Ribes rubrum
| Bruselar | ||||||||||||||
 Bruselar. | ||||||||||||||
| ||||||||||||||
| Ribes rubrum , | ||||||||||||||
La brusela brusel, o brixel (Ribes rubrum), ye'l frutu d'una planta, el bruselar o brixelar, miembru del xéneru Ribes; familia Grossulariaceae. Ye orixinaria de parte d'Europa Occidental (Francia, Bélxica, Países Baxos, Alemaña, y norte d'Italia). La planta ye un arbustu caducifoliu que suel algamar ente 1 y 1,5 m d'altura, llegando ocasionalmente a los 2 m, con fueyes de 5 lóbulos distribuyíes n'espiral nes rames. Les flores son d'un discretu color ente verde y mariellu, organizaes en recimos pendulosos de 4 a 8 cm, y mauren produciendo unes bayes comestibles de color roxu tresllúcidu d'ente 8 y 12 mm de diámetru, con 3 a 10 bayes en cada recimu.
Cultivu ya usos[editar | editar la fonte]
.jpg)
La brusela roxa, ye llixeramente más ácida que la so pariente la brusela prieta, y cultívase principalmente pa facer mermelaes y platos cocinaos, en llugar de consumise fresco. N'Escandinavia emplégase na ellaboración de sopes y postres de branu, y n'Alemaña y nos Países Baxos úsenla como rellenu de les tartes.
Pa la salú[editar | editar la fonte]
El brusel contién en cantidaes medies fibres, magnesiu, calciu, potasiu, fierro, vitamina C y bétacarotenos), pero la so propiedá principal ye que ta saturada de flavonoides (65 mg nos 100 g), beneficiosos pa la renovación de la piel.
Bibliografía[editar | editar la fonte]
- Martínez Fernández, José Antonio: El brusel y los groselleros. Aportación al vocabulario de Bruno Fernández Cepeda. Lletres Asturianes-28, px. 91-99. Academia de la Llingua Asturiana. Uviéu, 1998.
