La Voz de Avilés

De Uiquipedia
Saltar a: navegación, buscar
Sé de La Voz de Avilés

La Voz de Avilés ye un diariu fundáu en 1908 n'Avilés. En 1996 integrose nel Grupo Correo de prensa (anguaño Vocento) a través de la cabecera xixonesa El Comercio. Dende entós, asoléyase na comarca avilesina como edición del diariu de Xixón. El so direutor ye Juan Manuel Wes López.


Hestoria[editar | editar la fonte]

El diariu La Voz de Avilés entamó a emprentase'l 26 de xineru de 1908, tres de la so fundación por Manuel González Wes. Les sos instalaciones taben afitáes na cai del Marques de Pinar del Río (anguaño La Ferrería). El periódicu caltuvo la so presencia nes cais de la ciudá de forma ininterrumpida hasta 1936, cuando l'españíu de la Guerra Civil española llevó primero al decomisu del diariu, primero pol PSOE (que caltuvo la cabecera), y depués de la Falange Española, que editó el diariu embaxo la cabecera de Boletín de Avilés, periódicu qu'empecipió a emprentase en 1937. En 1942 La Voz de Avilés recuperó la so cabecera embaxo la direición del fíu del fundador, Juan González Wes Dinten, nel mesmu edificiu de la cai Marqués de Pinar del Rio.

Nés décades siguientes, el diariu estabilizó la so presencia nes cais con un caracter enforma localista, que-y apurrió a la par reconocencia pola parte de los avilesinos y cierta consideración d'inferioridá énte los otros diarios asturianos. Tres l'afitamientu n'Avilés de la empresa siderurxica Ensidesa, na década de 1950, La Voz de Avilés entamó un procesu de modernización. El resultáu d'ello foi l'apertura de les sos instalaciones nuna nave industrial n'avenida de Xixón, nes que s'abellugaben la redacción, l'alministración y los talleres. Yera l'añu 1967. Ya consolidao, el periódicu siguió pel camín del periodismu local y comarcal (con abonda información de los conceyos de Corvera y Castrillón principalmente), y foi introduciendo dellos cambeos téunicos y de formatu. Asina, nel 1974 adoptó el tabloide envede'l formatu sábana tradicional. La Voz de Avilés llogró superar nos años siguientes la fuerte competencia del mercáu periodísticu asturianu, cola presencia nos quioscos de siete cabeceres: La Nueva España, La Voz de Asturias, El Comercio, El Noroeste, El Correo de Asturias y Asturias, diario regional, además del avilesín. Nun foi hasta la década de 1990 cuando'l diariu entró nuna fonda crisis. Pa entós, La Nueva España y La Voz de Asturias ya hubieren entamao la so propia estratexa d'esperdimientu cola creación d'ediciones comarcales, lo que punxo nuna abegosa situación a La Voz de Avilés, entá una empresa familiar. El Grupo Correo (anguaño Vocento), acabó por adquirir el diariu avilesín en 1996 al traviés de la emrpesa editora de El Comercio de Xixón. El periódicu treslladó entós les sos instalaciones a la cai La Cámara, nel centru la ciudá, y entamó a emprentase na rotativa de El Comercio. Formalmente, el periódicu avilesín adoptó el formatu y diseñu del diariu de Xixon, colo que convirtiose dafechu nuna edición d'El Comerio, pesie a que caltién la so cabecera propio.

Enllaces esternos[editar | editar la fonte]