Saltar al conteníu

Villanueva Mesía

Coordenaes: 37°12′53″N 4°00′46″W / 37.214722222222°N 4.0127777777778°O / 37.214722222222; -4.0127777777778
De Wikipedia
Villanueva Mesía
Alministración
País España
Autonomíasimple Andalucía
Provincia provincia de Granada
Tipu d'entidá conceyu d'España
Alcalde de Villanueva Mesía (es) Traducir José Antonio Durán Ortiz
Nome oficial Villanueva Mesía (es)[1]
Códigu postal 18369
Xeografía
Coordenaes 37°12′53″N 4°00′46″W / 37.214722222222°N 4.0127777777778°O / 37.214722222222; -4.0127777777778
Villanueva Mesía alcuéntrase n'España
Villanueva Mesía
Villanueva Mesía
Villanueva Mesía (España)
Superficie 11 km²
Altitú 489 m
Llenda con Montefrío, Íllora, Moraleda de Zafayona, Huétor Tájar y Loja
Demografía
Población 2009 hab. (2023)
- 994 homes (2019)

- 1027 muyeres (2019)
Porcentaxe 0% de provincia de Granada
0% de Andalucía
0% de España
Densidá 182,64 hab/km²
Más información
Estaya horaria UTC+01:00
villanuevamesia.com
Cambiar los datos en Wikidata
Términu municipal de Villanueva Mesía al respective de la provincia de Granada.

Villanueva Mesía ye una llocalidá y conceyu español perteneciente a la provincia de Granada, na comunidá autónoma d'Andalucía. En 2.016 cuntaba con 2.030 habitantes censaos.[2] Ta asitiáu na parte oriental de la contorna de Loja ya inclúyese dientro de la mancomunidá de la Ribera Baxa del Genil. Llenda al norte col conceyu de Montefrío, al este con Íllora, al sur con Moraleda de Zafayona, al suroeste con Huétor Tájar, y al oeste con Loja.

Villanueva Mesía ye un conceyu del Poniente Granadín, zona estremera ente les provincies de Granada, Xaén, Málaga y Córdoba que se caltuvo mientres más de dos sieglos como frontera ente'l Reinu de Granada y el reinu cristianu de Castiella. Foi la "Última frontera d'al-Ándalus", y por eso los pueblos y tierres que la formen son fonte perenal de lleendes, hestories y batalles.

Regáu pol ríu Genil nel so confluencia col Cacín, de fértiles güertes y frondosos frutales, tuvo formáu nun principiu por numberosos molinos, la mayoría d'agua, y alqueríes. Magar los asentamientos nesta tierra —según los restos arqueolóxicos topaos— empecipiar col home de Neandertal, nel Paleolíticu Cimeru, hai más de 150.000 años y siguen colos íberos, fenicios, romanos, visigodos y, a lo último, los musulmanes.

Xeografía

[editar | editar la fonte]

La so privilexada situación xeográfica, xunto a l'autovía A-92, dexa aportar dende cualquier llugar y en poco tiempu. Granada capital ta a tan solo 42 km y Málaga a 93. El tresporte públicu per carretera ye fluyíu y continuu dende estos llugares.

L'Aeropuertu Federico García Lorca de Granada-Xaén ta a tan solo 30 km.

Política

[editar | editar la fonte]

Los resultaos en Villanueva Mesía de les postreres eleiciones municipales, celebraes en mayu de 2015, son:

Eleiciones Municipales - Villanueva Mesía (2015)
Partíu políticu Votos %Válidos Conceyales
Partíu Socialista Obreru Español (PSOE)
810
73,50%
9
Partíu Popular (PP)
267
24,23%
2
Imaxe panorámica de la llocalidá de Villanueva Mesía
  • Bici de monte: más de 20 rutes con salida y llegada en Villanueva Mesía, ente les que destaca la Ruta Hiponova -46 km-, dafechu señalizada y que pasa por puntos de gran interés ecolóxicu, monumental y históricu en Montefrío y especialmente poles Peñes de los Xitanos, una de les mayores y meyor caltenida Estación Megalítica d'Europa.
  • Senderismo: diverses rutes circulares a los pueblos vecinos y paraxes naturales, pero encamentamos el percorríu pola Ruta Periurbana (6,6 km), totalmente señalizada y especialmente curiosu ye'l tramu d'esta ruta pola ribera del Genil.
El ríu Genil al so pasu por Villanueva Mesía.
  • Piragua: pel ríu Genil dende la Ponte de Castiella hasta la ponte de Villanueva Mesía.
  • Ruta histórica y monumental: pel centru del pueblu.

Gastronomía

[editar | editar la fonte]

Nos chigres y restoranes pueden tastiase una amplia variedá de productos de la güerta y embutíos de gochu. Les comíes más típiques son: la porra malena, el guisáu de cascoxos, les chuletes de gochu con pataques y, sobremanera, l'espárragu verde en distintes recetes.

Nes tiendes y negocios puede mercase numberosos productos de la zona: dulces de repostería, llegumes, embutíos de gochu, aceite d'oliva con denominación origen del Poniente Granadín y otros productos de la vega, especialmente l'espárragu verde-moráu, tamién con denominación d'orixe.

=== La Masera Asitiada na cai Pósito, xunto a la ilesia, ye'l muséu local y el centru d'interpretación de la Prehistoria del Poniente Granadín.

L'edificiu foi, mientres enforma tiempu, el pósito de Villanueva, pa convertise darréu y hasta los nuesos díes, na masera. Ye, poro, el llugar más fayadizu pa esplicar como funcionaba un molín de farina y tamién pa esponer la hestoria del nuesu pueblu. Un rincón privilexáu onde dar a conocer a los visitantes la ufierta cultural, deportiva y natural, la gastronomía, los agospiamientos rurales y, a lo último toles posibilidaes pa esfrutar unos díes ente les sos xentes.

Tamién hai un espaciu qu'alluga una esposición sobre los distintos asentamientos de cultures que pasaron pel Poniente Granadín hasta la llegada de los musulmanes.

Referencies

[editar | editar la fonte]
  1. Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
  2. «Institutu d'Estadística y Cartografía d'Andalucía. TORCA - Villanueva Mesía (Granada)» (castellanu). Consultáu'l 2017-10-26.

Enllaces esternos

[editar | editar la fonte]