Rimsky-Korsakov

De Wikipedia
Saltar a navegación Saltar a la gueta
Rimsky-Korsakov
Nikolay A Rimsky Korsakov 1897.jpg
Vida
Nacimientu Tijvin6 de marzu de 1844
Nacionalidá Imperiu Rusu
Llingua materna rusu
Fallecimientu

Lyubensk21 de xunu de 1908

(64 años)
Sepultura Cementerio Novodévichi
Familia
Casáu/ada con Nadezhda Rimskaya-Korsakova
Fíos/es
Estudios
Estudios Cuerpo de cadetes navales
(1856 -
Llingües rusu
Alumnu/a de Mili Balákirev
Profesor/a de Ígor Stravinski
Antón Arenski
Théodore Akimenko
Aleksandr Grechanínov
Q34739941
Oficiu
Oficiu compositor, direutor d'orquesta, musicólogu, pedagogu, autobiógrafu, profesor de música, teórico de la música, profesor y profesor universitariu
Empleadores Conservatorio de San Petersburgo
Trabayos destacaos Scheherezade
Symphony No. 1
El gallo de oro
Miembru de Los Cinco
Xéneru artísticu Ópera
Sinfonía
música clásica
Creencies
Relixón Ilesia Ortodoxa
IMDb nm0006253
Rimsky-Korsakov Signature.jpg
Cambiar los datos en Wikidata
Rimsky-Korsakov.

Nikolái Andréyevich Rimski-Kórsakov (n'rusu Николай Андреевич Римский-Корсаков) (6 de marzu de 1844Tijvin - 21 de xunu de 1908Lyubensk). Compositor y profesor de música académico rusu, foi pernomáu pola so fina orquestación, que pudo tar influida pola so sinestesia. Les sos composiciones más famosas son El vuelu del moscardón y Scheherazade. Morrió en Liubensk, el 21 de xunu de 1908.

Biografía[editar | editar la fonte]

Nikolái Rimski-Kórsakov nació en Tijvin, cerca de Nóvgorod, nuna familia aristocrática y de marinos militares. Rimski-Kórsakov amosó'l so talentu artísticu dende bien nuevu, al rodiu los seis años, pero estudió na Escuela Naval Imperial Rusa de Cadetes en San Petersburgu y posteriormente alistóse na Marina Rusa.

En 1861 conoció a Balákirev y escomencipió a concentrase más seriamente na música. Balákirev animólu pa que compusiera y aprendía-y cuando nun taba n'altamar. Al traviés de Balákirev, Rimski-Kórsakov tamién conoció otros compositores talos como César Cui, Borodín, Músorgski, de los que más tarde sedríen conocíos como "Grupu de los Cinco". Mentres taba na marina, compuso una sinfonía, la primera compuesta por un rusu. Tamién compuso la so bien conocía obra orquestal Sadkó en 1867 y la ópera La Dama de Pskov (Pskovitianka) en 1872, nantes de renunciar al so cargu militar en 1873.

Rimski-Kórsakov y otros miembros del "Grupu de los Cinco" frecuentemente collaboraron o editaron composiciones d'otros autores. En particular dempués de la muerte de Modest Músorgski en 1881, Rimski-Kórsakov tomó'l trabayu de revisar munches obres de Músorgski pa espublizales y executales. Asina, la obra La nueche nel Monte Calvu de Músorgski foi iguada por Rimski-Kórsakov y ye la qu'actualmente s'escucha. Sin embargo, la opinión crítica respeuto de Músorgski col trescursu del tiempu camudó en referencia al so estilu, considerado nalgún momentu como agreste, sin embargo revalorizóse la so originalidá. Esto motivó a Rimski-Kórsakov pa facer dalgunes otres revisiones, tales como Borís Godunov, y reemplazó con produiciones más fieles los manuscritos orixinales de Músorgski pesie al riesgu de nun ser condescendiente pa col públicu.

Nikolái Rimski-Kórsakov retratáu por Ilya Repin

En 1871, magar ser autodidacta, convirtióse en profesor de composición y orquestación nel Conservatoriu de San Petersburgu. Ellí aprendió a bien de compositores que más llueu garraríen nome internacional, como por exemplu Aleksandr Glazunov, Sergéi Prokófiev y Ígor Stravinski.

Escribió un Tratáu d'orquestación que foi mundialmente utilizáu polos estudiantes de composición demientres tol sieglu XX, pero que na actualidá foi abandándose por mor que los exemplos d'instrumentación tán tomaos sólo d'obres propies (y ello llimita la gama de posibilidaes d'adeprendizaxe del alumnu). Tamién fizo un Tratáu d'Harmonía.

Continuó componiendo prolíficamente, produciendo munchos trabayos orquestales, incluyendo les sos famoses obres Scheherezade y el Caprichu español (1887). Tamién escribió quince óperes, como Kashchéi el inmortal y El cuentu del zar Saltán (1903). A esta última ópera pertenez el conocíu fragmentu El vuelu del moscardón, igüada pa distintes agrupaciones d'instrumentos. Dientro la so música llitúrxico ortodoxa rusa atopamos la obra a capella, Lliturxa de San Xuan Crisóstomo y la obra orquestal, La Gran Pascua Rusa.

En 1905 Rimski-Kórsakov cesaronlu del so cargu de profesor en San Petersburgu por mor de les sos opiniones polítiques. Esto provocó una serie de dimisiones de los sos collacios miembros de la facultá, y gracies a eso reincorporaronlu al so cargu. La controversia política continuó per 1907 cola so ópera El gallu d'oru (Le Coq d'Or), que yera un ataque a la Rusia Imperial y que foi prohibida dende'l so estrenu.

Pal final de la so vida, Rimski-Kórsakov enfermó d'anxina y murrió en Liubensk el 21 de xunu de 1908. Enterráronlu nel cementeriu de Tijvin del monesteriu Aleksandr Nevski, en San Petersburgu, Rusia.

Lliteratura[editar | editar la fonte]

Ver tamién[editar | editar la fonte]

Enllaces esternos[editar | editar la fonte]