Saltar al conteníu

Xardinos de Suzhou

De Wikipedia
Xardinos clásicos de Suzhou
Patrimoniu de la HumanidáUNESCO
Entrada al xardín de la Llomba del Tigre.
Llugar  China
Criterios Cultural: i, ii, iii, iv, v
Referencia 813bis
Inscripción 1997 (XXI Sesión)
Estensiones 2000
Área Asia y Oceanía
Cambiar los datos en Wikidata

Los Xardinos clásicos de Suzhou son un conxuntu de xardinos na ciudá de Suzhou de la provincia de Jiangsu (China), tán consideraos como Patrimoniu de la Humanidá pola Unesco dende l'añu 1997 y fueron ampliaos nel 2000.

En 1997, el Xardín del alministrador humilde, Xardín Liuyuan, Parque y xardín Wangshi Yuan, el más famosu de Suzhou, y la Villa del monte abrazáu pola guapura fueron incluyíos na llista de la Unesco Patrimoniu de la Humanidá. En 2000, el Pabellón Canglang, el Xardín de los lleones, el Xardín de cultivu, el Xardín Ouyuan y el Xardín Tuisiyuan fueron añadíos a la llista.

Suzhou ye la ciudá de China que más xardinos caltién. La mayoría d'estos xardinos pertenecíen a cases particulares. L'arquiteutura clásica de los xardinos chinos inclúi siempres cuatro elementos: roques, agua, pabellones y plantes.

Dalgunos de los principales xardinos de la ciudá son:

  • Xardín del alministrador humilde (拙政园 Zhuozheng Yuan): Ocupa casi cinco hectárees lo que-y convierte n'unu de los más grandes. Pertenecía a un altu funcionariu que lo construyó mientres la dinastía Ming
  • Xardín del maestru de redes (Wangshi Yuan): Ye'l más pequeñu yá que ocupa tan solo media hectárea. Foi construyíu mientres la dinastía Song y restauráu nel sieglu XVIII.
  • Pabellón de les foles azules o pabellón Canglang (Canglang Ting): Ye'l más antiguu construyíu a mediaos del sieglu XI, ta arrodiáu per un foso con agua que fai de muriu del xardín. Construyíu mientres la dinastía Song, nel so interior atopa'l Templu de los Quinientos Sabios nel que tán esculpíes 594 imáxenes que representen la historia de Suzhou.

Los xardinos[editar | editar la fonte]

Imaxe Nome Fecha d'inscripción
Xardín del alministrador humilde (拙政园/拙政園; Zhuōzhèng Yuán) 1997
Xardín Liuyuan (留园/留園; Liú Yuán) o "Xardín Nun s'entaíne" 1997
Xardín del maestru de redes (网师园/網師園; Wǎngshī Yuán) 1997
Villa del monte abrazáu pola guapura (环秀山庄/環秀山莊; Huánxiù Shānzhuāng) 1997
Xardín Ouyuan (耦园/耦園; Ŏo Yuán) 2000
Xardín de cultivu (艺圃/藝圃; Yì Pǔ) 2000
Pabellón de les foles azules (沧浪亭/滄浪亭; Cāng Làng Tíng) 2000
Xardín de los lleones (狮子林园/獅子林園; Shī Zǐ Lín Yuán) 2000
Xardín Tuisiyuan (退思园/退思園; Tuìsī Yuán) 2000

Referencies[editar | editar la fonte]

Enllaces esternos[editar | editar la fonte]