Metalicidá

De Wikipedia
Saltar a: navegación, buscar

La metalicidá, tamién denomada electronegatividá, ye'l conceutu astrofísicu que s'usa pa describir la bayura relativa d'elementos más pesaos que l'heliu nuna estrella. Esos elementos reciben el nome de metales independientemente de la so posición na tabla periódica.

Espectroscópicamente ye fácil midir la bayura d'elementos metálicos (nel sentíu avezáu) n'estrelles utilizando la fondura de les sos llinies d'absorción. La bayura d'estos elementos alcuéntrase correllacionada coles bayures d'otros elementos más llixeros como carbonu o oxíxenu. N'astrofísica, suelen denominase por esta razón metales a tolos elementos más pesaos que l'heliu. Yá que la fraición d'elementos más pesaos que l'heliu aumenta en función del tiempu cósmicu, la metalicidá d'una estrella ta rellacionada col momentu nel que se formó, lo que dexa deducir la so edá o la zona de la galaxa au nació. Nel casu de la Vía Láctea la metalicidá amenorga dientro del discu a midida qu'alloñámonos del centru, asina mesmo escái más rápido entá si salimos del discu na direición perpendicular al planu galácticu.

Esisten dellos formalismos matemáticos pa espresar la metalicidá.

  • Metalicidá en fraiciones de masa
X Fraición de masa del H
Y Fraición de masa del He
Z Fraición de masa en "metales"
Onde se verifica:
Composición primordial: X=0,76 Y=0,24 Z=0,00
Composición solar: X=0,70 Y=0,28 Z=0,02
Ha conseñase, que la metalicidá tamién pue espresase en fraiciones de númberu d'átomos, y nesi casu llógrense valores mayores pal H y menores pal heliu y los metales.
  • Índiz de metalicidá
La mayor parte les vegaes, la metalicidá esprésase utilizando como patrón la bayura d'elementos metálicos del Sol. Esta midida nun ye de calter absolutu sinón relativa. Les llinies d'absorción que se comparen son les del hidróxenu coles del fierro. La metalicidá del Sol ye d'un 1,6% en masa. L'índiz de metalicidá esprésase como [Fe/H] que representa'l logaritmu del cociente ente la bayura de metales na estrella y la bayura solar. Esta ye la so fórmula:
onde ab ye la bayura de fierro (Fe) o hidróxenu (H) según el casu.

L'índiz de metalicidá del Sol va ser . Los oxetos más probes en metales que'l Sol tienen un índiz de metalicidá negativu y los más ricos tienen un índiz positivu. Como la escala ye logarítmica, una metalicidá de "-1" va equivalir a una bayura diez veces menor a la del Sol y un índiz de valor "+1" a una bayura diez veces mayor.

Ver tamién[editar | editar la fonte]

  • Espectroscopía