Celastrina argiolus

Celastrina argiolus
Clasificación científica
Reinu:	Animalia
Filu:	Arthropoda
Subfilu:	Hexapoda
Clas:	Insecta
Orde:	Lepidoptera
Suborde:	Glossata
Infraorde:	Heteroneura
(ensin clasif.):	Ditrysia
Superfamilia:	Papilionoidea
Familia:	Lycaenidae
Subfamilia:	Polyommatinae
Tribu:	Polyommatini
Xéneru:	Celastrina
Especie:	C. argiolus (Linnaeus), 1758
Consultes
[editar datos en Wikidata]

Náyade (Celastrina argiolus) ye una de les 158 especies anguaño reconocíes nel xéneru Celastrina, de la familia Lycaenidae. Ye una pequeña caparina azul, descrita por Carlos Linneo en 1758 como Papilio argiolus. El so nome común ye'l de les náyades de la mitoloxía griega, faciendo referencia al hábitat típicu d'esta especie, cerca de cursos d'agua, en llugares aveseos y húmedos.

Descripción

Náyade (♀)

Son pequeñes, de 2,5 a 3 cm de valumbu, más grandes les femes que los machos. El anversu o cara cimera de les ales de los machos presenta un color azul cobaltu o violáceo pálidu; les ales anteriores (d'ente 13 y 17 mm) tienen los márxenes y el ápice de color negru, y les posteriores tamién tán bordiaes d'escuru con un puntu nel ápice. L'aviesu ye d'un azul bien pálido, cuasi ablancazáu; les anteriores tienen una llinia escura na parte distal de la celda, curtios trazos negros na serie postdiscal y muertes de trazos na zona submarginal; les posteriores tienen trés pequeños puntos negros orlados de blancu na zona basal, trazu na celda, otros dos puntos na zona discal más cercana a la mariña y una serie de puntos negros orlados de blancu postdiscal incompleta. Les femes son bien similares, col aviesu de les ales práuticamente igual al de los machos y el anverso d'azul cobaltu y negru; les anteriores con una ancha banda submarginal-apical de color marrón o negru y les posteriores con manches marrones o negres distribuyíes pola mariña y pela zona apical, y con una serie de puntos negros submarginales. Les femes de la segunda xeneración tienen un color azul más escuru, el mancha corita ta más estendida y la costa de les posteriores escura.

Como'l restu d'especies de la so familia les gates son daqué esplanaes, con finos pelos, cabeza retráctil y aspeutu de llimiagu. Los imagos presenten nes sos cabeces palpos llargos y blancos, güeyos grandes y escuros y antenes anilladas en blancu. Dambos sexos tienen trés pares de pates funcionales pa caminar o garrase, con ales fuertes y bien proporcionaes que-yos dexen volar rápido, posándose en bebezones o llamargues nos calorosos díes de branu.

C. argiolus coles ales plegaes.

Ciclu biolóxicu

Suel tener dos generación añales, una na primavera, d'abril a xunu, y otra pel branu, en xunetu y agostu. Una tercer xeneración puede apaecer mientres el mes de setiembre naquellos llugares onde'l branu allárgase.

Los güevos son depositaos poles femes nes yemes florales, granes y fueyes nueves de les sos plantes nutricies. Una vegada eclosionadas, les canesbes acomúñense con formigues de dellos xéneros, como Lassius, Camponotus o Formica, y aliméntense d'una gran diversidá de plantes, ente les que s'atopen la hedra, clemátide, xardón, uz, piorno, árgoma, retama, socarrillo, frambueso, reina de los praos, casis, bruselar, brusel espinosu europea, arraclán, espín cerval, altramuz, arándanos, carrasquín, trébole xaponés, veza, kudzu, glicina xaponesa, distintes especies d'escuernacabres, pumar, cirolar china, bonetero, toxu, asteráceas del xéneru Arctium, Rubus fruticosus, Caragana frutex, Chamaecystis sp., Cuscuta engelmannii, C. lehmanniana, Sophora flavescens, Desmodium oxyphyllum, Aralia elata, Euodia meliifolia, Reynoutria japonica, Staphylea bumalda o delles especies del xéneru Symphoricarpos.

Distribución y hábitat

Ye una especie bien acomuñada a los cursos d'agua.

De distribución paleártica y neártica, ocupa tola Europa continental dende'l Mediterraneu hasta'l sur de la península escandinava, sur de les islles Britániques, islles mediterránees y norte d'África. Pel este'l so rangu de distribución llega hasta Xapón y tamién s'atopa n'América del Norte.

Los montes de ribera, los praos y les carbes cercanes a los ríos y regueros son los sos hábitat naturales, tamién en montes claros, dende zones baxes hasta los 1500 m d'altitú, pero tamién en zones urbanizaes, en parques y xardinos.

Subespecies y sinonimia

Describiéronse siquier 7 subespecies: C. a. argiolus, C. a. calidogenita, C. a. caphis, C. a. echo, C. a. gozora, C. a. landonides y C. a. pseudargiolus.

La subespecie Celastrina argiolus ssp. calidogenita ye un endemismu del norte de la península ibérica.

A lo llargo de los años diversos autores denominaron a esta especie con distintos sinónimos:

• Papilio argiolus Linnaeus, 1758
• Papilio cleobis Sulzer, 1776
• Papilio marginatus Retzius, 1783
• Papilio acis Fabricius, 1787
• Lycaenopsis argiolus r. britanna Verity, 1919
• Lycaenopsis argiolus f. calidogenita Verity, 1919

Bibliografía

• Aguado Martín, O. L. (2007). Aguado Martín, O. L. (2007). Las mariposas diurnas de Castilla y León (Lepidópteros ropalóceros) Especies, biología, distribución y conservación. Junta de Castilla y León. ISBN 978-84-9718-474-8.
• Global Biodiversity Information Facility (2011). Global Biodiversity Information Facility (2011). «Clasification of genus: Celastrina.» (inglés). Consultáu'l 2 de xunu de 2011.
• Higgins, L. G. y N. D. Riley (1980). Higgins, L. G. y N. D. Riley (1980). Guía de campu de las mariposas de España y Europa. Omega. ISBN 84-282-0327-X.
• Leraut, Patrice (2007). Leraut, Patrice (2007). Inseutos de España y Europa. Lynx Edicions. ISBN 978-84-96553-27-9.
• Linneo, C. (1758). Linneo, C. (1758). «Systema naturae» (llatín). Consultáu'l 7 de xineru de 2011.
• Savela, Markku (2011). Savela, Markku (2011). «Lepidoptera and some other life forms» (inglés). Consultáu'l 6 de xineru de 2011.

Enllaces esternos

• Wikimedia Commons acueye conteníu multimedia sobre Celastrina argiolus .

• Datos: Q792871
• Multimedia: Celastrina argiolus
• Especies: Celastrina argiolus