Lacaille 9352

De Wikipedia
Saltar a navegación Saltar a la gueta
Lacaille 9352
Lacaille 9352
Constelación Piscis Austrinus
Ascensión reuta α 23h 05min 52,0s
Declinación δ -35º 51’ 11’’
Distancia 10,74 ± 0,03 años lluz
Magnitú visual +7,34
Magnitú absoluta +9,75
Lluminosidá 0,011 soles
Temperatura 3700 K
Masa 0,50 soles
Radiu 0,49 - 0,64 soles
Tipu espectral M1.5V
Velocidá radial +9.5 km/s

Lacaille 9352 (GJ 887 / HIP 114046 / LHS 70)[1] ye una estrella que s'atopa a 10,74 años lluz del Sol, lo que la convierte na décimu-primer (o undécima) más cercana al nuesu Sistema Solar. Tópase asitiada na constelación de Piscis Austrinus cerca de la llende con Grus, al sureste de β Piscis Austrini, y suroeste de γ Piscis Austrini y δ Piscis Austrini.[2] De magnitú aparente +7,34,[1] nun ye observable a simple vista.

Lacaille 9352 foi una de les estrelles qu'incluyó Nicolas Louis de Lacaille nel so catálogu del añu 1763 onde figuren 9766 estrelles reparaes dende'l hemisferiu sur. Al respective de nós muévese a razón de 6,9" per añu, la cuarta estrella con mayor movimientu propiu (el primeru en notalo foi Benjamin Apthorp Gould en 1881[3]).

De tipu espectral M1.5V,[4] Lacaille 9352 ye una nana colorada con una temperatura efectivo de 3700 K.[5] Con apenes daqué más del 1% del la lluminosidá solar, la so metalicidá ye un 60% de la que tien el Sol ([Fe/H] = -0,22).[6] La midida del so diámetru angular, teniendo en cuenta'l escurecimientu de llimbu —1,388 milisegundos d'arcu—,[7] dexa calcular el so radiu, igual al 64% del que tien el Sol; otres fontes, sicasí, envaloren un radiu inferior, equivalente al 49% del radiu solar.[6] La so masa ye aprosimao la metá de la que tien el Sol.[6]

Dada la proximidá de Lacaille 9352 respectu al Sol, esta estrella foi oxetu de gran interés astronómicu. Foi escoyida como oxetivu prioritariu de la Space Interferometry Mission (SIM) de la NASA, proyeutu de busca de planetes de tres mases terrestres dientro de les 2 UA más cercanes a la estrella.[2] Hasta'l momentu, el Telescopiu espacial Hubble nun detectó oxetos del tamañu d'un planeta xigante o una nana marrón alredor d'esta estrella. Incluyendo la lluz infrabermeyo emitida, un hipotéticu planeta terrestre —por qu'allugara agua líquido— tendría que tar asitiáu a 0,22 UA de Lacaille 9352.[2]

Ver tamién[editar | editar la fonte]

Referencies[editar | editar la fonte]