Simón Bolívar

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Simón Bolívar

Simón Bolívar (24 de xunetu de 1783 - 17 d'avientu de 1830) foi un cabezaleru políticu d'América llatina. Lluchó pola independencia de los territorios baxo dominiu español que güei formen Venezuela, Colombia, Ecuador, Perú, Panamá y Bolivia. Reverenciado anguaño como héroe nestos países y en bona parte del restu d'América llatina.

Primeros años de vida[editar | editar la fonte]

Bolívar naz en Caracas (güei capital de Venezuela) nuna familia aristocrática, educáu por dellos tutores, ente los que destaca Simón Rodríguez, qu'inflúi muncho nes sos idees.

A la muerte los sos pas, cola pa España en 1799 pa completar la so educación. N'España cásase con María Teresa Rodríguez del Toro y Alaysa en 1802, quien, nuna breve visita a Venezuela, muerre de fiebre mariello en 1803. Bolívar regresa pa Europa en 1804 onde s'axunta al séquitu de Napoleón Bonaparte.

El llibertador[editar | editar la fonte]

Bolívar torna pa Venezuela en 1807. Cuando Napoleón convierte a Xosé en rei d'España y de les sos colonies en 1808, Bolívar pasa a participar nes xuntes de resistencia d'América. La xunta de Caracas declara la independencia en 1810, y Bolívar marcha pa Inglaterra nuna misión diplomática.

Vuelve a Venezuela en 1811. En xunetu de 1812, el cabezaleru de la xunta, Francisco de Miranda ríndese, y Bolívar tien que fuxir pa Cartagena de Indias. Ye ehí au Bolívar escribe'l Manifiesto de Cartagena .

En 1813 lidera la invasión de Venezuela. Entra en Mérida'l 23 de mayu, siendo proclamáu El Libertador ("el llibertador"), algama Caracas el 6 d'agostu y proclama la segunda república Venezolana. Pasa, entós, a comandar les fuerces nacionalistes de Colombia , capturando Bogotá en 1814. Mentantu, depués de dalgún contratiempu militar, Bolívar vese obligáu a fuxir, en 1815, pa Xamaica onde pide aida al cabezaleru haitianu Alexander Sabes Petión.

En 1816, concedida esa aida, Bolívar regresa al combate, desembarcando en Venezuela y capturando Angostura (güei, Ciudá Bolívar).

El Integrador[editar | editar la fonte]

En 1826, Bolívar intenta promover la integración continental al convocar el Congresu de Panamá. Aconceyen representantes de Colombia, Guatemala, México, Perú y d'Estaos Xuníos. Yera l'entamu de les Conferencies Panamericanes.

Bolívar tuvo munches dificultaes p'alministrar la nomada Gran Colombia. Pel añu 1826 delles revueltes asocediéronse en Venezuela, y, a pesar de l'amnistía y del arraigu del gobiernu cola participación de los rebeldes, xorreció la disidencia política na rexón de Nueva Granada.

Bolívar proclamóse dictador en 1828, a pesar de creyer que sedría una midida provisional. Sofrió una tentativa d'asesinatu en setiembre de 1828 y, magar que frustráu, esti acontecemiento afectó-y el restu de la so vida.

Bolívar renunció a la presidencia'l 27 d'abril de 1830. Nesti mesmu añu, morrió de tuberculosis en Santa Marta, Colombia.