HD 269810

De Wikipedia
Saltar a navegación Saltar a la gueta
HD 269810
HD 269810
Constelación Doráu
Ascensión reuta α 05h 35min 13,90s
Declinación δ -67º 33’ 27,5’’
Distancia 170.000 años lluz (aprox)
Magnitú visual +12,28
Magnitú absoluta -11,1
Lluminosidá 2,4 millones de soles
Temperatura 52.500 K
Masa 150 soles (aprox)
Radiu 18,5 soles
Tipu espectral O2III(f)
Velocidá radial +303 km/s

HD 269810 (HDE 269810 / RMC 122 / Sk -67 211)[1] ye una estrella que s'atopa na rexón H II DEM 241 na Gran Nube de Magallanes.[2] Visualmente na constelación de Doráu, la so magnitú aparente ye +12,28.[1]

HD 269810 ta catalogada como una xigante azul de tipu espectral O2III(f).[2] El so espectru ópticu y ultravioleta ye característicu d'una estrella ON, polo qu'apocayá foi clasificada como ON2III(f*), categoría apocayá definida.[3] Esta clase foi interpretada en términos d'amiestu del material CNO recicláu na atmósfera y nel vientu estelar.

Con una temperatura superficial averada de 52.500 K, HD 269810 ye una de les estrelles más calientes qu'esisten. Ye coles mesmes descomanadamente lluminosa, rellumando con una lluminosidá más de 2 millones de vegaes superior a la del Sol.[3] El so radiu ye 18,5 vegaes más grande qu'el radiu solar, y con una masa envalorada de 150 mases solares, ye una de les estrelles más masives que se conocen.[4] Sufre grandes erupciones y presenta un ritmu de perda de masa estelar bien eleváu. Tocantes a la so composición química, HD 269810 amuesa una rellación nitróxenu/carbonu apreciablemente más alta (nun factor de 23) que la esistente nel mediu interestelar de la Gran Nube de Magallanes.[3]

Modelos teóricos —considerando una velocidá de rotación nel ecuador inicial de 300 km/s y la metalicidá de la Gran Nube de Magallanes— asitien a HD 269810 cerca de la secuencia principal d'edad cero (ZAMS) nel diagrama de Hertzsprung-Russell, lo cual ye consistente con un tempranu estáu evolutivu.[3]

Ver tamién[editar | editar la fonte]

Referencies[editar | editar la fonte]