Utre

De Wikipedia
Saltar a navegación Saltar a la gueta
Commons-emblem-notice.svg
 

Infobox animalia.png

Utre
Vulture beak sideview A.jpg
Clasificación científica
Reinu: Animalia
Filu: Chordata
Clas: Aves
Orde: Accipitridae
Families
[editar datos en Wikidata]
Utre lleonada nos Picos d'Europa


Les utres (en singular utre[1] o utra[2]) o butres [3] son aves de presa que s'alimenten namái que d'animales muertos. Les utres alcuéntrense distribuyíes per tolos continentes, de nun ser L'Antártida y Oceanía.

Una carauterística particular de munches utres ye la so tiesta pelada, ensin plumax. Esto débese con seguridá a qu'una cabeza con plumes mancharíase col sangre y otros fluyíos na xinta y sedría más lluendio de caltener llimpia.

Polo xeneral, les utres son aves pergrandes. Poro, empleguen les corrientes térmiques pa elevase y poder planiar llargamente pel tiempu que necesiten pa patrullar grandes estensiones a la gueta de carnáu.

Les utres categorícense en dos grupos. Les utres del Vieyu Mundu pertenecen a la familia de los accipítridos, qu'inclúi tamién a les águiles y a los ferres. Estes alcuéntrense n'África, n'Asia y n'Europa. Alcuentren animales muertos nel nalíu principalmente gracies a la vista.

Les utres del Nuevu Mundu y los cóndores nun s'alcuentren emparentaos cola familia los accipítridos, sinón que pertenecen a la familia de los Catartidos. Tienen un bon sentíu l'olfatu, raro nuna ave de presa. Estes últimes alcuéntrense n'América.

Les semeyances ente dambos grupos débense a la evolución converxente más qu'a una rellación averada.

N'Asturies pueden atopase 4 especies d'utres: la utre lleonada (Gyps fulvus), el zapiqueru (Neophron percnopterus), la utre prieta o negra (Aegypius monachus) y el frangüesu (Gypaetus barbatus), si bien les dos últimes tán catalogaes como rares pola Coordinadora Ornitolóxica d'Asturies (COA).

A les sos práutiques de comer carnáu inxustamente impopulares xúntase la chocante costume d'apegar a les sos pates cuando tienen calor una sustancia fecho combinando les sos fieces y la so orina que-yos aida a moderar la so temperatura corporal, darréu que nun tienen glándules sudorípares. Increíblemente, descubrióse qu'esta sustancia ye más eficaz que'l sudu pa la mesma xera. Amás, los científicos atoparon na orina de la utre amoniacu, que de xuru-y sirve pa esterminar les bacteries coles qu'establez contautu demientres xinta.

Referencies[editar | editar la fonte]

Ver tamién[editar | editar la fonte]