Pierre de Coubertin

De Wikipedia
Pierre de Coubertin
2. presidente del Comité Olímpico Internacional (es) Traducir

1896 - 1925
Dimitrios Vikelas (es) Traducir - Henri de Baillet-Latour
Vida
Nacimientu VII Distritu de París[1]1 de xineru de 1863[2]
Nacionalidá Bandera de Francia Francia
Muerte Xinebra[3]2 de setiembre de 1937[4] (74 años)
Sepultura Cementerio de Bois-de-Vaux (es) Traducir
Familia
Padre Charles Louis de Frédy, Baron de Coubertin
Madre Marie Marcelle Gigault de Crisenoy
Casáu con Marie Rothan (en) Traducir
Hermanos/es Paul Frédy de Coubertin
Estudios
Estudios Escuela Libre de Ciencias Políticas (es) Traducir
Llingües falaes francés[5]
Oficiu
Oficiu historiador, pedagogu, profesor, escritor, árbitru de rugbi a 15, políticu, funcionariu deportivufundador (es) Traducir
Trayeutoria
Premios
Miembru de Comité Olímpicu Internacional[6]
Gloria de deporte (es) Traducir
Salón de la Fama del IRB (es) Traducir
Éclaireurs français (es) Traducir
Seudónimu/os Georges Hohrod y Martin Eschbach
Cambiar los datos en Wikidata

Pierre Fredy de Coubertin, barón de Coubertin (1 de xineru de 1863VII Distritu de París – 2 de setiembre de 1937Xinebra) foi un pedagogu ya historiador francés, fundador de los Xuegos Olímpicos modernos.

Biografía[editar | editar la fonte]

So padre, el barón Carlos Luis de Coubertin, quería que fuera militar, pero'l so temperamentu sensible topetó cola dura disciplina de la Escuela Especial Militar de Saint-Cyr. Decidió dedicase a la pedagoxía, onde se sintió realizáu polos sos ideales. Mudóse a Inglaterra pa perfeccionar los sos estudios, onde conoz la «singular» doctrina del cristianismu muscular: la busca de la perfeición espiritual per mediu del deporte y l'hixene. Unu de los más destacaos siguidores d'esta ideoloxía foi'l pastor anglicanu Thomas Arnold, del que Pierre se convirtió en discípulu.

Empieza a sopelexar estos métodos por toa Francia: Crea sociedaes atlétiques nos institutos que se xunta na Unión de los Deportes Atléticos (Union des Sports Athlétiques). Funda la primer revista dedicada al deporte: la Revue Athlétique, llogrando que'l gobiernu francés apuerte a incluyila nos sos programes de la Esposición Universal de 1889.

El ministru d'educación únvia-y a los Estaos Xuníos por que siga la so investigación sobre los métodos d'enseñanza. El deporte empezó a ser tomáu en serio. De ser practicáu por minoríes o nel colexu, pasa a tar de moda y espertar entusiasmu.

Pierre empieza a suañar con xunir nuna estraordinaria competición a los deportistes de tol mundu, sol signu de la unión y l'hermandá, ensin ánimu d'arriquecimientu y solo pol deséu de consiguir la gloria, competir por competir, como diz la frase de Ethelbert Talbot “Lo importante nun ye vencer, sinón participar”, frase mal atribuyida a Pierre de Coubertin. La idea de Coubertin paecía insensata y topetó con muncha incomprensión.

Intentando convencer a toos, viaxó per tol mundu falando de paz, comprensión ente los homes y d'unión, entemeciéndolo tou cola pallabra Deporte. A la fin, na última sesión del Congresu Internacional d'Educación Física que se celebró na Sorbona de París, el 26 de xunu de 1894, decide instituyise los Xuegos Olímpicos.

N'Inglaterra, esta idea nun ye bien recibida y l'opinión pública decide quedar al marxe. Alemaña reaccionó intentando boicotiar los xuegos. Grecia opónse, y el so xefe de gobiernu, Tricoupis, quixo torgar la so realización, pos aquel llíu salía bien caru al so país.

Coubertin consiguió que'l príncipe herederu de Grecia, el Duque de Esparta, intercediera ante'l káiser Guillermo, emperador d'Alemaña cuñáu so, convenciendo a los ingleses y al so propiu Gobiernu. El príncipe consigue que s'emita una serie de sellos conmemorativos pa consiguir el dineru pa los xuegos. Amás crea una suscripción pública con tan bones resultancies que consigue que Jorge Averof, un griegu millonariu quien emigró a Alexandría siendo bien nuevu, cuerra colos gastos de la reconstrucción del estadiu d'Atenes.

El 24 de marzu de 1896, día de Pascua de Resurrección, el Duque de Esparta, tres un discursu, afaya la estatua del mecenes Jorge Averof. El rei Jorge de Grecia pronuncia per primer vegada les pallabres rituales:

Declaro abiertos los Primeros Xuegos Olímpicos Internacionales d'Atenes.

Lema: "Lo esencial na vida nun ye vencer, sinón lluchar bien"

Esti modestu principiu sería l'orixe del movimientu olímpicu modernu. Los Xuegos Olímpicos celebráronse, coles esceiciones de la Primer Guerra Mundial y de la Segunda Guerra Mundial, mientres tol sieglu XX y principios del XXI, convirtiéndose n'unu de los acontecimientos más populares del planeta.

Referencies[editar | editar la fonte]

  1. Afirmao en: certificáu de nacencia.
  2. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  3. Afirmao en: Gemeinsame Normdatei. Data de consulta: 30 avientu 2014. Llingua de la obra o nome: alemán. Autor: Biblioteca Nacional d'Alemaña.
  4. Afirmao en: Gran Enciclopedia Soviética (1969–1978). Sección, versículu o párrafu: Кубертен Пьер де. Data de consulta: 27 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.
  5. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  6. Data: 1896.

Enllaces esternos[editar | editar la fonte]


Predecesor:
Dimitrios Vikelas

Presidente del COI

1896-1925
Socesor:
Henri de Baillet-Latour