Eurocopa. Dellos consideren estos trofeos precursores de la Copa Confederaciones de la FIFA, anque la FIFA namás reconoz ganadores de la competición dende 1992.

Resultaos[editar | editar la fonte]

Copa del Rei Fahd[editar | editar la fonte]

Añu Organizador Final 3er y 4u puestu
Ganador Resultáu Finalista 3er puestu Resultáu 4u puestu
1992 Flag of Saudi Arabia.svg Arabia Saudita Flag of Argentina.svg Arxentina 3 - 1 Flag of Saudi Arabia.svg Arabia Saudita Flag of the United States.svg Estaos Xuníos d'América 5 - 2 Flag of Côte d'Ivoire.svg Costa de Marfil
1995 Flag of Saudi Arabia.svg Arabia Saudita Flag of Denmark.svg Dinamarca 2 – 0 Flag of Argentina.svg Arxentina Flag of Mexico.svg México 1 – 1
(5–4 (pen.))
Flag of Nigeria.svg Nixeria

Copa Confederaciones de la FIFA[editar | editar la fonte]

Añu Organizador Final 3er y 4u puestu
Ganador Resultáu Finalista 3er puestu Resultáu 4u puestu
1997 Flag of Saudi Arabia.svg Arabia Saudita Flag of Brazil.svg Brasil 6 – 0 Flag of Australia.svg Australia Flag of the Czech Republic.svg Chequia 1 – 0 Flag of Uruguay.svg Uruguay
1999 Flag of Mexico.svg México Flag of Mexico.svg México 4 – 3 Flag of Brazil.svg Brasil Flag of the United States.svg Estaos Xuníos d'América 2 – 0 Flag of Saudi Arabia.svg Arabia Saudita
2001 Flag of South Korea.svg Corea del Sur
Flag of Japan.svg Xapón
Flag of France.svg Francia 1 – 0 Flag of Japan.svg Xapón Flag of Australia.svg Australia 1 – 0 Flag of Brazil.svg Brasil
2003 Flag of France.svg Francia Flag of France.svg Francia 1 – 0
(añad.)
Flag of Cameroon.svg Camerún Flag of Turkey.svg Turquía 2 – 1 Flag of Colombia.svg Colombia
2005 Flag of Germany.svg Alemaña Flag of Brazil.svg Brasil 4 – 1 Flag of Argentina.svg Arxentina Flag of Germany.svg Alemaña 4 – 3
(añad.)
Flag of Mexico.svg México
2009 Bandera de Sudáfrica Sudáfrica Flag of Brazil.svg Brasil 3 – 2 Flag of the United States.svg Estaos Xuníos d'América Flag of Spain.svg España 3 – 2
(añad.)
Bandera de Sudáfrica Sudáfrica
2013 Flag of Brazil.svg Brasil Tornéu entá nun cellebráu
2017 Flag of Russia.svg Rusia Tornéu entá nun cellebráu
2021 Flag of Qatar.svg Qatar Tornéu entá nun cellebráu

Palmarés por seleición[editar | editar la fonte]

Seleición Campeón Finalista 3er puestu 4u puestu
Flag of Brazil.svg Brasil 3 (1997, 2005, 2009) 1 (1999) - 1 (2001)
Flag of France.svg Francia 2 (2001, 2003*) - - -
Flag of Argentina.svg Arxentina 1 (1992) 2 (1995, 2005) - -
Flag of Mexico.svg México 1 (1999*) - 1 (1995) 1 (2005)
Flag of Denmark.svg Dinamarca 1 (1995) - - -
Flag of the United States.svg Estaos Xuníos d'América - 1 (2009) 2 (1992, 1999) -
Flag of Australia.svg Australia - 1 (1997) 1 (2001) -
Flag of Saudi Arabia.svg Arabia Saudita - 1 (1992*) - 1 (1999)
Flag of Cameroon.svg Camerún - 1 (2003) - -
Flag of Japan.svg Xapón - 1 (2001*) - -
Flag of the Czech Republic.svg Chequia - - 1 (1997) -
Flag of Germany.svg Alemaña - - 1 (2005*) -
Flag of Turkey.svg Turquía - - 1 (2003) -
Flag of Spain.svg España - - 1 (2009) -
Flag of Colombia.svg Colombia - - - 1 (2003)
Flag of Côte d'Ivoire.svg Costa de Marfil - - - 1 (1992)
Flag of Nigeria.svg Nixeria - - - 1 (1995)
Flag of Saudi Arabia.svg Arabia Saudita - - - 1 (2009*)
Flag of Uruguay.svg Uruguay - - - 1 (1997)
*: país organizador

Premios[editar | editar la fonte]

  • El Balón d'Oru' premia'l meyor xugador del tornéu y escuéyese con una encuesta ente los medios.
  • La Bota d'Oru premia'l másimu goleador del tornéu. Si más d'un xugador empaten a goles, el ganador será'l que más asistencies diera.
  • El Guante d'Oru premia'l meyor porteru del tornéu.
  • El Premiu al Xuegu llimpiu de la FIFA premia la seleición más deportiva, acordies colos criterios del Comité de Xuegu Llimpiu de la FIFA.
Tornéu Balón d'Oru Bota d'Oru Guante d'Oru Premiu al xuegu llimpiu de la FIFA
1997 Arabia Saudita Bandera de Brasil Denilson Bandera de Brasil Romário 7 goles Flag of Saudi Arabia.svg Arabia Saudita
1999 México Bandera de Brasil Ronaldinho Bandera de Brasil Ronaldinho 6 goles Flag of New Zealand.svg Nueva Zelanda y Flag of Brazil.svg Brasil
2001 Corea del Sur/Xapón Bandera de Francia Robert Pirès Bandera de Francia Robert Pirès 2 goles Flag of Japan.svg Xapón
2003 Francia Bandera de Francia Thierry Henry Bandera de Francia Thierry Henry 4 goles Flag of Japan.svg Xapón
2005 Alemaña Bandera de Brasil Adriano Bandera de Brasil Adriano 5 goles Bandera de México Oswaldo Sánchez Flag of Greece.svg Grecia
2009 Sudáfrica Bandera de Brasil Kaká Bandera de Brasil Luís Fabiano 5 goles Bandera de Estaos Xuníos d'América Tim Howard Flag of Brazil.svg Brasil