El Comercio
De Uiquipedia
Archivu:El comercio.jpg
Portada d'El Comercio
El Comercio ye un periódicu xixonés, el segundu más lleíu d'Asturies dempués de La Nueva España.
Fundóse'l 2 de setiembre de 1878 por un grupu de navieros y industriales a partir de l'alquisición de la imprenta ‘La Comercial’, na cai Corrida. El diariu tenía una tirada de 600 exemplares. Demientres la Guerra Civil les sos instalaciones usáronse pa publicar el diariu socialista Avance. Tres de la guerra, tuvo dificultaes pa volver a ponese en marcha, anque al final consiguiólo y convirtióse nún de los periódicos más importantes d'Asturies nos años 1950.
Dende 1995 forma parte del Grupo Vocento. En 1996 mercó'l diariu La Voz de Avilés, anque caltién-y la cabecera pa esa comarca.
