Dómina (astronomía)

De Wikipedia
Saltar a navegación Saltar a la gueta

N'astronomía, época, o tamién dómina de les coordenaes, ye una fecha precisa a la que faen referencia les coordenaes celestes calculaes pa les estrelles. Teniendo como orixe que dalgunos de los movimientos de la Tierra son perceutibles, tales como'l xiru sobre la so exa (día) y el xiru alredor del Sol (añu) y otros non tan perceptibles, conocíos col nome de precesión y nutación, ye d'entender que les coordenaes de les estrelles camuden, magar que casi imperceutiblemente, cada añu. Por esta razón resulta oportuno facer referencia a un precisu intre de tiempu pal so cálculu.

Usu[editar | editar la fonte]

La dómina de les coordenaes que más s'usa nos actuales atles celestes y nes Efemérides ye'l de J2000.0, que s'afita como referencia nel 1 de xineru de 2000 a les 12:00 TT. El prefixu "J" vien a indicar que ye Dómina xuliana. L'estándar anterior foi B1950.0, col prefixu "B" indicando que yera Dómina besseliana.

Les dómines besselianes emplegáronse enantes de 1984 y anguaño, nos cálculos astronómicos empléguense namái dómines xulianes.

Formatos emplegaos[editar | editar la fonte]

Les dómines que faen referencia a los elementos orbitales danse por norma xeneral en tiempu terrestre (TT) y descríbense distintos formatos:

  • Dates en Gregorianu con representación en 24-hores time: 2000 Jan. 1, 12:00 TT
  • Dates en formatu gregorianu con una parte fraicionaria del día: 2000 Jan. 1.5 TT
  • Día xulianu con día representáu de forma fraicionaria: JDT 2451545.0
  • Emplegando los elementos orbitales definíos pol formatu de la NASA/NORAD como por exemplu: 00001.50000000