La República

De Wikipedia
Saltar a navegación Saltar a la gueta
Uiquipedia:Wikipedia:Llista d'artículos que toa Wikipedia tien que tener/Archivu
La República
Politeia beginning. Codex Parisinus graecus 1807.jpg
Datos
Autor Platón
Fecha década del 380 edC
Xéneru diálogo
Cambiar los datos en Wikidata
Estazu de La República de Platón; papiru atopáu n'Oxirrinco, Exiptu.

La República (en griegu, Πολιτεία Politeia, de polis, que significa 'ciudá-estáu') ye la más conocida ya influyente obra de Platón, el compendiu de les idees que conformen la so filosofía. Escrita en forma de diálogu ente Sócrates y otros personaxes, como discípulos o parientes del propiu Sócrates, encadármase en diez llibros, magar que la transición ente ellos nun correspuende necesariamente con cambeos nos temes de discutiniu. Nesta obra, el tema que s'alderica primeramente ye'l de la naturaleza de la xusticia. El discutiniu deriva escontra'l tema de cuál sería la meyor filosofía y organización del Estáu, de tala forma qu'ésti fuera perfectu, ideal. Pa ello, Platón fai que Sócrates opine sobre la forma d'educar a los homes mientres instrúi a los demás contertulios. Les idees clave según l'autor,[ensin referencies] son la importancia de la educación de los guerreros pa la posterior defensa del Estáu, la obligación moral d'exercer la xusticia y, finalmente, declara abiertamente que la república —según el modelu establecíu nesta obra, bien distintu del sentíu modernu que s'asigna a la pallabra república— ye la meyor opción pa entamar un Estáu.

Según paez, el Llibru I escribióse con anterioridá a tolos demás, seique alredor del 395 e.C.. Otru bloque, formáu polos Llibros II, III ya IV, taría escritu escontra'l 390 e.C.., enantes del primer viaxe de Platón a Sicilia. El tercer bloque qu'inclúi los Llibros V al X, ye, ensin dulda, enforma posterior, darréu que los escribió Platón dempués d'esi primer viaxe a Sicilia, pero primero que'l segundu; probablemente escontra'l 370 e.C..