Catálogu Henry Draper

De Wikipedia
Saltar a: navegación, buscar

El Catálogu Henry Draper (n'inglés Henry Draper Catalogue, HD) ye una colección de datos estelares (astrométricos y espectroscópicos) aconceyaos nun catálogu estelar que contien más de 225.000 estrelles. En 1949 publicóse una ampliación del catálogu (Henry Draper Catalogue Extension, HDE) con 135.000 estrelles más. En total, clasificáronse 359.083 estrelles.[1]

El catálogu, publicáu por primera vegada en 1890, contenía sólo 10.000 estrelles; darréu foi ampliándose ente los años 1918 y 1924 y compilóse por Annie Jump Cannon y los sos collaboradores del Harvard College Observatory so la supervisión de Edward C. Pickering. Debe'l so nome al astrónomu Henry Draper, del que la so viuda fexo la donación del dineru riquíu pa financiar el proyectu.

Les estrelles presentes nel catálogu son de magnitú media 9 o menor (cerca de cincuenta veces más tenues que la más débil de les estrelles visibles a güeyu). Esto fai que s'emplegue polos astrónomos aficionaos por cuenta de la potencia de los sos telescopios. El catálogu cubre tol cielu y ye notable por ser el primer intentu de catalogar les estrelles acordies col so tipu espectral.

Nomenclatura[editar | editar la fonte]

Les estrelles del catálogu numbérense coles lletres HD (o HDE) siguíes d'un númberu que va dende'l 1 hasta'l 225.300 n'orde d'ascensión reuta pa una dómina 1900.0. Les estrelles nel rangu 225.301 - 359.083 vienen de estensiones realizaes nel añu 1949. Anguaño la clasificación HD ye enforma utilizada pa estrelles que nun disponen de designación de Bayer o de Flamsteed.

Exemplos[editar | editar la fonte]

Ver tamién[editar | editar la fonte]

Referencies[editar | editar la fonte]

  1. The Henry Draper Extension Charts: A catalogue of accurate positions, proper motions, magnitudes and spectral types of 86933 stars, V. V. Nesterov, A. V. Kuzmin, N. T. Ashimbaeva, A. A. Volchkov, S. Röser, and U. Bastian, Astronomy and Astrophysics Supplement Series 110 (1995), pp. 367–370, Bibcode:Bibcode: 1995A&AS..110..367N.