Acherontia styx

De Wikipedia
Saltar a navegación Saltar a la gueta
Commons-emblem-notice.svg
 
Acherontia styx
Acherontia styx.jpg
Acherontia styx, adulta
Deathshead hawkmoth cat.jpg
Larva
Clasificación científica
Reinu: Animalia
Filu: Arthropoda
Clas: Insecta
Orde: Lepidoptera
Familia: Sphingidae
Xéneru: Acherontia
Especie: A. styx
Westwood, 1847
Sinonimia
  • Acherontia ariel Boisduval, 1875
  • Acherontia pseudatropos Röber, 1933
  • Acherontia styx interrupta Closs, 1911
  • Acherontia styx obsoleta Schmidt, 1914
  • Acherontia styx crathis Rothschild & Jordan, 1903
  • Acherontia styx septentrionalis-chinensis Pavlov, 1932
[editar datos en Wikidata]

Acherontia styx ye una caparina nocherniega de la familia Sphingidae natural d'Asia. Tien una preferencia particular pola miel y los apicultores reportaron haber atopáu individuos d'esta especie dientro de los truébanos. Acherontia styx tien la propiedá d'asonsañar l'arume producíu poles abeyes, lo cual déxa-y entrar nun truébanu ensin ser atacada pa consiguir miel. La so llingua, que ye robusta y fuerte, déxa-y estrayer miel al introducise ente les parés de les celdes. Tamién se-yos conoz per infestar los plantíos de yuzu (Citrus junos) en Corea del sur.

Descripción[editar | editar la fonte]

Esta especie ye similar a la europea A. atropos pero estremase per tener dos bandes a la metá inferior de les nales delanteres en cuenta de una y usualmente nun tien nenguna banda escura al traviés de la superficie ventral del abdome. El llurdiu en forma de calavera ye más escura y hai un débil llurdiu azul arrodiada per una franxa negra submarginal na parte cimera de les nales inferiores. Amás, tien un llurdiu de color naranxa nes nales cimeres, y na A. atropos suel ser blanca.[1]

Hai dos subespecies descrites, l'A. s. styx y la A. s. medusa. Sicasí, les autoridaes na tema consideren que l'A. s. medusa ye una especie estacional frecuente nes estaciones y llugares húmedos, y non distinta de forma taxonómica.[1]

Desenvolvimientu[editar | editar la fonte]

Los güevos son puestos principalmente nes especies Bignoniaceae, Fabaceae, Oleaceae, Pedaliaceae, Solanaceae y Verbenaceae. Na India, les canesbes pueden llegar a estropiar los cultivos per cuenta del so gran númberu, cultivos como Sesamum indicum. Les gates madures pueden algamar los 120 mm, y el so exoesqueleto puede tener tonos de verde, mariellu o marrón. Les canesbes  asemeyense a les d'A. atropos sacante perque'l motudu n'azul escuro presente nel dosal ta más pronunciáu na metá anterior de cada segmentu abdominal, y la trompa ye menos curvada y escarez d'una punta cóncava. La pupación asocede nun covarón so tierra, escavada a menos de diez centímetros per debaxo de la superficie del terrén.

Distribución[editar | editar la fonte]

La variante conocida como A. styx medusa habita a lo llargo del este Asiáticu, emigrando dende'l Nordés de China a Xapón, y tamién nel sudeste de China y Vietnam, dende onde faen les sos migraciones a les penínsules de Tailandia y Malasia. Tamién pueden vese en Tailandia, Myanmar, Bangladex, India, Nepal, Paquistán y nes sos migraciones dende Irán a Arabia Saudita ya Iraq.[1]

Cultura popular[editar | editar la fonte]

Una pupa de Acherontia styx atopada nel cielu la boca blandu d'una víctima d'asesinatu ye una pista vital na novela de suspensu El silenciu de los corderos. Na versión cinematográfica, sicasí, anque'l guión entá fai referencia a styx, la especie que s'amuesa ye Acherontia atropos.

Referencies[editar | editar la fonte]

  1. 1,0 1,1 1,2 [1] Sphingidae of the Eastern Palaearctic, by A.R. Pittaway & I.J. Kitching

Enllaces esternos[editar | editar la fonte]