Sáḥara Occidental

De Uiquipedia
Saltar a: navegación, buscar
Gtk-find-and-replace.svg
Esti artículu necesita una revisión por un correutor qu'ha d'ameyorar la so ortografía, la so gramática, la so sintaxis o'l so vocabulariu. Tamién, iguar les referencies o semeyes o con enllaces francíos.
(ver la llista completa d'artículos pa correxir)


الصحراء الغربية
As-Saḥrā' al-Ġarbiyyah
Sáḥara Occidental
Bandera de Sáḥara Occidental Escudu de Sáḥara Occidental
(En detalle) (En detalle)
Lema nacional: Hurrīyya-Dīmuqrātīyya,Wehda
(«Llibertá, Democracia, Unidá»)
Himnu nacional: Yābaniy Es-Saharā
LocationWesternSahara.png
Llingües oficiales árabe y español
Capital L'Aaiún
Presidente (nel exiliu) Mohamed Abdelaziz
Primer ministru (nel exiliu) Abdelkader Taleb Oumar
Superficie
 - Total
 - % agua
Lugar nu 83
266.000 km²
Despreciable
Población
 - Total (est. 2003)
 - Densidá
Lugar nu 182
262.000 hab
1 hab./km²
Independencia
 - Declarada
 - Reclamada y controlada
D' España
 27 de febreru de 1976
 Por Marruecos
Moneda Dirham de Marruecos
Fusu horariu UTC 0
Xentiliciu saḥarianu, -a, -o
Dominiu Internet Ningunu (tien reserváu .eh)
Códigu telefónicu + 212 (mesmu códigu que Marruecos)

El Sáḥara Occidental ye un territoriu d'África, nel estremu occidental del desiertu del Sáḥara. Foi antigua colonia española y anguaño ta baxo alministración de Marruecos, anque'l so drechu sobre esti territoriu nun ta reconocíu nin pola ONU nin pol Tribunal Internacional de L'Haya y ye refugáu pol Frente Polisariu que reclama la independencia pal pueblu saḥaraui.

Hestoria[editar | editar la fonte]

Reclamada como colonia por España nel 1885 la ocupación efectiva del territoriu nun se realizó hasta'l 1934. En 1975 España abandonó'l territoriu que foi invadíu por Mauritania y Marruecos en 1976 realizó la Marcha Verde, pero el Frente Polisariu proclamó la República Árabe Saḥaraui Democrática (RASD) y declaró-y la guerra a los invasores. En 1979 Mauritania nun pue siguir costeando la guerra y firma la paz col Frente Polisariu renunciando asina a les sos pretensiones nel territoriu. En 1991 Marruecos y el Frente Polisariu firmen un altu'l fueu auspiciáu pola ONX qu'establez la Misión pal Referéndum nel Sáḥara Occidental (MINURSO) que se celebraría en febreru de 1992. Marruecos foi aplazando la convocatoria pal referéndum per aciu d'apelaciones nes que pide a los marroquinos que tán na zona (que yá son mayoría) tengan drechu a votu.

Ente 1980 y 1987 Marruecos construyó nel Sáḥara Occidental una barrera d'ocupación divisoria conocida como «muru de la vergüenza». Tien más de 2.000 km, ta fabricada con tierra, piedra y arena y protexida con soldaos, mines anti-persona, artillería y otros materiales militares.

Gobiernu y política[editar | editar la fonte]

L'estatus llegal del territoriu y la entruga de la soberanía tán ensin resolver. Alcuéntrase n'ocupación de Marruecos, pero'l Frente Polisariu dispúta-y el control.

Organización político-alministrativa[editar | editar la fonte]

Fai años dividíase en Saguia el Hamra (capital: L'Aaiún) y Ríu d'Oru (capital Dajla, antigua Villa Cisneros). Otres poblaciones importantes son Smara y La Güera (o La Agüera).

Marruecos dixebró'l Sáḥara Occidental en cuatro provincies: Boujdour (Bojador), Laâyoune (L'Aaiún), Es-Smara (Smara) y Qued Eddahab (Ríu d'Oro). Tres de la reorganización nel 1997, el territoriu del Sáḥara Occidental pertenez a tres rexones marroquines (Oued Ed-Dahab - Lagouira, Laâyoune - Boujdour - Sakia El Hamra y Guelmin - Es-Semara). Les dos últimes inclúin tamién territoriu marroquín.

Xeografía[editar | editar la fonte]

Mapa del Sáhara Occidental

El Sáḥara Occidental alcuéntrase nel África Norte, llindando nel norte col Océanu Atlánticu, Mauritania (nel este y sur) y Marruecos (nel norte). Llinda tamién al noreste con Arxelia.

Atravesáu pol Trópicu de Cáncer, el territoriu ta ocupáu pol desiertu del Sáḥara, siendo una parte erg (desiertu d'arena) y otra de piedra.

La escasa vexetación solo crez nos oasis. Hai delles especies animales adaptaes al áridu hábitat desérticu, como'l ratón brincante del desiertu.

Economía[editar | editar la fonte]

El Sáḥara Occidental cuenta con pocos recursos naturales y nun tien suficientes precipitaciones como p'abastecer la mayoría de les actividaes agrícoles. La so economía ta centrada nel pastoríu nómada, la pesca y la minería del fosfatu. La mayoría de los alimentos pa la población urbana tien que ser importada. Tol comerciu y les otres actividaes económiques tán controlaos pol gobiernu de Marruecos.

Demografía[editar | editar la fonte]

Evolución demográfica del Sáḥara Occidental ente 1961 y 2003 (cifres de la FAO, 2005). Población en miles d'habitantes.

La población del Sáḥara Occidental ye na so mayoría d'oríxe árabe y bereber, esiste tamién una escasa minoría d'ascendencia española o europea, y de raza negra. Gran parte de la población saḥaraui del país (alredor de 155.000) ta nel exiliu en campamentos en Tinduf dende 1975. El país ta ocupáu mayoritariamente polos marroquinos llegaos dempués de 1975 y pol exércitu.

Sáḥara Occidental ye un de los territorios menos poblaos del mundu y posiblemente el de menor densidá de población. En xunetu de 2004 taba nel Sáḥara Occidental una población de 267.405 persones.

La llingua oficial ye l'árabe, anque fálase diariamente'l dialectu conocíu como'l ḥasanía, un dialectu faláu en Mauritania pero con mui poques diferencies que solo se puen detectar pol Bidhan (los habitantes del Sáḥara y Mauritania). Tamién se fala l'español, como'l segundu idioma más importante del territoriu, particularmente pa los que crecieron baxo la colonización española.

El credo predominante ye l'islam.

Cultura[editar | editar la fonte]

Puestu militar en L'Aaiún
Fiestas
Fecha Nome n'asturianu Nombre local Notes
27 de febreru Fiesta nacional Sab'a O'Echreen Fabrair Proclamacion de la RASD
20 de mayu Fiesta nacional Eichreen mai Declaración de llucha armada pa la lliberación.

Enllaces esternos[editar | editar la fonte]


África
Angola | Arxelia | Benín | Botswana | Burkina Faso | Burundi | Cabu Verde | Camerún | República Centroafricana | Chad | Islles Comores | El Congo | República Democrática d'El Congo | Costa de Marfil | Djibouti | Eritrea | Etiopía | Exiptu | Gabón | Gambia | Ghana | Guinea | Guinea-Bissau | Guinea Ecuatorial | Kenya | Lesotho | Liberia | Libia | Madagascar | Malawi | Mali | Marruecos | Mauriciu | Mauritania | Mozambique | Namibia | Níxer | Nixeria | Islles Seychelles | Sudáfrica | Tanzania | Ruanda | Santu Tomé y Príncipe | Senegal | Sierra Lleona | Somalia | Sudán | Sudán del Sur | Suazilandia | Togo | Túnez | Uganda | Zambia | Zimbabwe

Dependencies: Islles Kerguelen | Mayotte | Reunión | Sáhara Occidental | Socotra | Tromelin