A Veiga (parroquia)

A Veiga
Alministración
País	España
Autonomía	Principáu d'Asturies
Provincia	provincia d'Asturies
Conceyu	A Veiga
Partíu xudicial	Castropol
Tipu d'entidá	parroquia d'Asturies
Códigu postal	33770
Xeografía
Coordenaes	43°27′51″N 7°02′56″W / 43.46417°N 7.04891°O
	A Veiga A Veiga (Asturies)
Superficie	9.79 km²
Altitú	3 m
Llenda con	Abres, Piantón, Ouria y Siares
Demografía
Población	2924 hab. (2017)
Porcentaxe	75.26% de A Veiga; 0.29% de provincia d'Asturies; 0.29% de Principáu d'Asturies; 0.01% de España
Densidá	298,67 hab/km²
Viviendes	1609 (2001)
Más información
Estaya horaria	UTC+01:00

A Veiga^[2] ye una parroquia del conceyu asturianu del mesmu nome. Ocupa la parte central del conceyu y tien 9,79 km²^[3] d'estensión. La so población ye de 2924 hab. (2017)^[4] y compriende, amás de la villa d'A Veiga, les siguientes poblaciones: Estelo, A Fonte de Louteiro, Louteiro y Miou.

La villa d'A Veiga concentra, colos sos 2.811 habitantes (2011), el 68% de la población del conceyu. Ye la cabecera comarcal del estremu noroccidental d'Asturies, na que se concentren el comerciu, la industria y los servicios (culturales, sanitarios...) de la zona. La perda de población, común a toles zones rurales d'Asturies, y tamién l'apertura la Ponte los Santos en 1987, ficieron que la so importancia fuera menguando nestos postreros años en favor de Ribadeo. A pesar d'ello entá caltién una bona actividá, como puede comprobase pasiando pela villa cualesquier sábadu (ye'l día de mercáu) o a primeros de xunu, cuando se celebra la Feria de Muestres d'A Veiga, que cumplió nel 2008 los 45 años de vida con perbona salú.