Mutya Bona

De Wikipedia
Saltar a navegación Saltar a la gueta
Mutya BonaPicto infobox music.png
Mutya Buena.jpg
Mutya Bona nun conciertu en Bristol con Sugababes en 2004.
Vida
Nome completu Rosa Isabel Mutya Buena
Nacimientu

Kingsbury21  de mayu de 1985

(34 años)
Nacionalidá Bandera del Reinu Xuníu Reinu Xuníu
Estudios
Estudios Kingsbury High School Traducir
Oficiu
Oficiu cantante y compositora de cantares
Xéneru artísticu R&B contemporáneo Traducir
pop
Dance
Soul
Mena de voz mezzosopranu
Instrumentu musical voz
Discográfica London Records Traducir
Island Records
Polydor Records
IMDb nm1104787
Cambiar los datos en Wikidata

Rosa Isabel Mutya Bona (Londres, Reinu Xuníu, 21 de mayu del 1985) ye una cantante y compositora británica de soul, pop y R&B. Foi unu de los miembros fundadores de Sugababes, xuntu con Keisha Buchanan y Siobhán Donaghy, anque tamién llegó a trabayar con Heidi Range. Con elles consiguió un gran ésitu internacional colos cuatro álbumes que grabó, incluyendo cuatro número 1 na llista británica. En 2005 Mutya dexa'l grupu pa dedica-y más tiempu a la so familia, y en 2007 llanzó al mercáu'l so primer álbum en solitariu, nel qu'inclúi collaboraciones con Amy Winehouse, George Michael y el grupu Groove Armada. Anguaño reformó la formación orixinal de Sugababes, col grupu Mutya Keisha Siobhan.

Biografía[editar | editar la fonte]

La familia Bona vive anguaño en Kingsbury, nel noroeste de Londres. Mutya nació de madre irlandesa y padre filipín. El so nome Mutya provien del tagalu y significa Una musa. Tien 5 hermanos (Bayani, Charlie, Chris, Danny y Roberto) y dos hermanes pequeñes, Ligaya y Dalisay. Otra hermana, Maya, morrió en 2002, y el cantar Maya, del álbum Three, ta dedicada a ella. El 23 de marzu del 2005 dio a lluz a la so fía Tahlia Maya Bona, la so primer fía col so noviu Jay.

Sugababes[editar | editar la fonte]

Mutya Bona y la so meyor amiga, Keisha Buchanan, conocieron a Siobhán Donaghy nuna fiesta en 1998, cuando elles teníen trece años. Llueu, decidieron formar un grupu. Mutya grabó cuatro álbumes con Sugababes, toos ellos de gran ésitu comercial en tol mundu: "One Touch", "Angels With Dirty Cares", "Three" y "Taller In More Ways".

Dempués de l'aparente enfermedá que fixo que nun pudiera promocionar a xeitu el single "Ugly", foi anunciáu'l 21 d'avientu del 2005 que Mutya Bona dexaba Sugababes. Según un comunicáu na so páxina web oficial, "La decisión de Mutya ta basada puramente en razones personales, y va siguir teniendo gran amistá coles sos compañeres de grupu Keisha y Heidi". Foi sustituyida nel grupu pola cantante Amelle Berrabah.

Munchos fans reaccionaron negativamente ante la marcha de Mutya, y la sustitución de la cantante pola nueva componente, Amelle Berrabah. Munchos críticos allabaron la banda cuando Mutya taba nel grupu, por cuenta del so "actitú y presencia nel escenariu", daqué que falla en munchos grupos musicales.

Carrera en solista[editar | editar la fonte]

Dempués de dexar Sugababes en avientu de 2005, Mutya empezó a trabayar en material pal so primer discu de solista. S páxina de Myspace estrenóse'l 25 d'abril de 2006, y ta siendo usada pa falar con fans, amigos y colegues, y apaecen demos, como son "Love Story", "2 The Limit", "Wonderful", "Darkside", "Suffer 4 Love", "Sunshine", "Addiction", "Paperbag", "Strung Out", "Where You'll Find Me" and "Song 4 Mutya (Out Of Control)" featuring Groove Armada.

Mutya collaboró pal so primer álbum en solitariu con numberosos artistes importantes de la escena musical Inglesa y Norteamericana, como son Tah Mac, MC Viper, George Michael o Groove Armada pa los sos próximos discos y Greatest Hits (George Michael "25 Hits"). "This Is Not Real Love" ye una romántica balada que cantó Mutya xuntu con George Michael pal so Greatest Hits 25: Hits, y foi publicáu n'avientu del 2006. Nengún videoclip foi realizáu, y xuntu con una pequeña promoción, provocó qu'el single namái llegara al #15 nel Reinu Xuníu, anque nel restu del mundu esfrutara de bastante ésitu.

Mutya, pocu dempués, apaeció nel single de Tah Mac "Give Back", qu'inda non se sabe si va salir como single del discu de Tah Mac. La so recién apaición nel cantar de Groove Armada "Soundboy Rock" provocó reacciones positives ente'l públicu inglés. El cantar "Song 4 Mutya (Out Of Control!)", foi bien aclamáu pol periodista musical y creador de Popjustice, Peter Robinson.

Dempués d'abandonar Sugababes, Mutya consiguió un contratu con Island Records UK (Universal Records UK), la mesma discográfica que la de Sugababes. El so primer álbum titúlase "Real Girl", y va publicase el 4 de xunu en tol mundu, y se rumorea que va incluyir collaboraciones con Johnny Douglas, Justin Timberlake y Pharrell, ente otros.

Una entrevista con "Cosmopolitan" reveló qu'el so primera single va llamase "Real Girl", que se va publicar el 16 d'abril. El single, producíu por Full Phatt, una producctora establecida en Londres que remezclaron singles como'l de Jojo "Too Little Too Llate".

Los cantares que tán confirmaes pal discu son: "Real Girl", "Not Your Baby", "Strung Out", "Paperbag" y "Hollow". El discu va incluyir tamién el single "B-Boy Baby!", dueto con Amy Winehouse, y les temes producíes por Groove Armada tamién van tar nel discu. Según el so Myspace, el cantar "Call Back, Or Drop Dead" [cantar refugáu pola cantante norteamericana Ciara], va apaecer nel álbum, que va ser un amiestu de soníos que va ser paecida a la tema "Gotta B O", cantar del discu "Taller In More Ways" de Sugababes, pero con soníos más potentes y con música Pop/Dance.

Mutya Bona puede trate na campaña de la cadena Británica Channel 4 "New Music Month", xuntu con dos de les cantantes más importantes y de más ésitu internacional del Reinu Xuníu que son Sophie Ellis-Bextor, Corinne Bailey Rai, y Natasha Bedingfield, y les cantantes de Rap/Dance Lady Sovereign y Tracey Thorn, dambes con menos ésitu internacional.

Real Girl[editar | editar la fonte]

"Real Girl" ye'l títulu del so álbum debú, que salió a la vienta'l 4 de xunu de 2007 nel Reinu Xuníu ya Irlanda, y el 2 de xunetu n'Europa, Australia y Asia.

L'álbum inclúi collaboraciones bien importantes, colos que Mutya tuvo trabayando apocayá. Unu de los nomes ye'l dúu-dance Groove Armada, George Michael y la ganadora d'un Brit Amy Winehouse, quién canta a dúu con Mutya la tema de The Tonettes "Be My Baby".

Una entrevista con Cosmopolitan reveló que'l primera single que va salir a la vienta ye "Real Girl" (que contién la música de la tema de Lenny Kravitz "It Ain't Over 'Til It's Over"), que foi publicáu de manera dixital el 14 de mayu de 2007, y físicamente el 28 de mayu en tol mundu. El single foi producíu por Full Phatt, una productora de música establecida en Londres. El single consiguió llegar al #2 nes Llistes de Vientes de Singles del Reinu Xuníu, y consiguió ser un Top 40 Mundial.

El segundu single del discu foi "Song 4 Mutya (Out Of Control)", una tema a dúu col grupu Groove Armada. El single debutó nel #8 del UK Top 75 Singles, y tuvo un ésitu moderáu nel restu d'Europa y Australia. El tercer senciellu publicáu foi "Just a little Bit", y por cuenta de la poca promoción recibida per parte de los medios de comunicación, el single foi tou un fracasu nes llistes, debutando fuera del Top 50 Singles nel Reinu Xuníu.

El cuartu y últimu single, "B Boy Baby", xuntu cola collaboración de l'artista de R&B/Soul Amy Winehouse, va ser publicáu'l 31 d'avientu de 2007 nel Reinu Xuníu. Nel videoclip de la tema, Amy nun apaez, namái la so voz.

Discografía[editar | editar la fonte]

Como solista ===

Álbumes ===

Senciellos[editar | editar la fonte]

Añu Títulu Meyores posiciones Álbum
Bandera del Reinu Xuníu
R.O.
[1]
Bandera de Australia
AUS
[2]
Bandera de Finlandia
FIN
[3]
Bandera de Países Baxos
HOL
[4]
Bandera de Irlanda
IRL
[5]
2007 «Real Girl» 2 59 6 6 25 Real Girl
«Song 4 Mutya» (con Groove Armada) 8 24 12 37 26
«Just a Little Bit» 65
«B Boy Baby» (con Amy Winehouse) 73

Collaboraciones[editar | editar la fonte]

  • 2006: "This Is Not Real Love" con George Michael (2006) #15 UK (*)
  • 2008: "With You" (Ashley Walters con Mutya Bona)
  • 2009: "Fallin'" (Agent X con Mutya Bona & Ultra)
  • 2009: "Give Back" (Tah Mac con Mutya Bona)
  • 2011: "Give Me Love" (Paul Morrell con Mutya Bona)
  • 2011: "Be OK" (City Boy Soul con Mutya Bona)

Referencies[editar | editar la fonte]

  1. «Artist Chart History > Mutya Bona» (inglés). The Official Charts Company.
  2. «Discography Mutya Bona». Australian-Charts.com. Hung Medien. Consultáu'l 12 de payares de 2009.
  3. «Discography Mutya Bona». finnishcharts.com. Hung Medien. Consultáu'l 12 de payares de 2009.
  4. «Top 40-artiest: Mutya Bona» (neerlandés). Dutch Top 40.
  5. «Irish Singles Chart, database». Irish Recorded Music Association.

Enllaces esternos[editar | editar la fonte]




Mutya Buena