Platón

De Wikipedia
Platón
escolarca de la Academia de Atenas (es) Traducir

387 edC - 347 edC - Espeusipo (es) Traducir
Vida
Nacimientu Atenes[1][2]
Nacionalidá Antigua Atenes [3]
Llingua materna griegu antiguu
Muerte Atenes[4][4] (70/89 años)
Sepultura valor desconocíu
Familia
Padre Aristón de Atenas
Madre Perictione
Hermanos/es
Estudios
Llingües falaes griegu antiguu[7]
Alumnu de Sócrates
Teodoro de Cirene (es) Traducir
Hermógenes (es) Traducir
Dionís
Profesor de Aristóteles
Axiotea de Fliunte (es) Traducir
Eudoxo de Cnido
Jenócrates (es) Traducir
Lastheneia of Mantinea (es) Traducir
Heraclides Ponticus
Espeusipo (es) Traducir
Querón de Pelene (es) Traducir
Philip of Opus
Leon von Byzanz
Coriscus of Scepsis (en) Traducir
Demetrius of Amphipolis (es) Traducir
Erasto de Scepsis (es) Traducir
Euphraeus (es) Traducir
Heraclides of Aenus (es) Traducir
Hestiaeus of Perinthus (es) Traducir
Pitó d'Enos (es) Traducir
Timeu de Cízic
Euaeon de Lampsacus (es) Traducir
Theodectes (es) Traducir
Teofrasto
Oficiu
Oficiu filósofu, epigramista, poeta, escritorfilósofu del derechu
Trabayos destacaos Critón (es) Traducir
Eutifrón (es) Traducir
Fedón (es) Traducir
Eutidemo (es) Traducir
Protágoras (es) Traducir
Timeo (es) Traducir
Gorgias (es) Traducir
Menón (es) Traducir
Apología de Sócrates (es) Traducir
Cármides (es) Traducir
Clitofón (es) Traducir
Crátilo (es) Traducir
Critias (es) Traducir
Epinomis (es) Traducir
Eryxias (en) Traducir
Primer Alcibíades (es) Traducir
Hipparchus (en) Traducir
Hipias mayor (es) Traducir
Hipias menor (es) Traducir
Ion (es) Traducir
Laques (es) Traducir
Leyes (es) Traducir
Lisis (es) Traducir
Menexeno (es) Traducir
Minos (en) Traducir
Parménides (es) Traducir
Fedro (es) Traducir
La República
Filebo (es) Traducir
Segundo Alcibíades (es) Traducir
Sisyphus (en) Traducir
Sofista (es) Traducir
Político (es) Traducir
El banquete (es) Traducir
Theages (en) Traducir
Rival Lovers (en) Traducir
Teeteto (es) Traducir
Epistles (en) Traducir
Influyencies Sócrates, Heráclitu, Parménides d'Elea, Homero, Hesíodo, Aristófanes, Protágoras (es) Traducir, Pitágores y orfismo (es) Traducir
Movimientu platonismo (es) Traducir
Xéneru artísticu diálogo platónico (es) Traducir
IMDb nm0686817
Cambiar los datos en Wikidata

Platón[8] (en griegu Πλάτων) (ca. 427 e.C.347 e.C.) foi un filósofu griegu, alumnu de Sócrates y maestru d'Aristóteles; la so influyencia como autor y sistematizador vien siendo incalculable en tola historia de la filosofía, de la que se dixera qu'algamó identidá como disciplina pola mor de los sos trabayos. La rellación ente Platón y el so maestru Sócrates foi tala que sabemos de les idees platóniques por boca de Sócrates. Efeutivamente, nes obres de Platón, plantegaes como diálogos, siempre apaez un personaxe qu'espresa'l so pensamientu y que ye Sócrates. Asina, Platón toma como personaxe a Sócrates pa esparder el so pensar. Ente les obres de so más importantes atópense los diálogos La República (en griegu Πολιτεια, politeia, "ciudá"), onde nos desendolca la filosofía política d'un estáu ideal; el Fedro, nel que desarrolla una complexa ya influyente teoría psicolóxica; el Timeo, ensayu de cosmoloxía racional influída poles matemátiques pitagóriques; y el Teeteto, el primer estudiu que se conoz sobre filosofía de la ciencia.

Les narraciones alegóriques de delles de les sos obres, ente les que tan el Timeo y el Critias, dieron orixe al mitu de l'Atlántida.

Platón foi tamién fundador de l'Academia d'Atenas, onde estudió Aristóteles. Participó na enseñanza na Academia y escribió sobre temes filosóficos enforma estremaos, especialmente los que trataben de metafísica, epistemoloxía, ética y política, anque tamién s'estudiaben nesa escuela disciplines de ciencia como matemática o astronomía. Platón dába-y importancia a la matemática hasta'l puntu de qu'había un lema escritu nel frontispiciu de l'Academia que dicía Naide entre equí que nun sepa xeometría. Les obres más famoses de Platón foron los sos diálogos, si bien dellos epigrames y cartes tamién sobrevivieren. Créese que tolos diálogos de Platón que se conocen son auténticos anque ye discutible la so cronoloxía exauta.

Los diálogos de Platón tienen muncha vitalidá y davezu inclúin humor ya ironía. A Sócrates mencionalu frecuentemente nos diálogos. Poro, ye perdifícil en delles vagaes estremar les aportaciones de Sócrates de les de Platón, por cuanto Sócrates nun dexó evidencia escrita de les enseñances de so; esta ambigüedá ye lo que se conoz como “problema socrático”. Nun hai dubia, per embargu, que Platón foi influíu fondamente poles enseñances de Sócrates.[1]

El doble rechazu[editar | editar la fonte]

Platón fizo filosofía, a la escontra de los presocráticos y a la escontra de los sofistes. Per un llau, nun taba conforme cola esplicación presocrática del cosmos que basaba'l so razonamientu en proponer un elementu físicu como'l aniciu y razón del mundu. Per otru llau tampoco aceutaba la esplicación sofista polo que tenía de variable. Los sofistes nun reconocíen una verdá, sinón que podría dicise que los sos razonamientos yeren relativistes dafechu, ensin reconocer una única verdá. Poro, Platón establez qu'hai otru mundu más allá del físicu, del sensible, y tamién qu'hai una verdá única a la que paga la pena averase. La motivación inicial de la so filosofía foi fundamentalmente política y moral y pensaba que namás pola esistencia de lo xusto en sí (idea de lo que ye xusto) son posibles actos xustos. L'estudiu d'esti fundamentu empobinará la so teoría de les idees.

Teoría de les Idees[editar | editar la fonte]

Les idees nun pertenecen al mundu que vemos, ye dicir al sensible, sinón qu'hai otru mundu ideal (de les idees) onde habiten les idees. Toles coses d'esti mundu material y corruptible nel que nos movemos imiten lo que les idees son nel mundu de les idees. Polo tanto, la esencia de les coses ta nes Idees, si daqué ye daqué, yelo porque s'asemeya a la idea de daqué. Pue dicise que'l mundu sensible tien realidá en tanto que participa del mundu de les Idees (hai dos mundos: el de lo sensible y el de les idees). Cuanto más participa una cosa del nuestru mundu de la una idea, más perfeuta ye.

Epistemoloxía[editar | editar la fonte]

Platón básase na Mayéutica: conocer ye recordar (y amúesalo col exemplu del esclavu, onde namás faciéndo-y entrugues consigue que l'esclavo pescancie conocimientos matemáticos). La nuestra alma inmortal, preesistente al cuerpu y yá que vivió nel mundu de les idees pue recordar un conocimientu que yá poseía. Nesti procesu de conocimientu Platón distingue dellos graos de conocimientu:

- la doxa (opinión), qu'inclúi la eikasía (imaxinación) y la pístis (creencia).

- la episteme (ciencia), qu'inclúi la diánoia y la nóesis (conocimientu discursivu y razón).

Pa esplicar estos graos de conocimientu utiliza la conocida metáfora de la llinia y el mitu de la caverna (nesti últimu casu fala del progressus o salida de la caverna y regressus o vuelta a la caverna; cola salida el individu algama'l conocimientu más verdaderu al llegar al mundu les idees y cola vuelta regresa al mundu sensible).

Teoría política: La República[editar | editar la fonte]

En La República trata d'algamar la xusticia: una armonía ente l'orden del cosmos, el de la ciudá y el de l'alma. Ye importante la distinción alma y cuerpu: l'alma ye inmortal y espiritual y participa de la naturaleza de les idees; el cuerpu ye material y pue corrompese, la muerte del ser humano ye namás la destrucción del cuerpu. L'alma tendrá una eterna tresmigración nos cuerpos (reencarnación).

La ética empobínase hacia la conquista del bien supremo que ye la felicidá. A les tres funciones de l'alma correspuénden-yos tres virtúes:

1- A l'alma racional: la sabiduría o prudencia. 2- A l'alma irascible: la fortaleza. 3- A l'alma apetitiva: la templanza.

Xunto a estes virtúes ta la xusticia que sintetiza (o axunta) les tres virtúes.

La perfeición namás s'algama en sociedá. L'Estáu ye l'únicu capaz de garantizar la xusticia. La sociedá ha d'estructurase en tres clases de ciudadanos: gobernantes (filósofos), guerreros y campesinos, nes que predominen respeutivamente caún de los tres tipos d'alma. Y de la mesma manera qu'una alma ye xusta cuando les sos tres partes tán n'armonía, tamién nel Estáu apaez la xusticia como armonía de les tres virtúes (sabiduría o prudencia, fortaleza y templanza). Pa evitar la tentación de favorecer a los amigos o a ún mesmu, les dos clases superiores nun han de tener drechu a propiedaes privaes, nin tampoco a formar una familia estable. D'esta manera, trátase de que vivan comunitariamente y que los sos fíos seyan consideraos toos como si caún de los proxenitores fuera so padre. La familia, el matrimoniu monogámicu y la propiedá privada namás habrían de ser accesibles pa los artesanos o trabayadores, quien, debío al so menor desendolcu intelectual, motívanse solamente por incentivos materiales, talos como aumentar les sos riqueces o'l so bienestar material.

P'acceder a la condición de guardián (guerreru) Platón establez una dura educación, y namás los que superen estes dures pruebes podrán ascender a esta condición. Al mesmu tiempu, d'ente los meyores guardianes, y depués d'otra dura y elevada educación, especialmente basada nel estudiu de les matemátiques y de la dialéutica, seleicionaránse los gobernantes filósofos. Trátase, asina, d'un réxime políticu altamente elitista, anque los gobernantes nun son seleicionaos en función del so orixe social o de la so posición económica, sinón per aciu de los sos méritos y capacidaes. Ye un elitismu intelectual el que defende Platón. Arriendes d'ello, tamién prevé la necesidá d'una política de seleición euxenésica, especialmente ente los guardianes, pa favorecer un procesu d'ameyoramientu de los ciudadanos. Per otra parte, los gobernantes tienen el drechu a exercer una descomanada censura en toles artes, na lliteratura, el teatru y nos conteníos de la enseñanza yá que, siendo ellos los poseedores del conocimientu, son los únicos que puen saber qué ye lo adecuao y qué ye lo perxudicial pa la coleutividá. N'especial, el gobernante habrá d'impedir la lliteratura o'l teatru que ridiculice a los dioses y, más entovía, curiar de les enseñances que reciben los neños, pues ye na infancia onde s'alquieren los peores vicios y se descarríen los futuros ciudadanos.

En cualquier casu, Platón nun introduz diferencies ente homes y muyeres: los dos sexos han de tener los mesmos derechos y recibir la mesma educación. Sicasí, Platón como tolos griegos, taba convencíu de que too cuanto naz (y la polis nun ye una esceición) ta sometío a dexeneración. Por ello, prevé les estremaes etapes de dexeneración que pue sufrir una comunidá humana, y describe les cinco formes de gobiernu que, de manera procesual, exemplifiquen dicha dexeneración. Asíina, pa él, la forma ideal de gobiernu ye la monarquía entendida nel so significáu lliteral: el gobiernu d'una persona, el más capaz (nun ye una monarquía hereditaria polos méritos de la sangre, sinón el gobiernu del meyor). Si son dellos ente los meyores (aristos) los que gobiernan, denomínase aristocracia (nuevamente nun nel sentíu del gobiernu d'una casta social, sinón de los meyores y más preparaos intelectualmente). La dexeneración d'esta forma de gobiernu ye la timocracia, o gobiernu rexíu pol honor más que pol conocimientu, que pue dexenerar na oligarquía (gobiernu d'unos pocos) rexida pol afán de riqueza. Cuanta más importancia se da a la riqueza menos se da a la virtú, diz Platón. Esta situación xenera probitú y aumenta les diferencies sociales, lo que enxendra la democracia, el triunfu de los probes sobre los ricos que conduz a una inevitable crisis de l'autoridá y a la demagoxa (foi un réxime democráticu'l que condenó a muerte a Sócrates). Pero l'escesu de llibertá y de pautes fijxes y racionales de conducta empobina a un camín d'escesu de servidume y desorden que da llugar a l'apaición de la tiranía, la más detestable de les formes de gobiernu y verdadera caricatura del gobiernu xustu que, según Platón, ye la monarquía.

Obres[editar | editar la fonte]

Platón escribió na forma de diálogos. La coleición d'esos escritos - xeneralmente tenida como auténtica - vien darréu:

  • Alcibíades (Primeru): trata de la doctrina socrática del auto-conocimientu;
  • Alcibíades (Segundu): trata del conocimientu;
  • Apoloxía: relata'l discursu de defensa de Sócrates nel tribunal d'Atenas;
  • Banquete: trata del orixe, les diferentes manifestaciones y el significáu del amor sensual;
  • Cármides: diálogu éticu;
  • Clítofon: trata de la virtú;
  • Cratilo: de la naturaleza de los nomes;
  • Critias: Platón narra equí el mitu de l'Atlántida al traviés de Critias (el só güelu). Ye un diálogu inacabáu;
  • Critón: de la xusticia;
  • Eutidemo: crítica a los sofistes;
  • Eutifrón: trata de los conceutos de piedá ya impiedá;
  • Fedón: relata'l xuiciu y muerte de Sócrates y trata de la imortalidá del ánima;
  • Fedro: de la retórica y l'amor sensual;
  • Filebo: sobre lo bono y lo bello, y cómo l'home pue vivir meyor;
  • Gorxias: trata del auténticu filósofu énte los sofistes;
  • Hipias (mayor): discusión estética;
  • Hipias (menor);
  • Ión: trata de poesía;
  • Laques: trata del coraxe;
  • Leis: aborda dellos asuntos de la esfera política y xurídica. Ye'l caberu (inacabáu), más llargu y complexu diálogu de Platón;
  • Lisis: trata de l'amistá/amor;
  • Menexeno: eloxio de la muerte nel campu batalla;
  • Menon: trata de l'enseñu de la virtú;
  • Parménides: trata de la ontoloxía. Ye nesti diálogu nel que Platón introduz la teoría de les formes;
  • Políticu: trata del perfil d'home políticu;
  • Protágoras: trata del conceptu y naturaleza de la virtú;
  • La República: aborda dellos temes, toos subordinaos a la cuestión central de la xusticia;
  • Sofista: diálogo de calter ontolóxicu;
  • Teeteto: trata esclusivamente de la Teoría del Conocimientu;
  • Timeo: trata del orixe l'universu.

Referencies[editar | editar la fonte]

  1. Afirmao en: Platon — Œuvres complètes. Páxina: IX. Autor: Platón. Data d'espublización: 2008.
  2. URL de la referencia: https://www.encyclopedia.com/humanities/encyclopedias-almanacs-transcripts-and-maps/plato-428427-bce-337336-bce.
  3. Identificador BVMC de autor: 64452. Afirmao en: Biblioteca Virtual Miguel de Cervantes. Data de consulta: 13 mayu 2020. Llingua de la obra o nome: castellanu.
  4. 4,0 4,1 Afirmao en: Encyclopædia Britannica Online. Identificador Encyclopædia Britannica Online: biography/Plato. Apaez como: Plato. Data de consulta: 13 xineru 2024. Llingua de la obra o nome: inglés.
  5. Paul Natorp (1910). «Glaukon 7 (Pauly-Wissowa)» (n'alemán). categoría:Pauly-Wissowa vol. VII,1. 
  6. Johannes Kirchner (1894). «Antiphon 5 (Pauly-Wissowa)» (n'alemán). categoría:Pauly-Wissowa vol. I,2. 
  7. Afirmao en: CONOR.SI. Identificador CONOR.SI: 6035555.
  8. Esti términu apaez nel Diccionariu de l'Academia de la Llingua Asturiana. Ver: platonismu

Enllaces esternos[editar | editar la fonte]