Precesión

De Uiquipedia
Saltar a: navegación, buscar
Vista esterior del movimientu de rotación, au s'adica los puntos que recuerre la prollongación del exe del Tierra, na bóveda celeste y les distintes "Estrelles Polares".
Movimientu de precesión d'ún trompu o peonza.

El movimientu de precesión, tamién nomáu Precesión de los equinoccios, ye debíu a que la Tierra nun ye esférica, sinon un elipsoide achatáu pelos Polos. De ser la Tierra esférica dafechu, namái ficiera los movimientos de rotación y tresllación

Pue considerase esti movimientu como un ximielgue llentu demientres el movimientu de tresllación peru en sen contrariu (retrógradu) al de les aguyes del reló, asemeyáu al que fai una peonza. Esti ximielgue fai que l'exe terrestre debuxe un conu de 47º d'apertura col vértiz nel centru la Tierra. Una vuelta completa de precesión dura 25.767 años, ciclu nomáu Añu Platónicu y del que ya los antiguos Mayas ficieran un cálculu estimáu.

Ángulu de Precesión

Esti movimientu fai que por exemplu, la prollongación de la llinia Norte-Sur (qu'anguañu siñala a la Estrella Polar u Osa Menor), alcuéntrese namái que a 1º d'esta estrella. Alrodiu del añu 2102 tará a unos 28', y lluéu dirá allonxándose pa que, dientru d'unos 10.000 años seya Deneb (α Cygni) la estrella que mos indique el Polu Norte y llueu Vega (α Lyrae), 3.000 años dempués. El ciclu repítese pa entamar otra vegada, con una estrella que ya foi la Estrella Polar nel 2.700 enantes de Cristu. Nómase Thuban (α Draconis) y que-yos siñalaba el Norte a los pobladores del Antigu Exiptu, y cola que s'orientaron pa facer les pirámides.


Ver tamién[editar | editar la fonte]