Gamma Piscis Austrini

De Wikipedia
Saltar a navegación Saltar a la gueta
Gamma Piscis Austrini
Gamma Piscis Austrini
Constelación Piscis Austrinus
Ascensión reuta α 22h 52min 31,53s
Declinación δ -32º 52’ 31,8’’
Distancia 216 ± 7 años-lluz
Magnitú visual +4,46
Magnitú absoluta +0,29
Lluminosidá 81 soles
Temperatura 10.600 K
Masa 2,9 soles
Radiu 2,7 soles
Tipu espectral A0V
Velocidá radial +16,5 km/s

Gamma Piscis Austrini (γ PsA / 22 Piscis Austrini / HD 216336)[1] ye una estrella de magnitú aparente +4,46 na constelación de Piscis Austrinus. A pesar del so denominación de Bayer «Gamma», ye namái la sesta estrella más brillosa na constelación.[2] Alcuéntrase a 216 años lluz del Sistema Solar.

Anque clasificada como estrella xigante,[1] piénsase que Gamma Piscis Austrini ye en realidá una estrella blanca de la secuencia principal de tipu espectral A0V, non bien distinta de la conocida Vega (α Lyrae). El so radiu 2,7 vegaes más grande qu'el radiu solar y la so masa de 2,9 mases solares asina lo suxuren.[3] Tien una temperatura superficial envalorada de 10.600 K y relluma con una lluminosidá 81 vegaes mayor que la del Sol. Xira sobre sigo mesma con una velocidá de rotación de siquier 55 km/s, completando una vuelta en menos de 2,4 díes. El so relativamente lenta rotación ye responsable de los elevaos conteníos na so atmósfera de ciertos elementos pesaos como cromu, europiu y estronciu.[3]

Visualmente a 4 segundos d'arcu de Gamma Piscis Austrini puede reparase una estrella de magnitú +8,1; probablemente forme un sistema binariu con Gamma Piscis Austrini, una y bones dambes estrelles mueven xuntes al traviés del espaciu. D'alcuerdu al so magnitú absoluta, la posible compañera pue ser una nana de tipu F8/9 que la so lluminosidá sería casi'l doble de la solar. La separación real ente les dos estrelles ye de siquier 260 UA y l'analís del so movimientu suxure un llargu periodu orbital de 3000 años aprosimao.[3]

Referencies[editar | editar la fonte]