Sienda Europea E-9
| Sienda Europea E-9 | |
|---|---|
 | |
 | |
| Situación | |
|
| |
| Tipu | Siendes Europees de Percorríu Grande |
| Coordenaes | 37°01′30″N 8°59′40″W / 37.025°N 8.994444°O |
| Datos | |
| Llonxitú | 5000 km |
 | |
La Sienda Europea E-9 o Camín Costeru européu ye una de les Siendes Europees de Percorríu Grande. Percuerre una distancia d'unos 5.000 quilómetros dende'l Cabu de San Vicente en Portugal a Narva-Jõesuu n'Estonia.
El camín sigue les mariñes occidentales de Portugal, España (gran parte coincide col Camín de Santiago de la Mariña) y Francia hasta llegar a Roscoff. En Roscoff el camín estrémase para ufiertar dos rutes alternatives:
- Per tresbordador a Plymouth n'Inglaterra, y dempués siguiendo la mariña sur inglesa hasta Dover, onde otru ferry torna a la ruta en Calais en Francia. N'Inglaterra'l camín sigue partes del Camín de la Mariña Suroeste. La ruta británica incluye una ruta alternativa vía la Isla de Wight;
- O a lo llargo de la mariña del norte de Francia de Roscoff a Calais.
El camín entós sigue la mariña de Bélxica y los Países Baxos. Equí sigue la llinia delMar del Norte holandesa, qu'incluye 5 caminos socesivos:[1]
- De Sluis (frontera con Bélxica) a Hoek van Holland.
- De Hoek van Holland a Haarlem
- De Haarlem A Den Oever (hai una ruta alternativa a Den Helder, pero la ruta europea sigue a lo llargo del Afsluitdijk)
- Zurich a Lauwersoog
- Lauwersoog a Bad Nieuweschans (la frontera con Alemaña).
El camín entós sigue per Alemaña. Crucia la base de la Península de Xutlandia (esti ye l'únicu tramu interior), antes de siguir la mariña del Bálticu al traviés de Polonia, Rusia, Letonia, Lituania y Estonia, siguiendo en Rusia escontra San Petersburgu.
El camín inda ta en desenvolvimientu, y nun tán entá disponibles toles seiciones.[2]
Tramu asturianu[editar | editar la fonte]
La sienda, nel percorríu per Asturies, dirá dende A Veiga a Bustiu, enforma averada a la mariña cantábrica.[3] Anguaño tien en funcionamientu aproximao un 50% de los tramos.
Referencies[editar | editar la fonte]
- ↑ «Introduction/Netherlands». North Sea Trail. Archiváu dende l'orixinal, el 4 de marzu de 2016. Consultáu'l 11 d'ochobre de 2012.
- ↑ Ramblers Association.
- ↑ Menéndez, Marco (24 de marzu de 2013). «190 quilómetros de paseo junto al mar» (castellanu). El Comercio. Consultáu'l 26 de xunetu de 2018.
Enllaces esternos[editar | editar la fonte]
- Sitiu oficial
- Fotografíes de la parte francesa del Sentier du Litoral
- E9 n'Estland
- Cercu del Mar del norte
| Control d'autoridaes |
|
|---|
Datos: Q1377728
Multimedia: E9 European long distance path